明記甜品 (西灣河街)

营业中

休息中

之前男朋友帶我去舊店食鮮什果涼粉，都覺得唔錯，又鮮果、又大碗，都只不過係20蚊一碗，中秋節那晚又去食過，去了新鋪，除了食鮮什果涼粉外，加多一個芒困班戟及xo醬炒蘿蔔糕，男朋友話蘿蔔糕係一般貨色，但係芒果班戟就真係勁正，無花無假，18蚊一舊，真係三層厚厚的芒果，就算用fork分開都唔會跌，一咬落去，勁多芒果！我同男友都覺得勁正！下次再去一定要再食！

豆腐花$10. 加埋糖比你, 點解唔比人自己加呢?佢落得較重手, 味道好似百福,略嫌筆得有d碎, 豆味都夠同夠滑gei!

去完西灣河室內運動場打羽毛球，熱辣辣最好食冰凍糖水補充下。叫左凍銀杏腐竹雞蛋糖水$12 (個名類似係咁) 好大碗，夠補，仲有成隻烚蛋(不過我唔鍾意食蛋黃)，味都適中，唔會太甜。仲有南瓜布丁$12，個味都好，成日食芒果布丁都悶啦。呢個南瓜布丁個味都幾好，唔會好artificial，又唔過甜，不過咬落如果冇咁散會好少少。呢間野o既portion 都幾大，抵過o個元朗X 仔o個d 好多(純粹個人意見)。

四個朋友都住係東區，食完飯又想食糖水,跟住就開車去明記, 不過呢間明記我都係第一次嚟, 感覺新淨D, 不過人流一樣咁多。我叫咗至愛熱南瓜粟米露，真係好好味, 好CREAMY又唔會太甜, 冬天飲一定仲美味! 其他朋友就叫咗芒果西米同埋布甸都話好味!

買左碗合桃湖回家俾亞媽食. 佢就話麻麻地, 無咩合桃味.

吃過明記很多次, 最好吃是楊枝甘露...什果涼粉,貪佢抵食夾大件....楊枝甘露足料,什果夠多夠大碗最近新出一隻叫什麼"桂花杞子元肉糕",味道特別..值得一試...

星期五下午同屋企人經過呢頭，順便黎食個甜品．我們叫左喳咋黑糯米涼粉和芝麻布甸．我見個喳咋黑糯米涼粉加左椰汁，我同個男仔講唔想要椰汁．初初都係搏一搏，沒有諗過會換比我，但係我一講左，佢就即刻幫我換，真係要讚．喳咋黑糯米涼粉($14)都幾大碗，一個人食會好飽，所以share最好．唔係好甜，我覺得幾好．芝麻布甸($12)就一般啦，size都唔細，但係個芝麻味唔係好自然．整體來說，甜品價錢唔貴，幾抵食．

第二餐，人腳基本上同第一餐差不多，只是走了Lazyqueen及牛油果，來了David仔，所以又維持住一行六人。由恆河行過來，真係轉個彎就到。十點幾，是座無虛席，還有兩檯是坐出店外。但其實坐外面都有好處，就係呢度規距不得在店內堂吃榴槤布甸，但店外的檯就不在此限。剛好是日又有幾位榴槤友，大家經商量後，就在店外的檯子坐下。當然二話不說，先來三個榴槤布甸。賣相一般，因為布甸面起晒荳皮，但聞落都好對辦，有榴槤肉在內，味道亦香濃，幾位食家都說不錯。因為之前都吃過幾次榴槤布甸，想試試其他的，就叫了個合桃布甸。合桃布甸聞落不太香，吃過有合桃味道，但就杰杰的又實實的，只是一個糕狀的合桃糊，麻麻地，下次都係試過另一款。埋單16蚊，都叫經濟抵食，難怪無論堂食或外賣都咁多人。

舊舖應算係東區其中一間最愛歡迎兼老字號既甜品，睇得上次光顧，已經是年半前既事，當時還是一間舖，還要上一層先有位，坐到差點要同人開片。今次去的反而是新舖，始終比舊既環境好一些，上星期六黃昏時份剛剛冇人，入坐後，在餐單上都諗左一陣要乜，好耐冇試過班戟，只有芒果和香蕉，當然係選擇左香蕉，一來平6蚊，二來唔會比隔夜香蕉。我也是睇住香蕉“除皮”，不消一分鐘便上台，四大件，皮厚度適中，忌廉不算多，而蕉即使在進食易被忌廉甜味蓋著，仍有一定的香味，不算好濃。還有每日1700 過後便有各款既日式拉麵及小食，希望下次再試既時候能夠為大家再寫食評。