星之戀

秋風起，又到吃大閘蟹的時候了，雖然現在只是剛剛開始，很多餐廳都已經推出了大閘蟹放題了。就像今天吃的這間在荃灣海之戀商場的星之戀也推出了放題，現在吃還有送鮑魚和燴遼參呢。而且餐廳比較特別，有比較少有的窗邊位，更有露天的地方，還可以看到夜景呢，不過今天就下雨坐不了，有點遺憾了，天氣涼涼的在露天吃飯真不錯呢。２小時任食放題（４９８元）這個放題主角一定是大閘蟹，尺寸約三兩左右，有大有小的，都是公蟹。雖然個頭不是很大，蟹膏什麼不會太多，但這是放題呢，多吃幾個就好了。而且上菜速度挺快，也可以多下單幾隻！蟹黃鮮甜，蟹膏軟糯甘香，蟹肉滑嫩。而且更提供了三種口味，分別是清蒜，花雕煎和鹽油焗，各有特色，原味最鮮，但花雕會有酒香，鹽油焗就最惹味。送的鮑魚口感爽滑，燴遼參的海鮮味很濃。其他還有片皮鴨，想不到是一整隻即場片給你的，皮非常脆，肥而不膩的。糯米飯也有驚喜，材料很多，口感軟糯，味道香濃，臘味很香。甜品也有６款可選，吃起來都挺新鮮的，都是現炸現蒸的，個人挺喜歡鮮奶卷和蘋果包。…查看更多

星期日一人飲茶，這裏食物有好有壞，蒸腸粉可以是微溫，糭有一次係有酸味。今次侍應安排要搭枱，對面阿伯係咁咳，我要求調位，去卡位，類似高級啲侍應要我畀兩位茶錢才可坐，一係坐個大電視下面，後來另一侍應話唔使啦！咁我坐啦！食完埋單先，又有個侍應話要我走，平時如果坐佢啲圓枱就唔使趕走嘅！咁嘅服務態度，唔怪之得香港食肆無得做，坐佢個卡位好似犯咗佢嘅法咁！不歡迎嘅！你寫明唔歡迎一位客人，一定要多人才可飲茶啦！以為坐咗張卡位會發達！好巴閉！…查看更多

一到秋天，最期待嘅就係大閘蟹啦！最近去咗荃灣【星之戀】，佢哋新推出嘅大閘蟹放題真係幾吸引，而且仲有優惠價😍。📌 大閘蟹分三種口味：清蒸：原汁原味，蟹膏濃郁飽滿，超滿足！花雕：酒香滲入蟹肉，味道更香更惹味。鹽焗：外殼鹹香帶脆，蟹肉保持鮮甜，別有一番風味～除咗源源不絕嘅大閘蟹，仲有片皮鴨同糯米飯，滿口香氣。最後當然唔少得多款精緻甜品🍮，鹹甜交替🍽️ 其實「星之戀」唔只係大閘蟹放題咁簡單！店裡仲有私房中菜，價位中等，仲有即叫即整嘅手工點心，用料新鮮又夠心機。✨ 環境方面，餐廳設有室內同戶外座位，坐喺露天位置仲可以望住日落同海景用餐，氣氛輕鬆自在，好適合同朋友聚會或者慶祝場合📍 荃灣星之戀｜大閘蟹季優惠進行中 🦀 無限任點大閘蟹＋片皮鴨＋甜品一次過滿足！總括而言，味道唔錯，值得一試！…查看更多

見網上成日賣廣告話抵食，星期六去無任乜優惠，叫了套餐可選一款燒味，一款粉麵飯及三個點心，加埋茶錢總數要$407，午餐來講價錢唔平。食物上枱時都熱辣辣，也不用等好耐，燒肉皮脆但略鹹，份量少；叉燒菜粒炒飯：飯較乾但味道可以，菜粒新鮮；牛柏葉都幾入味，有咬口；珍珠雞飯多餡少，糯米飯軟硬適中，中間有粒細鹹蛋黃；燒賣大粒但普通，內有一隻半蝦。坐近門口冷氣不太夠，有點熱；侍應有禮。兩人食一個套餐也夠飽，茶叫了鐵觀音也夠味。…查看更多

又到品嚐大閘蟹季節，今日與友人相約荃灣一家酒家選擇性價比高大閘蟹放題😍餐廳坐落之處視野開闊，倚窗遠望青馬大橋，夕陽餘暉映照下的景色格外動人。🦀大閘蟹放題 $498/1位有三種烹調方式各具風味：清蒸保持鮮甜本味，油鹽焗則提升鮮味，花雕熟醉風味，沒有掩蓋蟹的鮮味，頗合個人口味。大閘蟹大約3.5兩左右，算不上很大隻，但勝在即蒸，而且每隻都很多膏，蟹黃食落口感滑溜，味道濃郁😋此外，放題還有北京片皮鴨，皮薄肉嫩，搭配煙韌餅皮，口感層次分明。還有生炒糯米飯和多款甜品亦可盡情品嚐。特別喜歡大良鮮奶卷，外脆內嫩，濃香奶味。薑汁紅棗千層糕，薑汁濃郁，口感煙韌。✨️每位客人還送蠔皇8頭鮑魚與小米燴遼參一份，擺盤精緻，且份量足。星之戀酒家不僅提供大閘蟹放題，還有各式中式私房菜，價格屬於中等水平，手工點心則現點現做。🎈星之戀🎈大河道100號海之戀商場3樓3013號舖…查看更多

假日一行十一人朋友聚餐,點了八個小菜,味道普通酒樓貨式但份量極少,最平的啫啫生菜煲$138 ,$168 /碟的咕嚕肉份量只比大家樂套餐多少少,同樣價錢的苦瓜斑腩煲只食到魚骨完全沒肉（是我食過最差的班腩煲）,花膠翠塘豆腐裡的花膠切碎冇口感冇鮮味完全唔值！煎蓮藕餅$168.00 又係得嗰八塊唔夠分,北京填鴨$188/一吃味道價錢已算是最合理了！最奇怪是飯後贈送之紅豆沙,只有兩碗是熱其他都是凍的（呢啲細節位証明廚房管理真係有問题）,由於我們坐房,但結賬後大约九時一名貌似女部長/經理已不停在房門口張望似有趕客之嫌,大家唯有掃興離座！其實荃灣還有其他性價比更高,更美味服務更好的酒樓,如想試新野或探店真要三思以免中伏又換來一吐氣！…查看更多

食完睇番啲食評先發現好多人話佢做生意唔老實，估唔到真係中伏。我哋去飲早市，叫咗斑蘭生煎豬肉餃，嚟咗斑蘭生煎包，我哋冇叫佢換，照食，到埋單嗰時諗住叫佢張單轉番做斑蘭生煎包，因為生煎包係比煎餃平一蚊，我仲特登影埋相俾佢睇當時係嚟咗包，點知個女部張死口話係餃嚟，唔肯轉番張單，真係當我哋傻，仲話我哋冇斑蘭生煎包，到我喺個餐牌指個斑蘭生煎包俾佢睇，佢又話個包係白色，唔係咁，真係指鹿為馬到一個點。我見只係差一蚊就唔同佢糾纏，不過顯示出佢哋做生意好唔老實，冇生煎餃咪同我哋講囉，唔使咁核突嘅。雖然食物同個景係幾好，不過做生意唔老實即刻扣晒分，唔會再有下次。…查看更多

中午同老爸慶生飲茶，等左兩轉無出雪山义燒包，埋單對單（大家一定要對單）發現無取消，於是請佢取消，等咗好耐有兩個經理/部長來回幾次都稱lock 機取消唔到。最後取消完，我回頭搵老爸，佢反覆話個職員話無來鳳爪，我話明明話無來雪山义燒包。我行到出收銀，竟然聽到兩個聲稱lock機的女子話：明明成枱骨，仲話無食鳳爪。我即時覺得不能接受，問返點解要同老人家講“鳳爪”，而非澄清“雪山义燒包，”收銀女士 call 了兩三次機明晰轉達無來的义燒包，我亦對住聲稱lock機的女部長/經理講，從來無提咩鳳爪。要求澄清佢哋的行為，只係涉事的人等即時閃人。作為客人，唔知班人係溝通得咁差，定係有人講錯然後等啲客唔對單、唔出聲，或怕麻煩就過關。仲有，假日的價錢，同點心紙唔同，佢喺某角寫假日貴啲，而不是在點心價錢隔離。所以大家要小心睇清楚。不過，服務態度咁差，再好食、再好環境我都不會再幫襯。…查看更多

午市孖寶，寫住$168，埋單嗰時變咗$208，原來有細細隻字寫住，假日加$40（我估），喺我前邊嘅客人埋單同樣有呢個問題，收銀就叫出去樓面：解釋吓俾呢位先生小姐聽！$40又唔使解釋嘅，不過會令到顧客唔舒服，我本身見到呢間食肆做咁多小視頻，宣傳呢度有幾好食，首先味道就中規中矩，服務就完全跟唔上，賣廣告變相趕客，奉勸呢位老闆用返啲好啲嘅夥計啦，最近香港執咗咁多食肆，大把人需要一份工，黑口黑面嘅夥計可以叫佢返屋企休息，完…查看更多

叫寫野、沖水、話忙，企係度吹水就得😂愛理不理食物就好彩仲入得口，未反胃最不知所謂係無要求下自把自為改左個客張單，話人地‘唔夠食’提升番服務水平去正常程度，就算唔好食條氣都順啲啦…查看更多

剛剛過去星期日約埋班朋友去星之戀飲茶聚會，點知就係比佢門面裝修呃咗，滿心歡喜諗住啲點心及小炒都會有驚喜，點知最終發覺兩個點心唔夠熱，即時同樓面講換過，當時個樓面即時黑面，態度極之惡劣，最後都好似好唔願意之下幫我哋換咗，另外尤其是嗰個安格斯乾炒牛河極之難食，炒飯又冇味道，燒鵝又凍嘅，蝦餃啲蝦又霉，冇諗住呢個裝修格局啲嘢食水準咁差，我哋都從未食過一閒酒樓咁難食，第一次幫襯實在太失望，唔會再有下一次幫襯😡…查看更多

行完大帽山後，回到同阿仔揾地食午餐，幸運地在這裏攞到枱。我之前已經在這裏飲過早茶食過晚飯，今日第一次同阿仔在這裏光顧午市。叫咗潮州粉果，沙嗲金錢肚，燒賣皇，彩虹蝦餃，小籠包，奶皇豬仔包，天鵝雀巢蘿蔔絲酥，蜜汁义燒腸。由於太肚餓，部分點心都沒有拍照。😅整體來說，點心味道都不俗，個別做型精緻，尤其是天鵝雀巢蘿蔔絲酥及奶皇豬仔包。天鵝的做型唔錯，最特別就是個雀巢，上面放在可以食的鵪鶉蛋😊，雀巢雖然可以食，但卻比較油膩。至於奶黃豬仔包，不少中菜館上這個點心時，豬仔都會走樣，但這裏則能保持它的樣貌。😊兩個人叫咗8個點心，埋單付＄392，價錢尚算合理。…查看更多

上個星期日到星之戀晚飯，一心希望帶爸爸去，因為網上見到有一啲食評想試，雖然有其他套餐選擇，但我亦都希望叫一啲好啲，所以我點咗兩個湯一個係遼參燉湯連加一$200多一些，另外就叫咗蟹肉湯羹特價$88，點知蟹肉羹面頭係有煙，但係一入口根本只係暖和嘅溫度完全浪費咗個湯嘅味道！之後爸爸嘅遼參燉湯到，溫度亦是令人失望到極！根本唔夠熱，完全浪費晒，我亦都唔明乜嘢叫做燉湯點可能有燉湯係唔熱呢當時我哋亦都有向職員投訴，但係佢哋就敷衍咁話係呀好啊，我話俾廚房知係咁多啦！ 唔怪得啲人話香港食肆唔抵，職員又冇禮貌食物質素又唔穩定，冇生意怪得邊個！$200雖然唔係好貴，但係淨係一個人嘅燉湯都唔可以話係平，呢個經驗實在令人好憤怒以後唔會再幫襯！好失望，！連一間普通嘅屋村酒樓都不如！不知所謂！…查看更多

其實第一次光顧，因為喺三樓所以好多時候去到 op mall 都冇諗過原來呢度有一間 中式酒樓可以飲早茶.... 呢度嘅好處就係如果好似我今日咁好彩 ，同家人就可以坐到窗口位，仰眺藍不勒海的美麗風景(大家亦可以參照我所影過的相) 早晨有孖寶當然唔好嘥叫咗兩個， 雞飯同埋生煎包； 另外一個就係 龍蝦湯鮮竹卷同埋百花釀三寶； 此外我在家咗魷魚， 早晨特價嘅貓耳朵牛肉同埋蒸排骨。 有啲驚喜杯茶唔錯 起碼冇嗰種苦澀味， 鐵觀音第一炮 飲到尾都算係咁。 少少唔開心咪就係 好似 鹹咗少少，唔知係落重咗定係落咗比較劣質嘅鹽。 臘味雞飯真係都算係咁，如果再加多小小肉緊就能夠做到蝦仔飯嗰種香味，希望佢哋繼續努力。 排骨就一般比較韌， 蒜蓉蒸魷魚好正不過都係比較韌。 大底來說都會再嚟幫襯，不過好可惜朝頭早原來要十一點半前埋單如果唔係茶水就會計多些小。…查看更多

今次嚟到喺海之戀嘅星之戀，呢一間中式菜館餐廳有一個大閘蟹兩黃蟹逅大閘蟹位餐，原價呢就每位$898 ，但係而家做緊優惠價，每位只需要$598 ，而呢個優惠價呢只係適用於兩位或者以上嚟到用餐嘅人士嘅啫。佢個餐單呢就有成10度菜式㗎，分別就有山茶蟹粉小籠包，竹笙海皇燴燕窩，櫻桃鵝肝半冰鎮鮑魚、奇趣蝦多士、蒜香乳鴿、清蒸大閘蟹、蟹粉扒菜苗、富豪炒飯、同埋薑茶湯圓。咁講返佢呢10味菜都OK唔差㗎，而我最鍾意嘅係佢個蟹粉扒菜苗，同埋富豪炒飯雖然細細個細細碗，但係都食得出嗰個炒飯底嘅鑊氣，最後嗰個薑茶湯圓嘅薑味亦都非常之夠薑。…查看更多