明華餅家

营业中

休息中

(這應是三個月前的食評)去旺角上堂，見到呢間餅家仔，阿媽又話想食雞仔餅，就買左半磅俾佢試。阿媽平時係極奄尖的人，但佢對呢間老店的雞仔餅讚口不絕，話夠味夠傳統喎。後尾到左中秋，我又去買左幾個月餅，阿媽都話唔錯。老人家鍾意食金腿，講真我唔想佢食哂四個，但逐個買去奇華之流又超貴，響呢隻買剛好，二十幾蚊個，食得兩老好滿意，所費無幾又唔會浪費。下年中秋我都識買月餅囉。

12月12日 晚上7點我咁啱經過,不如買定d麵包,明天做早餐,5蚊3個麵包,又可以唔同配搭,就要雞尾+提子+菠蘿,當雞尾仲係暖暖地,不如食左雞尾先,留2個明早食~~~雞尾 *我3口就食晒lu,裡面既椰絲分佈得好平均,每一啖都有,好好味呀!!!而且好香麵包味,麵包又軟熟........正!第2日,用焗爐焗一焗,都近似新鮮出爐既一半呱,提子 *麵包依然軟身,而且仲有好多提子呀!!菠蘿 *菠蘿皮好香口,加上焗一焗仲好脆口添,4啖食晒lu......正我覺得舊式麵包店既麵包係最食好,夠香夠麵包味,食落口好溫暖~~

2008年12月11號 - 夜晚8點左右食左老婆餅之後就覺得仲末夠喉。 想試試其他野。 在對面見到明華餅家就立即去看看他們有什麼野食先。 Um。 他們的種類都幾多。 好多餅的種類都有。 最後決定買個花生燒餅試試。試試個味道先。 Um。 好甜呀。 但是怕肥的人就建議不要食la。 我都覺得比較甜。

十一月二十六日放左學極速地走,因為太多野要趕住做但都要穿過街市泥呢度回味回味以前住旺角都有幫襯過,證明傳統美食經得起考驗今次買左五元兩件既紅豆燒餅,除了豆沙味,還有花生和奶皇味,或者你可以揀完全無餡豆沙的份量十分平均,每咬一口都充滿紅豆香燒餅則較軟身且煙韌,兩者可算是最佳拍檔

大風大雨下在此買一個紅豆燒餅食~三元一個~也看到裏面紅豆蓉~不太熱的皮,內裏的紅豆不多,落了不少芝麻,價錢也便宜,買一個來過癮也不錯但我比較喜歡多紅豆~像日式豆沙餅多紅豆就最好~選擇蛋糕好像是更好選擇下次去奇趣餅家食餅

同媽咪經過,見到有雞蛋糕（$ 7 ）咪賣兩個試下！好香雞蛋味食一啖 , 個蛋糕好乾係好香雞蛋味 , 但太乾 , 食左兩啖就無食啦$7大大個都幾抵！但無咁乾就好啦！

離開客戶服務中心在附近閒逛了一會,走到花園街這邊逛,經過這間地道餅家時,以前最吸引目光的大蛋糕欠奉,換了很多款式的月餅,還有一些很少見到的佛公餅和豬籠餅,雖然沒有七彩膠豬籠,我也掏出$5買了兩個豬籠餅懷舊一下。賣餅叔叔拿餅給我時也笑說:豬籠餅而家好少有喇,都係呢排至有哩!! (收到!!)這裡的豬籠餅外型一點不像小豬,只是光光滑滑的一團粉而已,吃著有點硬硬脆脆乾乾的像吃餅乾+光酥餅,甜度也是不高,以味道來說真的不算好吃,吃都是那種情懷和兒時回憶。$5可以買到兒時回憶,超值了!

２００８／９／４早餐行下行下又給我找到這間餅店，於是就買個至愛雞蛋糕做明天的早餐。由買那一刻開始，就給那濃濃蛋香包圍著，無論它在巴士上﹑在公司﹑在家中，甚至過了一整晚，那鼓強勁蛋香是持續發出，夠夠不散的﹗直到早上吃入口那刻才漸漸消失。蛋糕面頭有幾粒杏仁片，而質地未算鬆軟，邊邊位仲帶點鞋口，我最喜歡是那非常濃郁的雞蛋味，夠竟一個蛋糕用上多少隻蛋﹖估計不惜工本。七元一個大大的，幾時都咁抵食。

是日行經附近於對面街望到依間"明華餅家"見到佢係賣傳統餅食有... ...紅豆酥~綠豆酥~合桃酥~嚒囉酥~老婆餅~蛋撻仔~椰撻仔~香蕉糕~花生燒餅~奶黃燒餅~紅豆燒餅~原味(無餡)燒餅~原味蛋糕~未計佢o的西式麵包就已經有咁多種la~真係... 令我有點花多眼亂lei~因為少見奶黃做餡o既燒餅so... 買了$5兩隻燒餅 (1 豆沙 1 奶黃) 試試奶黃燒餅o既奶黃餡ok好食~ {我係奶黃痴lei~}不過就略為少咁o的餡, 可以多返o的就好la~個糯米皮好煙un... 煙un得有點實 {相信係放得太耐所致}豆沙燒餅個皮同上o的紅豆餡ok~ 而且份量適中~總括而言, 個餅係ok的 {但當然不及奇趣般好食la~}但還想試多一次新鮮熱辣出爐o既會係點P.S. 上OR o黎打食評先知原來依間o野有咁多fans, 下次試試大家推介o既原味蛋糕先~

見e2種包既賣相幾好咁,就買唻試試....光酥餅-幾好~軟軟地,有少少蛋香,十字餅-較硬身,都幾香甜甜的但係佢地唔算唔上好味..可能因為佢地唔係熱今日係度睇返d食評...原來我叫左唔係熱賣既類型...下次真係要醒d先-.-

食完大生腸, 望到馬路對面有個明華餅家招牌, 個名好似好傳統嗰d餅家喎, 過去已嗅到d麵包香, 果然係好嘢呢.見到 d 原味蛋糕$7真係好香仲好大個添呀, 成個金柚咁大架, 不過最重要係好味, 好鬆軟又有蛋味, yummy~ 仲有好多包都係$5/3個, d mini咗最basic嘅菠蘿呀, 提子呀, 雞尾呀都似幾得咁, 又各執一個. 見到好多人都買紅豆沙燒餅, 下次我都要嚟試吓. 仲有好多咩光酥餅, 合桃酥, 老婆餅,雞仔餅,腸仔包......好鬼多架...多到唔記得, 仲有d $5/3個蛋撻, 不過係mini size嘅, 真係要試都有排試囉. 傳統餅家果然有料到, d麵包咬落去好有質感架, 唔似其他大部份麵包店好似食風咁.

前幾日第一次試左明華的紅豆燒餅, 覺得實在太好味了, 於是今日同亞肥去食多次~~烤脆了的外皮, 軟熟煙un 的燒餅..再加上內裡熱呼呼的紅豆...呢種感覺實在令人難以忘記.... 又想再食了...haha~~~*上次放工買燒餅的時候, 見到排前面個女人一口氣買左18個提子包....應該是買給家人分享吧....等我下次都試下提子包先...

同老公食完飯行下街, 經過呢間餅店, 記得係OR曾見到不少食評話佢的餅不錯, 所以拉老公特登過對面來睇下~即刻俾第一眼見到的蛋糕吸引到, 好大個蛋糕, 嗯...買黎聽日黎食唔錯啵~ 好多麵包, 剛剛出爐的腸仔包5元有3個, 好多人買, 不過我買了5元二個的光酥餅(因為曾有人話光酥餅唔會肥, 唔知真唔真)蛋糕好香口, 唔錯

我不太喜歡呢度o既咸餐包(冇芝麻款)，略為咸左d反而有日俾我發現有菠蘿午餐肉包，又甜又咸好似怪怪地除非係新鮮出爐菠蘿包，否則平日唔會特登食午餐肉包亦唔係我杯茶既然咁怪當然要試一試~~原來兩個味道可以好夾，唔怪得唔係經常買到，好多時都係得返一兩個，包量冇其他大路包咁多呢度o既包咁平，抵食~不過....始終佢d 麵包就咁放冇蓋住，馬路邊多車經過唔太衛生落雨天我唔會買.....雨水都吸埋

和親愛的繼續旺角美食之旅下一站就係Juice Bar對面條街的明華餅家了親愛的常常會係度買外賣給我. 今次我們買了$5兩個豆沙燒餅, 拿上手暖暖的除了豆沙外, 還有花生和奶皇的味道, 心想還是正宗一點好咬一口, 好煙煙un un的感覺, 每一口都有豆沙很平均的下次來再嚐嚐這裡$6個的大大雞蛋糕先~~還有就是去奇趣試試這些開放式的老餅家比起現時的面包店更加好, 希望不會被時間淘汰