影片
同男友入黎睇完楼, 行下行下行到呢到, 见门面都几光猛又几多人食, 我地决定试下呢间...我地唔坐入面, 坐左出面对住大树, 隔离就系幼稚园, 都几搞笑!!!我地两个边炉痴梗系例牌打边炉啦, 叫左猪骨汤底, 汤底麻麻地; 唔系筒形猪骨, 而系一旧旧既猪骨...材料新鲜程度一般啦, 不过不失, 但系佢地真系唔够人手啰, 叫人要叫几次先有人应啰!!! 叫左一打10蚊3支既啤酒, 埋单二百二十几!
继续阅读
十一月五日星期日阿Mo刚从上海回来,好想打边炉. 上网睇见话千色后面有间有间猪骨煲, 便出去查找一下落到车,阿Mo话净系见到间明楼好多人打边炉, 有o的人仲坐到出门口, 咁就试试啦坐响门口, 幼稚园操场前面, 好在天气唔系好热. 都有话有o的秋意. <明楼海鲜火锅>个招牌猛咁闪收费模式: 五十八蚊一位猪骨煲三十八蚊食物方面:猪骨煲- 清清的. 跟猪骨煲来的萝卜片批到好薄, 吸o左o的猪骨汤都几好食游水鲜虾都好鲜甜, 但每人分配得四只其他食物尚算新鲜, 但无甚特别埋单: 一百蚊一个人. OK啦
继续阅读
因为之前大病出院,今日班老友约左呢道晚饭小菜,即系呢个星期第二次。 一行五人夜晚七点半到达,先点左小食,例如熏蹄、三文鱼鱼生、白云凤爪、椒盐猪肚及乳鸽等品尝。各类小食特价时段只能够叫平,但并唔突出。 后叫小菜有梅菜扣肉煲、瑶柱虾干浸白菜、芋头扣肉煲、芋丝骨髓通菜煲、香醋排骨、沙律海鲜卷及干炒牛河等,另叫左一蚊一笼糯米蟹饭。 菜出得都几快,食物卖相唔错但味道一般,最唔满意就系在场侍应不足,睇见全场除类似左主任经理忙于处理其他事项外,真正招呼人客好似只有两个阿姐及一个阿哥,其余好似有两个传菜阿姐。我由七点多坐到十一点多,期间就系隔一段时间叫以上某一样菜式,另班朋友饮左十七支大啤酒。全程都好似俾在场侍应遗忘左一样,我只好揾啤酒推销女郎,义务帮我上菜、落单及追单等。我眼见果班类似经理主任,见到啤酒女郎招呼我,就算我叫佢,佢都好似借左聋耳陈对耳,一于掂行掂过诈听唔到,摆明食硬啤酒女郎做埋佢果份。 十点半我女友由九龙收工到达元朗,我去车站接佢过,再叫多两个一齐食,坐至十一点半埋单,盛惠一仟零八十九蚊。 坐左咁耐食左咁多价格一般,但冇人招呼果方面真系唔要得,如果俾著其他较讲究服务人客讲,可能唔会接受同再帮衬添!我个人觉得如果去第二酒楼,食个一仟蚊左右四至五人套餐,就算价钱再多少少都好,我相信服务一定唔会差成咁。 我眼见呢间新张酒楼,做任食火锅做到都几旺,八点打后全场都坐满哂。但人手确系严重不足,同埋果两个阿姐都好似唔系咁熟手咁,如果再系咁样落去,就算佢食物品质再提高都好,我谂都好难再继续捧场落去。不过以场地而论,火锅及晚饭都坐得几舒服,希望呢间会知道而家问题存在,及早作出改善啦。
继续阅读