明記食店

食左好多次嘅明記，今日又來食，揀咗蘿蔔、豬皮、魚蛋同牛腩四餸，配油麵底。湯頭一飲驚艷——濃郁牛骨湯底帶淡淡柱香，唔會死鹹，反而有種深邃嘅甜味，明顯係熬足功夫！蘿蔔清甜無渣，豬皮吸盡湯汁爽彈十足，牛腩軟淋入味，魚蛋更是彈牙帶魚香。麵身掛湯力強，每啖都係滋味！價錢平民，但用料實在，絕對物有所值。廿幾度天氣下食到滿頭大汗，卻滿足到舔碗底！若果要挑骨頭，只能說份量略少，食量大可能要多加個餸。開左咁多年果然keep住水準，將車仔麵嘅街頭智慧發揮得淋漓盡致！值得專程一試。…查看更多

有時約人喺觀塘，都會約觀塘廣場地下等成日望到佢都生意唔錯，今次試一試佢呢間車仔麵店可以揀嘅餸款式好多堂食位置大概10個，今次我就選擇外賣啦今次車仔麵，我揀咗菜心做菜底另外配咗三個餸，分別係牛筋、牛腩、滷水豬皮三款餸都煮得非常之腍，好入味牛腩軟熟無筋，牛筋淋得來有啲咬口滷水豬皮，好香好入味但係略嫌份量有啲細，菜底連埋三個餸$38*見到佢其實除咗車仔麵之外，原來都有羊腩煲下次試一試外賣，羊腩煲再同大家分享…查看更多

星期一，做完體驗，排隊去完三間銀行及郵局，已經過咗五點，一整日無嘢落過肚，行經觀塘廣場，嚟到呢間食啲嘢，左睇右睇，決定叫個三餸麵，麵底要咗車仔麵檔少有嘅上海麵，三餸叫咗鳳爪、鴨腎同豬皮，麵底$22，鴨腎$10，鳳爪同豬皮，每樣$6，一共$44。麵底乜都無，都要$22，相比譚仔有咁多配菜，如果我無記錯的話，都係收$28，咁我寧願要譚仔嘅麵底啦，雖然上海麵底配車仔麵嘅餸係有啲特別。呢度啲餸嘅價錢，若果同譚仔或同級嘅麵店比，價錢算合理，但比較埋個格局，就自然覺得佢貴。味道方面，無論係上海麵或車仔麵嘅餸，都屬中上水平，但完全唔會有種非食不可嘅感覺，止下心癮可以嘅，但全港性價比高過佢嘅，都絕對搵到。…查看更多

依間老字號車仔麵舖～係官塘廣場應該開咗10年以上～長期都有人排隊～咁應該幾好味可以試吓叫咗一碗兩餸車仔麵揀咗鹵牛筋、牛腩～所以要加錢～湯底話係金華火腿椰子雞湯～又真係食唔出～加咗牛腩汁先知可以選擇辣汁～靠D牛腩汁如果唔係湯應該冇味～所以食落唔會好咸～餸份量唔多～米粉又唔多～牛筋牛腩鹵得好淋～都算入味～不過食完一碗絕對唔飽要再下午茶車仔麵都差唔多係呢D價位～不過份量比起其他車仔麵舖確實係少D～味道又冇咩特別…查看更多

5年前返學日日都會食，疫情期間3年屢次經過都未見營業，今年重遊舊地發現終於開門，一如既往多人幫襯，可惜而家無得將摺枱放喺路中心，重現唔到當年坐滿商場地下嘅盛況。今日叫咗一個當年例牌會叫嘅車仔飯組合，豬紅，牛筋，魚香茄子，可惜魚香茄子當時已經賣晒，所以轉咗肉豆炒肉碎，堂食加罐可口可樂，姐姐大殼大殼咁畢餸，多到第三樣餸都冇位擺要直接放上面。食完簡單講一下，一個字，正！豬紅夠入味，食落唔腥但係又好新鮮，牛筋炆得夠時間，食落好有骨膠原嘅味道，最後肉豆炒肉碎第一次食，感覺有啲似台式鹵肉飯個種食法，煮得夠哂淋啲汁又惹味，配埋例牌比起出面大一截嘅飯，唔係淨係得個大字，啲飯食落有口感唔係煮到爛晒果隻。…查看更多

佢d坐位好open既 。 😂🤣😹 後面隨時有嘢到寫落你背脊既 。 店內有4個定5個姐姐既 。咖哩羊腩飯 $66（唔係好記得個價 ， 但好似係66😅😅）。 叫左佢多飯 。 D薯仔應該煮左好耐 ， 因為有d變左做熔 。 👍🏽👍🏽超好食 。 🤤🤤推介 。佢其中一個餐牌 。兩餸麵 $32 。 係豬紅同牛肚跟個河粉既 。 個牛肚好林 。 D 河粉冇碎濕濕既 。 凍檸茶加6蚊。正常發輝冇特別。見佢有無骨豬手十蚊咋 ， 嘩 。 係我第二樣推介既🥰🥰 。 好林跟住feel到好多骨膠原 。 🤐🤐但食完要係咁飲水 。 因爲好咸 。…查看更多

今日買外賣比老公食叫個3個餸飯 一開真係嚇親 差到爆 飯就勁多（飯既份量真係好足 9成飯1成餸）剪到勁細既2小塊豬扒 1片腩肉2條大腸咁就叫3餸份量真係少到喊 又唔係好食一定一定無下次…查看更多

📍明記食店 (觀塘)觀塘開源道68號觀塘廣場地下33號舖😃咁琴日星期日仲紅日無雷公咁多人，穩勁耐都無間有得即刻坐比我食下野，之後經過呢間車仔麵店，有位坐同埋好耐都無食過車仔麵🤣👉咁距有好多送選擇，麵都有好多種，同埋距仲有飯啊個d👉my choice：油麵-雞蛋🥚-牛腩-大腸-生菜😆加辣醬👅味道唔差，雞蛋係好似滷蛋咁，外皮小小硬個隻好好味，大腸都幾入味，牛腩我反而覺得無咩特別（中庸）🤣都幾大碗，食唔曬💰價錢：54 推薦指數：❤️❤️❤️（5❤️最高）…查看更多

位於「觀塘」商場「觀塘廣場」大堂地下位置的港式小食食店「明記食店」，其實亦都是食客在「觀塘」工業區裡面，食廉價「車仔飯」食品的理想勝地之一。「明記食店」屬於開放式設計，食客需要率先付款。而且「明記食店」的三餸「車仔飯」，淨食「車仔飯」跟食「車仔飯」連飲品套餐的價錢差距，只是差港幣六元而已。而且食客如果不選擇「明記食店」「車仔飯」套餐的話，可以把剩餘六元差額，改選多一款餸菜代替。例如我原本享用跟「明記食店」三餸「車仔飯」裡面的餸菜包括牛腩、雞翼和菜芯。但是我現在放棄享用跟「車仔飯」相關的套餐，把剩餘下來的港幣六元差額，選擇多一款餸菜「牛筋」。於是我在「明記食店」裡面，雖然同樣花了港幣四十五元，但是最後卻食到有「牛腩」、「牛筋」、「雞翼」以及「菜芯」在內的四餸「車仔飯」，比原本的套餐食多了一款餸菜。不過有一點可以肯定的，是「明記食店」廚房製作出來的四餸「車仔飯」，四餸「車仔飯」裡面實際份量最少的餸菜，是只有兩隻的「鹵水雞翼」。把曾經被「明記食店」廚房店員用剪刀剪開過的「菜芯」跟「鹵水雞翼」比較，「菜芯」的實際製成品份量，也比「鹵水雞翼」多出了幾條。由於「明記食店」「鹵水雞翼」附帶的甜味鹵水醬汁，實際質地偏向比較稀，結果只有「鹵水雞翼」食到來自鹵水醬汁的甜味，白飯的味道卻因為得到的鹵水醬汁不夠多，質地也偏向比較稀。所以「明記食店」「車仔飯」白飯實際味道因為牛腩醬汁太快變凍的關係而變得很淡，口感很乾。不過牛腩醬汁實際份量不夠多，醬汁質地不夠稠不夠濃厚的問題完全撇開之後，「車仔飯」餸菜份量其實很充足。我為我的四餸「車仔飯」，分別點了「牛腩」和「牛筋」，「明記食店」真的剪了很多，浸過甜味牛腩汁的「牛腩」，還有口感煮得非常軟綿綿，入口即化的「牛筋」，「牛腩」和「牛筋」豐富了「車仔飯」實際份量。雖然我不是第一次購買和享用「車仔飯」，但是「明記食店」廚房為「車仔飯」而預備了一個，實際面積感覺非常大，看似是一般的平底圓形餐碟，去盛載所有「車仔飯」食材材料。結果「明記食店」為我的四餸「車仔飯」而預備的擺碟方式，而且只提供一隻金屬餐匙給我，讓我第一時間意識到這碟四餸「車仔飯」，比較像是我在「明記食店」購買的廉價碟頭「頹飯」多一點。不過，食客在「明記食店」裡面，其實還有「筷子」可以選擇，所以基本上我不是在享用「頹飯」。我第一時間拿着筷子，從「車仔飯」眾多餸菜裡面，夾起其中一塊「牛腩」，輕輕咬了一口。我趁「明記食店」廚房新鮮製作完成「牛腩」的時候，立刻咬第一口「牛腩」，「牛腩」當時肉質還未完全熟成，所以口感尚算是偏腍，肉質不會變得太硬。而且「牛腩」有口感軟軟的脂肪包裹住，感覺在吃「棉花糖」多一點。至於「車仔飯」「四餸」裡面的另外一款牛肉食品「牛筋」，「牛筋」實際口感也跟「牛腩」十分相似。「牛筋」跟「牛腩」的最大分別，在於「牛筋」裡面的口感比較腍，是有豐富「骨膠原」在裡面的啫喱狀食品。至於「明記食店」「四餸飯」裡面的其他餸菜部分，「鹵水雞翼」實際份量相對「牛腩」、「牛筋」而言，雖然只有兩隻，而且牛腩醬汁都已經完全滲透進入白飯裡面，腩汁淋在白飯太久，溫度亦都不再灸熱。但是沒有灸熱口感的「鹵水雞翼」，至少還有甜味鹵水雞肉搭救，配上加入了甜味牛腩汁白飯一起享用，就會食到感覺到少許醬汁濕潤感覺，不過濕潤感覺相對比較短暫，還是不要耽誤太久了。咬下「明記食店」第一口「車仔飯」裡面的「鹵水雞翼」，發現甜味的滷水汁，已經完全滲透在雞翼裡面，鹵水雞翼裡面的肉仍然黏附着在雞骨上，需要用上牙力從雞骨撕咬扯下來。或許我真的因為大部分時間顧着拍照，耽誤正式享用「鹵水雞翼」雞肉的機會，所以「鹵水雞翼」雞肉最後進入我口裡面的時候，已經徹底失去了溫度，只剩下鹵水甜味而已。至於「車仔飯」裡面的「菜芯」遇上被時間耽誤的話，「菜芯」口感冷凍下來的實際程度，比起「鹵水雞翼」更加不堪設想，口感冷冰冰，只剩下「菜芯」裡面原本的蔬菜甜味而已。所以「明記食店」的「車仔麵」裡面雖然有牛腩醬汁甜味，但是口感卻不能保留太長時間，不屬於拍照的理想選擇，付款和收到食品後，儘早食完就夠了。…查看更多

今日去咗觀塘嗰頭交收，完咗之後諗住喺附近食野，喺觀塘廣場兜左成個圈最後決定喺地下個層搵嘢食見到呢間鋪好似好多人幫襯，加上我又好耐冇食車仔麵，就一於試吓叫咗粗麵配三個餸要$36，聽落都算合理，我睇完實物之後就覺得份量好似好少。首先我叫左炸魚餅，得一塊咁大把，仲要唔大塊。另外韮菜餃得三隻，裡面又唔係爆晒料。最後酸齋就正正常常，合理少少。不過整體上係完全唔夠飽，粗麵都唔似一個人份量，食完好似冇食過咁，好失望，應該唔會再嚟幫襯…查看更多

🍴紅燒牛肉上海麵 🐮連凍飲 44 蚊次次經過觀塘廣場都忍唔住 會食一哥燒臘或者呢間明記。 明記既粉麵 車仔麵 甚至幾個月前既既咖喱香茅豬扒飯都十分唔錯👍🏻今次呢個上海麵都十分唔錯 湯底帶 d牛味🐮 麵係好有口感 好爽口嗰種 同埋比較幼身🍜 牛肉好厚肉 肥瘦適中 係近牛展位 食落去有 d筋同肥膏既黏稠口感 牛肉味濃 🐂好欣賞佢有魚腐 同煮得熟程度剛好既溏心蛋🥚仲有新鮮生菜添 其實係環境坐位差 d . 野食係十分唔錯#粉麵 #上海麵 #牛肉 #紅燒牛肉 #豆卜 #溏心蛋 Score 平均分 <7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#明記食店觀塘開源道68 號觀塘廣場地下33 號鋪~~~~~~~~~~~~…查看更多

bar枱 座位約10個位左右😁是日點餐：菜甫蛋+菜肉餃+菜米線- 份量一般，女生只係啱啱好- 整體味道👌，唔太鹹- 菜甫蛋較特色，唔係度度有得食番食指數：😊😊😊…查看更多

我記得好多年前呢個商場嘅麵檔枱櫈係擺到出面全部都係，今次已經全部入曬舖頭，即係仲做得住因為趕時間諗住平靚正食個車仔麵，一見到位就坐低點知原來要買完先可以坐低，但係阿姐好好人呀。話幫我落單仲幫我拎埋過嚟於是揀咗米粉蘿蔔酸齋榨菜炒肉絲三送一面好似 $36蚊。應該相當之平 出面求其食個車仔麵兩餸應該都要$40蚊樓上🤔anyways其實係一間小店食車仔麵都冇咩好講，不過值得一提呢間有黑山羊米線，隔離枱的叔叔食得津津有味。講番碗麵先，首先個米粉正常。曾經食過超級鞋的米粉！呢個可以接受 🆗蘿蔔嚟講比較淡，應該唔係用腩汁蚊嘅。酸齋又唔係好酸， 都唔知點解但係我同阿姐講話榨菜肉絲想淨係要榨菜，阿姐居然話：我幫你拎走啲肉絲啦！嚟到嘅時候果然只得三條肉絲,淨係呢份心機呢份誠意都值得比分…查看更多

成日都會去開觀塘廣場明記食車仔麵，從來都唔知道原來佢出咗黑山羊米線。今日經過見到佢貼左張紙寫住黑山羊米線，連埋個特別湯底（姬松茸蟲草花羊骨湯），仲配半隻蛋，都係$42 ，即刻走入去坐低食。呢個黑山羊米線等候嘅時間會耐少少，大概7分鐘到，一開始就是佢ge湯，非常之好味，陪左少少山羊嘅蘇味，個湯味更加突出。再試埋佢點羊，蘇味唔算勁，啲羊會有好林，佢比啲羊肉我都好多，黑山羊加米線再加埋個湯底，超好味，碗野都唔少，好快已經可以將成碗食晒。真係好好味。…查看更多

#小秘書 今日好嬲呀😤 比間無良美容店欺騙，居然賣啲貨版買俾我，俾我發現仲要死撐話冇問題，大大隻字Not for Resale，算點先？美容店經理仲要同我講我理解錯誤，本來佢肯乾脆賠錢我就當冇件事，點知佢仲夠膽死話自己職權上冇能力，要退款就自己搵公司商量😤😤 既然佢咁串，#小秘書 一於聽曬佢話，板板聲send咗封投訴信去總公司討回公道😤😤😤嬲完人唔知係咪特別肚餓嘅呢？本來一直唔敢幫襯嘅 #地痞車仔麵「明記美食」😅 今日就俾佢嘅香味吸引，開放式嘅廚房由兩位太太處理🥢 #小秘書 要咗個 #三餸車仔麵，碗麵入面有 #牛腩、#咖喱魚蛋、#豬腸，加埋個醬汁辣辣地出奇地好味，#牛腩 同 #豬腸 都好有質感，炆得好入味🥳 咖喱魚蛋亦唔弱👍🏻 粗麵底都好有彈性👍🏻👍🏻 唔怪得露天式嘅地踎設計，大家又坐得辛苦😪 日日都咁多人幫襯啦😃…查看更多