星加坡餐廳 (已結業)

有晚我倆人去新加坡餐廳食飯, 一肚氣. 奉勸各位無謂浪費金錢和谷氣,千奇咪去呢間餐廳. 今時今日仲有咁嘅服務態度和食物水準都仲未"汁粒"? 果晚order左一碟干炒牛河, 一個芝士焗野菌, 等左40分鐘都仲未到, 叫個waiter問吓, 點知再等多10分鐘, 等到好燘, 後來到了一碟"凍" 嘅肉絲炒面, 一個豬扒焗意粉. 我叫經理過來問吓, 佢嘅態度好差好惡劣, 仲問係唔係我講錯, 完全冇話可能伙計落錯單. 我費事跟佢理論, 起身走人, 點知佢出言侮辱和恐嚇, 後來我報警求助. 果晚真係火滾兼一肚氣.以後我都叫d friend千奇唔好去新加坡餐廳.

我同bf兩個人去食...其實見樓下沙爹王full晒而佢地仲咁吉就已經覺得唔對路...只可惜我好肚餓所以勉強一試...一試就出事!!首先係order野食...舉極手都冇人理...到有人黎落野時又唔覆單...野食到...個忌廉湯有顏色而冇任何味道!!好似飲緊水咁!! 兩個餐包但唔知點解比3舊牛油&3把牛油刀我地...我bf order左咖哩豬扒飯...得一小舊薯仔...成個面係油, 勁油膩!!我就叫左佢地o既"招牌"安格斯牛扒要七成熟, 但黎左o既o個客扒就起碼十七成熟!!我好似咬橡筋咁!!肉又韌又多筋, 完全咬唔到, 只係啜到汁only!!!餐飲...我叫左凍檸水少甜, 但黎到o既凍檸水就超甜, 得兩塊超薄檸檬, 完全無檸檬味!!總之以後我餓死都唔會再去星加坡餐廳!!

我從來見過如此咁差的restaurant...服務無....由其是個4眼仔.........串爆食物......十分難食.....30元個咖喱牛飯......得4舊牛.....叫個抄河d河粉好似未抄過叫杯凍檸茶兩塊檸檬

之前男友黎食過鐵板,好抵,佢同我一齊黎試下...黑椒雞扒飯配忌廉湯加野飲,,有兩塊雞扒,味道好好,肉眼扒配勁多意粉,忌廉湯加野飲,又係有兩塊肉,不過意粉真係好多呀,要男友同我分擔些...侍應速度奇快...出餐都唔錯.唯獨是埋單耐些少....

2007.07.24今次係第一次寫食評,終於感受到貼錢買難受滋味.更加想藉此想告知各方好友無謂浪費荷包金錢在此餐廳上~其實每間食店唔會樣樣都好味, 但今次呢間可以說係失敗中的失敗!!!同老公去旺角食飯,見唔駛等位就試左呢間餐廳.叫左以下食品,Menu仲話係必食推介,全部簡直難食.- 晚餐: 鐵板牛柳配燒汁($48)- 牛肉喇吵- 蝦餅- 肉骨茶牛柳餐來了,說明是鐵板餐,郤來了蠂上,牛柳不是牛柳,不如說是牛排,薄如紙,無味可言.以為店主推介的喇吵應該不俗,點知吃了一口已經唔想再食,又係得個喊而無味,粉不是粉,仲粗糙過沙紙(真係救命!!) 全餐最正常的只係杯餐飲--咖啡...食了HK$149, 我連$1 tips都無俾到,覺得滿肚氣,埋單時本來想同個經理講佢地d食物好難食, 但老公阻止了.以後就算唔駛錢我都唔會再來呢間餐廳.各位食

今天放工後約埋到旺角逛逛，六時半前再來這裹享用一客超值的下午茶晚餐，朋友選了星洲炒米，我則要了一碗雞肉喇沙，星洲米不是很大碟，胃口大的可能唔夠，但喇沙則很大碗有很多雞肉及素東，濃湯內見不到阿蔘果，只有很濃咖喱味但不太辣，不像我在檳城我試過的味道，但都很香口；餐連一杯飲品但沒有餐湯，食客可加一盅$18的肉骨茶作餐湯，加埋都不過五十元。

周末前同事邀約晚膳，他建議到這間樓上餐廳，大概六時左右來到，每人先來一盅肉骨茶($28)，深黑色的湯水中有兩根大排骨和藥材配料，藥材味適中不會太濃，味道可媲美我在馬來西亞嚐過的水準。這裹在六時半前仍有下午茶餐供應，總共有廿多款選擇，包括一般扒飯、拉麵、炒粉麵飯和三文治等等，最高廿多元一客，上枱後發覺份量跟正餐是一樣的，但價錢差不多只是一半，如果可以早些到就可以超值價享用晚餐，這在旺角中心區是很平宜的了。餐廳環境不俗，座位有窗邊卡位、多人梳化位及一般散座，適合多人或小人數飯聚；招呼方面沒有前文所述的問題，可能只是個別情况。食物水準唔錯，價錢合理，日後會再來幫襟。

星期日同屋企人食晚飯，講真，入到去唔洗等位其實有d擔心，但入左去就要試! 見到餐牌發現都好平喎! 於是，就叫左set dinner...焗肉醬意粉都係$39，有湯有包有野飲...星期日晚的旺角喎...仲有咩要求呀! 食落口都唔差的呀! 之後仲叫左焗青口同田螺，襯底的薯蓉又香又好味! 仲叫左串燒雞，燒焦左少少..幾野味!!4個大人都係食左210蚊....平價之選啦!

星期日睇戇豬男之前，因為時間關係（得１個鐘就開埸）所以近近地０黎左呢度食午餐～叫左２個午餐：鮑魚粒雞粒炒飯，紅湯，凍ＯＴ＄２５豬扒雞扒薯菜，紅湯，凍ＯＴ＄３０炒飯唔錯，幾大碟；２塊扒一般ＳＩＺＥ，薯菜份量頗多～埋單好怪呀，加一係會自動進位＝ｏ＝（３０＋２５加一＝６０．５）佢地收我地６０．５呀～服務比我上次０黎差左多好呀！！！～我要投訴其中一個肥肥地＆唔太高＆四眼男人服務員！！－）０黎０個陣檯面上已經放齊哂刀叉更，我地叫完餐佢突然響我面前拎走把刀，０個陣我仲未ｒｕｎ到仲咩事，幾秒後先諗到原來唔叫扒餐就唔會有刀用！？喂～放多把刀響度唔使死掛，又突然粒聲唔出拎走把刀，真係畀佢嚇死！二）朋友已經有點ａｎｇｒｙ，我就話算數喇。佢送湯０黎唔出聲放響檯，ｏｋ冇所謂，到我地飲緊湯（係專心＆望住碗湯飲緊）佢突然響兩湯之間攝入個扒餐．．．個頭閃遲ｄ個ｏｒ貼近張檯多ｄ都會畀個碟餸撞到！三）０個陣朋友已經ａｎｇｒｙ到爆！好喇到我地食緊個扒餐，湯碗同麵包籃咁耐佢地都唔收，張檯有點迫～朋友見佢行過就叫佢收下ｄ碗碟，佢竟然駁咀’你放個叉響個籃到我唔知你有咩企圖所以唔收囉’，個陣我Ｏ哂咀．．．企圖？食餐飯姐有咩企圖可

好認同之前的食友的評語，服務差到不能形容。星期一約左朋友睇一點九UA朗豪坊的戲，得四十五分鐘左右咪諗住附近食囉,呢個星期自己午飯已食過沙嗲王,見好耐無去過新加坡餐\\\廳咪再上去。去到無人理會都算，有個四眼的男人服務態度超不知所謂，落單落到好似乞佢\\\個飯食咁。又用個鼻黎認人。我地叫左一個飯一個扒，佢\\\唔出聲係我個女性朋友背後伸雙手入去囉走佢\\\把餐\\\刀，差D就碰到佢\\\心口。我朋友已經十分不高興，跟住我地飲梗湯既時候，佢\\\可以唔出聲將碟扒跣上檯就算走人。這是甚麼服務員呀!?講句野叫人小心,講埋個菜名唔駛死呀?跟住黎埋個飯仲衰，明明我張檯邊有野,佢\\\可以用碟飯好似碰碰車咁撞我地檯面D野,夾硬撞入黎.中間有位你就放係中間啦.我叫佢\\\收左個餐\\\麵包籃,個伙計竟然駁咀話我放住隻叉係隻唔知有乜企圖咪唔收囉.呢D係伙計應該做既事黎架喎,你可以問我仲要唔要架喎,收刀又唔見你話唔知你要唔要?佢\\\地仲衰到收服務費係先四捨五入再加..即係本來5.5既加一,佢\\\會變左6蚊先再加,變相呃左我地五毫子.呢間野我打死都唔會去第二次,除非全旺角的食肆執淨佢\\\地啦.

我係第二次來這間餐廳食晚飯嘅,因為貪嗰度有多卡位,唔駛點等位,又好似唔會趕人走...上次都覺得ok la, 但今次就感覺奇差喇!!! 我哋一行三人,七點半到餐廳,好高興一去到就有一張卡位,我地坐落完全無人理我地,咁我地睇左一陣就決定食一個二人套餐,而我就食一個西冷扒餐.唔知點解咁猛鬼...我地有我地大聲叫人,但嗰度啲員工好似完全聽唔到睇唔見我地!!!最終我地大聲叫停一男職員,佢係完全無回應咁去到另一張枱...之後又回到我地張枱度,好厭惡咁話:等我攪左嗰度先嘛!!!咁我地都忍佢! (因為得佢一個啋我地!)之後我地就指住張menu嘅二人套餐,同佢order話: 一個A, 一個B, 另外一個扒餐.佢急急抄下,無覆我地就走人. 最後,意外真係發生左...有另一女員工送來兩個餐,我地見個餐唔多似我地叫嗰啲,就即時問嗰個女員工...點知嗰位小姐居然好似我地追佢債咁,一路話:唔係我幫你落單架,一路好似走佬咁. 我地唯有話:咁你都要同我地跟架! 之後佢就走去揾同我地落單嗰位先生來! 原來嗰位先生同我地落左晚餐A & B ,佢好不滿咁話我地唔清楚講明,我地同佢講話咪指左比佢睇囉,佢就話:我淨係聽,唔睇加

這間餐廳，我一共去了幾次，但每次都令人很失望。上次午市時，d 侍應完全唔理人，由叫茶，叫野飲，去到叫埋單，都冇人理我地。到左今日去食下午茶，就發生左三件事，足以令我激到噴血：１）有個貌似經理的人拿著兩碟野行埋來時，明明行到桌邊，佢就大模斯樣將碟野凌空定格，要我地自己去接，仲要當我地示意佢擺係我地面前時，佢放低之後，就啤住我地。２）我叫左個星洲炒米，個星洲米完全係「豉油王炒米」咁既樣，一dd 黃色都冇，食落去又係一大陣豉油味，少少辣味都冇，我都唔知佢邊「忽」似星洲米。(最可惜係我冇影低佢)３）最離譜既係，我見到個經理，竟然行埋一張有客人的桌子旁邊，拎起張台布黎抹手！！！一間個樣都幾四正的西餐廳，竟然提供比茶餐廳都不如的服務，枉佢仲收我加一服務費! 我以後都唔會再黎呢度食野!!!!!

末見過咁難食的餐\\\廳,食物難入口,服務只能一字形容,差!七千呎的餐\\\廳哇!侍應只有三五個,個個都很落力做,但就是招呼到我,我可以體諒這些人,換了是我,又怎去做?諾大一個場,最可恨就是那個老闆,他提供了什麼食物,什麼服務給我?老實說,我今后都不會再去了,超難食,等待服務時間超長!

響朗豪坊睇完戲出埋門口已經２點半，我就拉朋友去食下午茶＾３＾本來想去沙爹王食架，點知佢地冇下午茶餐，就走上黎呢度食～午餐比下午茶多＄７左右，分別係多碗餐湯。都係下午茶經濟ｄ，最後點了炒貴刁同炸魚薯條，凍檸茶少甜。２樣野都係ｓｈａｒｅ食。貴刁先來，本身唔食辣野，見朋友想食就叫佢照要囉。食落唔係好辣，得好少非常之少的辣，接受的！所以大家都各食了一半＾＾之後炸魚都黎了，都有我隻手咁大塊呀＠ｗ＠熱辣辣脆卜卜，點埋ｄ千島醬真係一流！食到一半朋友問點解我地唔去沙爹王食？我答：我想食‘下午茶’，唔理下午茶有咩食，我想食‘下午茶’先食到既‘下午茶野食’　ＸＤ

上次同媽咪,fd去li度唸住試下,因為樓下個嬸嬸好賣力gum sell,一上到去,都無mug人gei...個場裝潢係ok的,我地叫左一個星洲米,海南雞飯,焗田螺,白汁龍利柳飯....d野食一一黎齊,..估唔到...個餐湯..難飲到..好似乾食奶粉gei感覺囉,..d野食..除了星洲炒米稍為正常,其他野食都好似係受左幅射咁,超難食...我地以後都唔會去了..li間野真係浪費左樓下個位好落力sell 的嬸嬸呀!