明華餅家

营业中

休息中

每次在旺角睇完中醫，都會經過呢間老餅家，因為睇中醫前唔食得野，咁睇完中醫都8:00 有多，每次肚餓到死。我都係會係煙廠街呢間明華買雞仔餅食，$44/磅。我買$33 次次都會食曬。佢架紅豆燒餅有好多人買來食，都客似雲來。成日見到傳統d 手藝，真係好想問佢地拜唔拜師，好想將佢發揚光大，因為成日新鮮出爐，大家經過就得去試下拉，因為當佢地後繼無人就失傳架拉。佢最好食係雞仔餅，軟棉唔硬，味道剛剛好。菠蘿包，燒餅，杏仁餅試過就覺得一般。蛋糕下次先再試。

本來就很喜歡吃現烤的蛋糕麵包，但香港到處都是連鎖式的，工場烤好再送去各分店。。越來越少這種明華這種本土味的餅店，焗好馬上端出來，超香的，又新鮮...重點是比連鎖的還便宜😂.這個蛋糕大慨是我兩至三個拳頭的size吧，也才$12，有時繞遠一點也會特地去買這家的當早餐，就是要支持一下本土店嘛～而已這家的燒餅有奶黃口味，我經過時總是忍不住會買兩個回家吃.#hkig #hongkong #poyeefoodie

相信明華餅家對大家嚟講都唔陌生 經過旺角既時候男朋友帶左我去食 一去到既時候比個價錢嚇親 估唔到係旺角既地段仲會見到$9 三個包 我買左香蕉糕 燒餅 同埋雞尾包香蕉糕我覺得太甜了 口感都粉左少少雞尾包我放到宵夜先食 放耐左會影響味道同口感 所以就唔作評論了 但最驚喜既係個燒餅 見到好多人買 我都買左個紅豆燒餅 男朋友就買左奶黃味 燒餅皮做得好煙un 有厚度 同時亦都帶有甜味 但又唔會過甜 size都大過隻手掌心架 經過既朋友一定要試下個燒餅 支持下香港傳統小店

每次行經旺角，都會買幾個燒餅返屋企，同家人分享。4種口味（原味、紅豆、花生、奶皇）都可口。餡料係其次，個餅皮夠煙韌，再加上少少芝麻，口感一流。其他出品之中，唔好錯過香蕉糕。甜度適中，唔會食完黐晒喺「彭」牙度。仲有好多款式嘅麵包，黃酥餅，焗蛋糕，同埋撻類，都係傳統手作。你或者會覺得佢地既外觀未必及得上市面上其他連鎖式麵包店嘅出品，但係就食得出人情味。可以嘗到傳統手作味道，價錢又唔貴，小店絕對值得支持。

今日旺角行街街,行到5點左右又有DD肚餓見到有間麵包鋪圍住成10個人等買麵包,見到咁多人買,咁就我都去買啦一盤盤包咁依家愈來愈少見佢有好多種類既包,又有燒餅8蚊3個包,我就每樣要一種我要左腸仔包,奶油包,雞尾包幾個包都幾好食喎,D料都唔差喎個性價比都幾高

旺角掃街其中一個check point 就係呢度明華餅家。今晚夜咗嚟，可選的款式不多。好在仲有我的最愛 - 燒餅。中式豆沙燒餅 $4皮薄餡靚，充滿糯米香，非常Q韌，包著甘香的紅豆蓉餡料。 燒餅面仲有好香的白芝麻。最愛係原味燒餅 $4雖然沒有餡料，但係咁先食到燒餅的煙韌軟糯。係燒餅獨有的質感。

今朝太早去到未有燒餅買（店員話10am 先有燒餅賣）， 結果就買左$20雞仔餅&$8袋迷你光穌餅&兩大塊光穌餅1) 雞仔餅： 好硬，吾係脆既口感，好似焗得過火 或擺左好耐，味道就一般般，基本上食左一兩塊已經吾想再食， 因為真係太硬...2)迷你光穌餅：吾知係咪因為太細粒，焗到好乾，啲邊位係好似曲奇咁脆，可惜又吾香，我真係吾多欣賞啦...3)大塊光穌餅：未試，但按個餅都幾鬆軟，希望好食啦～總結真係有d 後悔，早知無燒餅就吾買啦...

偶爾約朋友出旺角行街旺角多街頭小食 台式飲品 但同時亦都出名「大排長龍」😓實在令我有點卻步 😪😪點知行過街頭 竟然有一間傳統舊式餅店舊式餅店真係買少見少反正距離晚餐還有一段時間 買個豆沙燒餅試下先😋😋燒餅食時還是熱辣辣 名付其實 皮薄 糯米皮不算厚 還有種軟淋淋 好有咬口既感覺豆沙餡料好甜 但唔膩 豆沙煮到好淋 起哂沙燒餅絕對係皮薄餡靚豆沙餡料 厚過糯米皮 呢d真係香港人既兒時回憶 我細細媽媽出親旺角 就會買俾我同妹妹食好有「溫暖」既感覺

因為有野要整。過海出旺角！係附近整野。本身唔經過。但都要行去明華餅家買啲野食！今次買左嚤囉酥 $4明華嘅嚤囉酥嘅餡係紅豆蓉嚟架喎！個皮鬆化，但又唔會散！紅豆蓉又唔甜！但食到紅豆味！個餡勁多！我中意呀！👍🏻下次會再食！仲買左合桃酥 $4Ummm...其實唔係好覺有合桃已經一咬就鬆化到散哂！因為一路行一路食！食起嚟有啲麻煩😂其實明華燒餅好受歡迎！有原味。奶皇。豆沙。花生 $4好多人幫襯架！ 另外仲有麵包好似 $8有3個！

呢間野同奇趣餅家 一樣尊賣一啲傳統既糕餅小食光酥餅 雞仔餅 香蕉糕 合桃酥等等啲包仲要係八蚊三個😱😱😱------------------------------我買左一個豆沙燒餅$5 拎上手仲暖暖地糯米皮偏厚煙煙韌韌 冇奇趣咁軟綿綿dap真啲係有糯米香比奇趣重(我之前食糯米香比較少 而且偏甜 有啲唔同左😛)豆沙唔會太甜 份量有啲多有啲少 分佈唔均勻底有啲白芝麻 但唔太食到芝麻香😷整體黎講 佢係好食 不過我會鍾意奇趣多啲但兩間相隔咁遠 邊間就腳咪邊間囉😬支持下呢啲良心小店啦 唔好俾佢地絕跡呀😥

咁啱經過 睇到佢啱啱出爐買左個紅豆燒餅($4)攞上手雖未至於燙手 但仲暖暖地外皮有啲位仲脆脆地幾大塊 不過紅豆餡唔係好多 側埋一邊紅豆餡略嫌薄身 不過甜度適中個燒餅皮口感軟糯 不錯吃不過硬係差咁啲野...

在佐敦吃罷晚餐，沿著長長的彌敦道散步到旺角搭車，算是做做運動幫助消化😌到旺角都10點多了，小巷都是買宵夜和飲料的人群，轉個街角看到依舊燈火通明的明華餅家，雙眼一亮，衝去看看還有什麼餅食可以帶回家當早點😆😆每次經過這條街，都會去買一個燒餅來吃，說是支持小店？雖然店東兩老很值得支持，但不好吃我也不會勉強自己一買再買。每每看到人龍，人手三個燒餅，就會想起第一次吃到新鮮出爐的燒餅那種香熱軟糯、不甜不膩的味道，紅豆沙甜中帶粉，一層薄薄的饀跟餅皮配得剛好，花生餡粗粒分明，甜中帶咸，非常香口，是我的最愛😎😎👍🏽👍🏿👍🏼原味是中和兩者的過渡味道，帶糯米香，軟糯煙韌，也好吃！沒記錯是$10/3個，可以每樣口味來一個。只是燒餅放久未免有點過硬，早餐還是選飽點好了。一盤盤金黃餅點到這時候都幾乎沽清了呢～伯伯說他們每天都11點才打烊，晚餐過後還是可以買幾個包點當早餐呢～選了十字餅，是一種加了提子乾的中式鬆餅🍪～最好配以牛奶中和其乾燥的質地。一口咬下，口感是光酥餅的乾，沒有油香，好處是甜味很淡，想必是非常低糖，但下次會選新鮮出爐的燒餅😔😔。。。

今晚我們食完晚飯之後去咗旺角煙廠街嘅「明華餅家」買鷄仔餅食！我們買咗兩磅鷄仔餅返屋企食！鷄仔餅嘅外層好香脆，入面非常煙韌軟熟，有一粒一粒嘅肥豬肉同豬油嘅香味，除此之外仲有好芳香嘅南乳香味！無論係新鮮熱辣出爐定係已經放涼咗先食，都係咁好味！

因事到油麻地，想起曾經過這小店但沒怎麼光顧過，反正未食晚飯，於是來買點東西吃當作晚餐的一部份。看見有不同口味的燒餅，外表好像不俗，於是決定買一個最大路的豆沙餡試試。豆沙燒餅($4)：體積比其他麵包店的大。外層乾身不油膩，芝麻亦很多。質地軟糯適中，豆沙餡很飽滿但略甜。下次有機會要試試花生味和奶皇味的燒餅。

一向鍾情老字號餅店，旺角呢一間，地點實在太方便，咁多年來，經過都會買反一兩件！呢度既燒餅係不可錯過既，我最愛係奶黃同花生餡！首先個糯米皮顏色燒得好靚好香，底面微微脆，入面口感軟糯，而且一啲都唔油！奶黃餡幼滑香甜，有好香既奶味同吉士味！花生餡亦好香，係花生醬混入左炒香既花生碎粒，口感不錯，味道唔會好甜！