影片
好耐无食点心，今日同同事忙里偷闲，去咗明星叹点心。酒楼座位阔落，坐得都几舒适。我哋两个人叫咗5个点心：皮蛋叉烧酥、妙酱蒸凤爪（什么是妙酱？）、鲜虾蒸肠粉、金钱肚同山竹牛肉球。皮蛋叉烧酥：叉烧酥就食得多，皮蛋叉烧酥真系第一次。最初点嘅时候唔为意佢有皮蛋，系食食吓嘅时候觉得里面有一种好熟悉好特别嘅味道，颜色黑黑哋绿绿哋，最后终于谂起系皮蛋，望一望点心纸再确定了。无谂过皮蛋可以放入叉烧酥里面而味道又几夹而唔奇怪。皮好酥脆，热辣辣啱啱焗起，配合埋酱味浓郁香甜嘅叉烧真系一流。虽然卖相麻麻，但份量十足！妙酱蒸凤爪：酱汁香浓，凤爪蒸得啱啱好，好味。鲜虾蒸肠粉：哗！肠粉滑到不得了，一放入口，超有惊喜，点解可以做到咁软滑？虽然份量比较细，得六件，而啲虾又细细粒、唔太新鲜、唔爽口亦唔弹牙，但都食到我同同事赞口不绝！下次会就咁叫斋肠。金钱肚：好食！金钱肚蒸得好淋唔靭，索晒浓香嘅酱汁再一啖放入口，真系人生一大享受！但我比较钟意萝卜，豆卜有少少硬。山竹牛肉球：蒸得好淋（我比较钟意淋嘅牛肉球），质感啱晒我！牛肉球好香，里面有淡淡嘅芫茜味，配合埋喼汁真系正！可惜喼汁太稀，无乜味，希望佢哋唔好沟得太稀。
继续阅读
全晚最好食系啫啫通菜煲 味浓 够镬气全家都好钟意食 鸭掌...无人想食 无咩味 老抽好重烧腩仔唔错 份量都多 皮脆 肥瘦适中 但肉味就无乜 算系唔错芝士中虾伊面 不知所谓 本身唔系想叫呢个...无下次蒸蛏子四只都有沙 咁就$80呢餐唔洗我俾钱 都可以自己俾钱就唔好啦埋单好似五百八十蚊 叫左四个饭Openrice价钱💸：5/10抵食👍：4/10环境🤳：6/10味道😻：5/10,通菜8/10份量🍽️：6/10良心♥️：N/A
继续阅读
由于疫情关系很久没有喝茶了，我和家人想喝茶食点心，我们就打电话去明星海鲜酒家落order, 听电话的职员叔叔好好人，好有礼貌👍🏻👍🏻，我们买左好多点心，水准依然好味道🥰😍😋，萝卜糕好足料，凤爪排骨饭🍚好大size只系26蚊一盒，超低食。煎饼又系值得一赞，好香又好脆，姐系内暖外脆😋好多时喝茶想揾间近近地，我就提议喝呢间明星海鲜酒家，真系好近，点心又好食，而且价钱合理，真系平靓正。🤗
继续阅读
话说我有人陪老窦去左明星饮早茶！饮完茶返咗上屋企玩阵，谂住走个一刻、先醒起唔记得拎收据、因为要攞嚟for泊车优惠, 就谂住返去拎返啦，去到见到个收银挂住喺度打机，睇电话，完全冇正面回应我，佢答我话要揾经理、我话我平时都系咁拎、跟住佢继续喺度㩒电话、无视我存在。之后我想明星个网页投诉，佢覆返电话俾我，但我𠮶一刻唔得闲、我叫佢下昼打俾我、点知冇打过⋯⋯所以我个人觉得，呢间公司请嘅人非常之有问题！无论系写字楼定系员工都好，冇责任心，服务超差，嘢食又越嚟越难食！早几日去食个粒牛丸都仲系生嘅，D肉红色我话俾我听系熟low,最衰影唔切相，跟手俾佢收走咗。
继续阅读
系每一个男或女侍应都好似木口木面要都冇乜反应， 望到你当望唔到你， 上一轮食客食完嘢埋咗单都冇帮下一轮客更换枱布 传菜嘅阿姐都不停喺度讲嘢未有停下过来👎👎👎👎 呢度食嘢嘅质素一般。 总之一句讲晒呢度真系差到仲衰过喺街边茶楼饮茶。
继续阅读