明珠海景

营业中

休息中

第一次來，一踏入酒家，便被無敵大海景吸引住，剛剛是夕陽西下，美景醉人...招呼不錯，點選扺食套餐...兩款前菜，份量不少，只是白飯魚，冇椒鹽味，淡口，炸得乾...魚香茄子，香味撲鼻，很誘人，好送飯水瓜咯，旦煎得好，味道ok，波蘿古老肉，尚好3人共＄480！及格，下次再來！

本身以為這間酒樓係食環境的，今日才一試難望，和朋友點了黃金蝦球，蛋黃和蝦真的完美配合。很想再叫一碟。再來一碟九菜煎魚餅，這個菜從未試過，想不到這配撘會如此好吃。我們還點了炒白菜和臘味飯，不得不提這臘味飯真係非常岀色，份量十足，最喜愛它的潤腸，真係多多都不夠吃。臘鴨一點也不油膩。還有臘肉臘腸都十分好吃，真的十分值得推介。這酒樓環境和食物都一流這餐十分滿足，店員服務也很好。一定很快會再來品嚐其他菜式。

在這間臨海的商場飲茶，景觀裝修算是不錯。因為商場本身面積也不大，所以沒有很多座位， 幸好午市時段不算很多人。像這一種中菜館，點心的選擇比一般茶樓少。定位也是中上價位，幾十蚊一籠，在一般茶樓已可食到兩樣點心，所以肯定不能算是抵食。燒賣大大粒，食得出蝦真的是新鮮飽滿。菠蘿叉燒包溫熱鬆軟，最抵死是名副其實有少少菠蘿碎。百味豆腐粒香口好吃，就和一般金磚豆腐一樣，外脆內軟。馬拉糕普普通通，一般水準。叉燒腸是皮薄那一款，叉燒算多。珍珠雞值得一讚，荷葉很香，很久沒有聞過這麼香的荷葉。柚皮牛柏葉醬汁濃淡適中，入口不太油膩。胡椒蘿蔔金錢同胡椒味香，但實質見到的胡椒不多，那個湯入口的感覺好像有點味精，不能夠當湯飲。其實整體質素真的很一般，但勝在裝修地點好，請人食飯夠體面。

明明聽到排在我們後面的人話沒有訂位。經理出來幫他們打尖，仲講2個大話。打大人尖我都會忍，但見到BB，都沒恥地做得出。野食OK，不過服務，出菜好好好慢。一碗白飯都叫左3次，15分鐘先上。

上食物不需等很久，品質新鮮，服務生態度也很好，他們的管理層對老人家和傷殘人仕很十分週到，由其是有位女管理層。好明顯總公司對員工會有要求。四週環境十分寧靜。空間十分滿意。

知道北角匯開了一些酒樓，餐廳及店舖，今日又想飲茶，所以決定帶媽媽到呢間試試，兩點半入到去，職員安排了一張有海景既細枱給我們，沖了一壺鐵觀音茶，媽媽飲落話啲茶葉都幾靚，茶幾好飲，她未食野就已經自己飲了差不多一壺茶了😀我們見到有好多點心都想食，最後點了珍菌魚湯米線（湯底好飲），八味豆腐粒（外脆內滑），凍左都keep住脆，竹炭流沙包（饀料不太甜），香煎腐皮卷（皮脆蝦肉大粒），呢幾樣都好食，食飽還可以走出他們的平台花園眺望180度既海景，吾錯吾錯😋。

中秋節就到，今年5個大人1個小朋友1個Bb揀咗北角明珠海景食團年飯，人唔多不過大家有講有笑都好開心。食店嘅環境唔錯，安排咗近問口一個角比我哋，可以望到燈式夜景，而且舒適唔會嘈。我哋揀咗半席嘅團圓宴另加幾個白飯，味道唔錯，份量適中，服務正常。提前三日訂有九折，座位費及服務費另計。鴻運乳豬全體，皮肉相連，食落無咁肥膩，肉少少鞋都無，皮又夠脆，好味。Xo醬翡翠帶子蝦球，微微嘅辣，蝦球大又爽脆，帶子都大粒，唔錯。蜜瓜脆奶併芝心蝦丸，蝦丸都幾彈牙，流心無咩芝士味，可有可無。個個都諗緊蜜瓜脆奶係咩唔敢試，由於我喺其他點心店食過，即刻解答到係某牌嘅蜜瓜味豆奶，個炸醬做得唔錯。紅燒竹笙海皇翅，都係嗰啲味道無特別。六頭鮑魚扣南美遼參，鮑魚淋又入味，參都好軟滑，賣相亦唔錯。清蒸海星斑，大細啱啱好，肉質嫩滑。雲耳鮮茄泡時蔬，湯無過濃，真係好清淡。黃金脆皮雞，雞胸肉都唔鞋，外皮脆，整體唔錯。飄香荷葉飯，其實已經叫咗三至四個白飯，荷葉飯嚟到都唔係咁想食，對我嚟講太乾。紅豆沙湯圓。

位於北角的海匯酒店應該不太陌生，之前也有寫過關於那裡的自助餐但原來連著酒店的商場也有數間餐廳的喔今次就來到 - 明珠海景 ~ 裝修感覺很高級，是一家有海景看的酒樓來喲有露台的位置，可以遠眺對岸~還有給小孩玩的遊樂設施 (雖然很細)點心和小食之類都是自己劃單，部份會有圖可以參考一下 ... 炒粉麵類則要看主餐牌~另外也有些套餐之類的茶的話，這裡每位$20~此外也有一些特別的茶，價錢約$88-$138點每壺能免四位的座位費～不過興趣不大就只點了普通的就好囉竹炭流沙包 ($48) - 因為是"竹炭"，所以是黑色的，但味道和平時的包一樣內餡的蛋黃很濃郁，不過說好的流沙呢? 黑松露燒賣皇 ($48) - 有少少的黑松露味道並不算突出燒賣的豬肉餡料很彈牙，自己吃掉兩粒沒難度 (笑)鮮蝦豆苗餃 ($48) - 豆苗的關係，所以餃看起來是綠色的~在頂的部份有鹹蛋黃！懷舊魚翅餃 ($48) - 內餡滿滿的很足料，皮也不會太厚。只是略嫌細粒了點點了兩款腸粉 - 黃沙豬潤腸粉 ($48) & 韮黃鮮蝦腸 ($52)腸粉已經分成一斷斷的方便吃用，但份量比平時酒樓的少前者豬潤很軟嫩也沒吃到腥味，後者鮮蝦很彈牙~

同一班朋友去咗呢度飲茶，對住個無敵海景真係食得都開心啲，酒樓出邊仲有個大露台，食到飽飽地出去影吓相欣賞一下無敵大海景真係幾開心朋友介紹必食竹笙金魚餃同埋菠蘿叉燒餐包真係好好食真係冇介紹錯，另外腐皮卷都好好食好彈牙之後我哋仲叫咗個銅盤雞，好惹味好好食，之後再嚟叫咗一個八味豆腐粒，外面鬆脆入面d豆腐又好味，值得一試，之後叫左個竹炭流沙包，佢係黑色飽面上邊又有金色真係好特別，見到咁靚真係唔捨得食最後，總括來說呢一餐真係唔錯，而且價錢中等，又唔會好似出面啲茶樓咁食黎食去都係嗰啲嘢，同嗰啲賣相全部都有驚喜之後會再嚟食

好開心今日嘅假期可以去到海景明珠酒樓食嘢,可以一邊品嚐美味嘅食物,一邊望住個無敵大海景， 令人無比放鬆，我試咗多款食物，其中兩款最令我印象深刻!第一款就係百味豆腐粒，佢個樣細細粒同一般食市啲款唔同，普遍食到嘅係表面嗰層大多數都係重口味，可能體積比較龐大，所以入面係完全無味道，呢度D豆腐粒細細粒，就連裏面都係完全入曬味， 重點係可以一啖一粒， 令人覺得好滿足。Good!而第二款就係蜂巢芋角,哇! 哇! 哇! 好抵食呀!而且一見到成隻天鵝個樣，覺得好可愛! 佢唔止得個樣㗎!而且外面好鬆化，裏面啲芋頭味好濃郁， 一啖咬落去，幸福嘅感覺返曬嚟! 正!值得再試。

說起中菜食的確是五花八門，要品嚐的菜食很多,前陣子與友人來到遙遠的北角明珠海景.雖然對我來說位置有點遠,但交通其實好方便，地鐵沿線北角站A一出口行過對面馬路，北角滙5/F以便到達.我們一行五人一進入中菜大廳看到櫻花吊燈相當奪目，走近更會看到180度露台全海景落地玻璃，相信曰間過來的話會感到更開揚寫意.由於點心選擇太多，我找了一個服務員為我們作食物推介，而服務員亦悉心為我們講解.來這個金魚餃，食物賣相非常精緻尾部還有金箔，簡直栩栩如生，八味豆腐粒外表金黃，外脆內軟，十分可口,而菠蘿叉燒包更是服務員極力推介,表面鬆軟,麵包餡內有菠蘿及叉燒混在一起,令人感到非常清新又滿足,到了蜂巢芋角令人相當驚喜,有五隻天鵝般造型賣相，現在香港已經很少有食中菜師傅，做得出令客人有驚喜嘅點心，有時間大家不妨過來試試。

晚飯時段，唔單止成set餐具有漂白水味，叫待應幫手換一換淨係叫人自己洗兩次，想落order全部部長都扮睇唔到，淨係serve晒自己d熟客。係酒店入面既中菜但係完全做唔到酒店既水平，我不如出返去出面食算。永不再黎。

為左慶祝母親節，我諗左好耐，因為婆婆住北角。。就趁母親節帶佢地去新地方試下啦就search左黎呢度。黎到真係幾舒服，又難得今個weekend有好天氣，對住個海飲茶真係正。仲要有窗口位坐，兩位母親也表示好滿意。點心有蝦餃，黑松露燒賣，腸粉，蘿蔔糕，春卷等。都很有水準，腸粉d皮好滑好香，燒賣都係自家制好好味。另外有嗌特色食物如蜂蜜欖角骨，脆皮豆腐等。總之，最重要係又景靚，食物又正令到兩位媽媽今天好滿意。

HotelVic內新開了兩間中式餐廳，先試呢間海景明珠，食物質素非常有驚喜，燒味本來沒有多大期望但事實上叉燒係超好食，外面有點點燶邊，肉味濃，鬆軟，有肉汁，好食到食完再叫多一碟例牌中間的菜式都係非常好食另一驚喜係炸子雞，皮好脆而肉質好嫩滑，味道不會死咸有鮮味，北京填鴨亦一樣，又係好有驚喜，大家都極滿意仲有魚都係一家人非常欣賞，沙巴龍躉，普通的魚但佢蒸到非常滑，而鮑魚size唔算大隻，不過好有鮑魚味，宜家好多小鮑魚都完全無鮑魚味的，鵝掌好諗及入味跟餐的麵係水餃麵，麵身爽，水餃水準中上，而炒飯味道亦不錯，最重要唔會太多油呢間酒樓的調味好好，所有味道都不會太咸，廚師盡量用食材原味，可能同食物新鮮有關

偶然機會下知道呢度有間中菜廳，咁岩父親又就黎生日。咁就不如試下呢度「海景」中菜啦～一上到去個感覺好高級，見到個維港海景但可惜果日落大雨，所以無得睇海景有d失望😭😭😭😭講返嘢食先，我地果晚食左好多道菜…首先前菜青瓜海哲&麻辣鴨舌👅👅，喜歡食辣既朋友可以試下鴨舌都幾辣（可能我唔太辣得😅😅）跟住到主菜啦～我地叫左好得意既金魚餃，一隻片皮鴨（2食），上湯焗龍蝦，鮑魚炒飯…超級滿足😎😎😎最後重有生日唔少得既壽包啦～真係抱住個肚走整體各方面都滿意，美中不足果日落雨睇唔到美麗既維港😭😭所以下次揀個好天氣好日子再去過食先得