影片
尖沙咀韩国餐厅繁多，每次走到韩国街见到个个餐牌都咁吸引就有选择困难症..今日就决定去食明洞屋，可以分别叫烧肉同普通韩食都得！一入到去同平时行过餐厅一样有各式各样的小菜，而我觉得明洞屋既都算好多款，我就几中意佢既泡菜，味道偏酸，纯碎个人喜好因为每间韩国餐厅都有自己独有既泡菜味道~烤肉我就拣左特级猪肋骨，每次我食韩烧都必点既猪肉，因为肉质比较嫩滑，而且肉汁丰富至于仲腌得非常入味，再加上佢有别于其他已经切好既，系一大卷咁连骨成块烧，大家记得要叫呢款猪肋骨呀！呢个海鲜煎饼馅料非常多，而且粉浆适中，食落去唔会好厚粉，再加埋个汁就最正啦 食完d热辣辣既野梗系要试下佢d冷盘啦~ 之前都介绍过我好中意食韩式生牛肉所以点少得佢呢 明洞屋既同平时食既蛋拌生牛肉一样，佢配上雪梨同青瓜丝拌匀一齐食，我觉得牛肉腌得好够味，而且食材新鲜，非常好味。系香港做到呢个水准真系算唔错 我地仲叫左个水冷面，汤底酱汁甜甜酸酸，配上青瓜雪梨及鸡蛋，非常开胃，不过我觉得都系比较适合夏天食，一个人食晒一碗凉阵阵既水冷面就非常爽啦 我觉得明洞屋味道算系中上，而且价钱合理，想感受一下韩国风味但又无时间到首尔一趟？去明洞屋食返餐都可以顶住档先哈哈！
继续阅读
今晚小型老表饭局。原本去另一间韩食店开餐，不过在外看餐牌时, 先发现唔系烤肉店, 而且佢既必食1m长既串烧再看, 真系唔系好抵. 所以最后都即庆转阵去隔离既呢间店舖食. 由于想食烧肉, 所以就拣左呢间. 职员好好, 我地未齐人都俾我地入座, 而且问左可以无限时交枱. 重点仲要系, 入面既前菜系任叫架, good! 所以就吸引左我地入去食喇!作为韩式烤肉店黎讲, 呢度既食物价钱真系算大众化喇. 由于实在太肚饿既关系, 我地先点左一个海鲜煎饼 ($78) 黎医医肚. 食物未黎前, 先叫职员俾前菜我地. 不久一黎就几碟小碟, 份量唔多既, 不过味道唔错㖞, 几乎全部都系冷盘, 菜类大部份都好爽口, 当然最受我地欢迎既系泡菜啦.海鲜饼份量大概一个普通size既pizza差不多, 当然呢个薄好多. 煎饼配上一碟似鱼露既甜汁蘸煎饼. 味道适中, 入面混入一粒粒既鱿鱼, 葱, 芽菜等材料, 饼边香脆, 食落又唔觉得太过热气.齐人后, 再点三款鲜肉黎烧烤.无经腌制既牛肋骨五花腩同埋仲有一款唔记得左咩牛肉鲜肉配上生菜俾我地夹住食哗, d肉靓到呢 (见到都流口水)等肉食熟期间, 又叫左前菜x N碟烧烧烧~~~食得!由于第一转烧既时间未掌握, 所以熟左少少, 不过都好好味! 职员附上一碟辣酱同一碟海盐, 将烧好既肉蘸上海盐黎食, 哗, 味道好好!!用生菜夹住牛肉黎食唔会觉得好漏. 牛肉既肉质好嫰滑, 好有有牛味!!!五花腩同样唔输蚀, 当中入面有少少软骨, 其实轻易就剪开左, 肉质也是很嫰滑., 呢个蘸海盐同样好好食.呢卷牛, 好似一幅布, 摊开都好大块, 入面卷左一旧大骨, 烧既时候都系逐段剪黎烧, 职员帮我地界好条纹. 所以烧起黎更加易熟.等紧食期间, 又叫前菜 x N碟原本打算叫个辣海鲜㶽, 不过大家都怕食唔晒 (可能因为食左唔少前菜…), 最后转左猪肉拌饭.一个大石㶽, 加入辣酱, 将入面所有既食材系咁捞~完成!! (呢个忘记影相)味道其实好似蔬菜丝+猪肉饭, 再加入韩式辣酱. 味道实属基本稳阵啦今晚看似唔系叫左好多, 不过大家都觉得好够食, 所以冇叫个㶽都好, 唔洗浪费.*由于该店可以任添前菜, 所以我地食到, 连职员都忍唔住话 “下, 仲要呀?” 当然佢态度都可以既. 或者佢未见过D食客真系食到尾都仲要添前菜啦. 又调返转头讲, 系因为D前菜都好食, 先添咁多啫, 否则鬼会系咁叫咩~
继续阅读
非常偶然次下黎到呢间餐厅食晚餐，6:15pm入座，仲系冇咩人。餐厅装修简陋，同附近其他餐厅较modern观装修有啲唔同。侍应姨姨讲较不纯正嘅广东话，但服务不错，落单，上茶加水等都好快手。今晚好想食锅物，系众多锅之中选了食海鲜锅，因为openrice较少食评，所以本身都有少少担心好唔好食。一上枱!!! 哗!!$258 有劲多海鲜，成只八爪鱼，两只大带子，两只大虾，青口，蟹，蚬，虾仔，豆腐同劲多菜!!!!
大约十分钟，海鲜渐渐煮熟，海鲜非常生鲜(冇雪味)，而且啖啖肉, 锅内虽然有年糕，但我地都点了一碗饭来送汤，汤底充满海鲜的鲜味，一路食落去，海鲜都未食完，但啲汤就差不多俾我地饮晒啦～份量好大，两个人系KO唔到呢个锅架!!
因为冇预到个锅咁大，所以点左一份水冷面，面质烟un, 唔会一夹就断，汤带点酸，好开胃我地系餐厅食左接近两个钟，外面已有不少人在等位，侍应姨姨好有礼貌咁请我地帮忙，如果食饱就让位俾等紧嘅人，因为真系好有礼貌，所以冇hard feeling，咁我地就好快乖乖地埋单走人啦～～
继续阅读
每二个月都会来韩国街“进货”几公斤泡菜,因为在香港吃韩国料理很不便宜,但是偶尔经过还是会看看...这间餐厅换了装潢后,气氛很好,重点有打折也就让我们夫妻俩有想“奢侈”一下,所以就也列入我们的名单。朋友从韩国回来后,说很想念韩国饮食,我们就决定来这里聚聚 四人六小碟，吃完可以要一次。泡菜很美味，并非我是泡菜鬼而偏心，连同行讲究吃泡菜的朋友都说不太咸，爽脆的酸辣非常开胃，难停口。牛肉汤(雪浓汤)有些失望，不是我们想念的雪浓汤，喝完很清醒,没有神仙在飞或成仙般的好味道，但优点是调味恰当，不会太咸。猪肩肉没有很厚重的调味腌渍，肉质很厚却不油腻，没有猪肉腥味，很润口开胃，像是帮接下来的料理热身，烤久也不会老，点对了好菜。蛋拌生牛肉是我们怀念的美味，很惊讶这里有得点。真的很好吃，肉质很新鲜，一点腥膻或雪藏味也没有，牛肉切条的粗细也很完美，吃的到肉本身的滑嫩口感再搭配爽脆的黄瓜丝与梨丝，口感很丰富，没试过的先生也赞不绝口。明洞秘制酱腌特级牛肋骨肉质很鲜美, 酱很入味, 很抱歉所知有限，入口有种香料味而且很细嫩，也谢谢服务姐姐烤得真好这次用餐皆大欢喜，打完折下来每人约100多~超划算第二次是跟老公来吃午餐，想说午餐有七折来放纵一下....一开始奉上的二人四小碟，这次服务姐姐说吃完可以无限添??? 算了，吃完再说吧~ 味道上无可挑剔，依旧。(就不再累附相片啦)午餐有牛肉海带汤，其实我本身不太爱海带汤，因为喝过太多加一堆盐胡椒，但老公一直说好喝....一开始小小试一口...后来整个干碗! 真的很好喝，没有我害怕的重重味精味、盐巴或胡椒，海带根牛肉片好多，很有诚意地为我们开启美好的午餐~~什锦拌饭不是石锅喔~是像韩剧里韩国人在家随意吃的拌饭，味道尚可，份量十足，很可惜...蛋是全熟的鲜鱿鱼这是一个误会...由于第一次吃完要离开时，见到后面有桌点了一只大鱿鱼，来不及看是怎么「处理」的，但是我跟老公就心想:下次一定也要来只大鱿鱼...结果，这不是大鱿鱼、这不是大鱿鱼...问了一下才知道那是一种锅很普通的新鲜，说不上好或不好，我都喜欢他们腌的酱料很美味，不会死咸煎蛋卷吃得出层次很丰富，微甜的蛋汁调味也很美味，可惜我们真的很不喜欢加工调味番茄酱，觉得没有番茄酱会比较好吃~猪肋骨非常好吃!! 微甜的酱料渗入嫩嫩的猪肉里，断筋处理得很彻底，烤久也不老，是整个午餐的最大亮点!!一整个贪心点太多的我们，还是都吃光光了，吃一餐饱二餐算划算啦~
继续阅读
今日收工约左个老友食饭，佢suggest去TST食韩国野，我冇意见，于是就去左TST。系TST沿住金巴利道行，老友本身suggest去喜来稀肉食既，点知排到人山人海，结果退而求其次去左呢间。见呢间冇乜人排队，问下门口带位既要等几耐，佢话好快，于是就系出面门口等下啦。等左成45分钟，带位带我地入去，再叫我地坐下等下。哗，你入面原来有位坐住等你头先又唔叫我入黎等要我地系出面等？八月份天时暑热热到成身里里外外都湿鬼晒，系未你帮我抹番干净呀？坐左阵，本身有张细台for到2个人既，有个著紫色shirt既中年女人就direct左一班迟过我地黎既人去坐，之后佢就极速行开左，之后我地截住佢问，佢又话问左我地系唔系黎先，见我地冇反应所以就direct左班迟过我地既人去坐。哗，你隔咁远问又咁细声我点知你系同紧我讲野？同埋我地冇反应就代表答左你唔系黎先？咁请问你呢位中年女人，万一你饮醉左晕倒系TST后巷，我问你。。唔。。得，你醉到不醒人事冇俾回应，我又系唔系可以。。你呀小姐（虽然我。。唔落）？你做错野都算，你仲将咁blame摆落我地两人身上，又冇say sorry SA LUM，算咩服务态度，之后有张大少少既台空左，佢又insist呢张系大台俾唔到我地2人要俾迟过我地黎个班人，咁即系算点？做错野又冇认错又冇尝试补救。待客态度0分。其实呢篇唔系食评因为我地冇机会食到佢地既野（或者呢间铺狗眼看人低唔想做我地生意啦），纯粹想俾其他食客知道下呢间野既服务水平同态度。如果你地有机会黎呢间野食，而你睇完呢篇野都仲想去食，我想借呢个机会俾个advice大家，要金睛火眼睇晒个带位（特别系著紫色shirt既中年女人）点样安排入座，见到迟黎先上岸既就要第一第一第一时间出声，唔系你地又会share相同既bad experience。完，多谢收睇。
继续阅读