明星海鮮酒家 (已結業)

由於家住附近，間中都會來此飲茶食飯。好明顯，明星係以平價招來﹗最近就有$28大閘蟹既promotion﹗至於質素: 睇相都知係一般﹗一隻色澤ok，另一隻就麻麻，當然連蟹膏都麻麻﹗2個人叫左2隻大閘蟹，加埋宵夜特價小茶: 滷水拼盤($38)加涼瓜炒牛肉($28)滷水拼盤: 好大份，味道ok涼瓜炒牛肉: 亦好大碟，味道唔錯，牛肉都好"林"加埋個白飯，同埋$10/3cans既特價啤酒，埋單只係$180多元﹗又食又飲﹗真係幾抵﹗

有時來吃下午茶，下午茶到5點，越late越抵！點心可減至2、3元，超抵！即叫即弄的點心也很平，大點不過$9.8,仲有些小小點$3.8咋！d點心同午市吃的沒分別，味道好，分量多。泰式粉仲抵，午市吃要15元，下午茶8元！同d friend成日食到反肚。不過waiter的態度麻麻，無人等位，都scold人話要搭位，甚至可話客好霸住d位，哇，大叔呀，邊有人明明好多位都like搭table ga。同埋他們分生客ga，完全是無好service，茶都少加。但d阿姐的態度會好d ga!

我都是附近返工，我都試過常客的程況，沒人落單，資客態度唔好。就好似今日，我隔離檯就出現近似問題，資客帶人客到一張已有客人的檯，沒有足夠椅子，佢就好誨氣定張椅，就唔理客人，走左去。本來午飯時間搭檯就好平常，但週圍都好多檯沒有客人，為何要將我地迫在同一張檯，真的令人莫名奇妙。劉德華真係要去教佢地。

我差不多日日都去，但最近真是無辦法再去。一入門口D支客服務態度已經唔好，好似自已係獨市，你唔黎就無得食，所以近日都比較容易搵位。應該趕走好多客人。但佢地完全唔識分配位置，張大怡得一個客人，反而叫人地幾個人去搭抬，D抬無位又叫人上去坐。但當你平時順利去到張抬，準備坐低，佢又話要帶你去另一張抬，態度當然唔好，佢地從來無當我地係客人，只會對佢地認識的客人打招呼，留抬等。但當你終於坐低order食物時，總是沒有人落單。由於酒樓比較多抬，但人手不足，所以好多時都要自已去沖茶，所以真係飲茶飲得好無引。如果唔係貪佢就腳，真係唔會考慮。不過你地如果想睇下D支客有幾經典，去飲次茶都好多野睇。可能你都會試到明明係呢個支客帶你到呢張抬，轉頭問你有無飛坐低。

向新蒲崗飲茶都係呢一間，無乜野選擇。明星勝在價錢平同抵食。但有一次食肥牛生腸"縮縮"地&燒賣唔新鮮。有個friend話食完肚痛。環境就差D，因非常迫同好嘈。

因為想去食果間冇位,行下行下就來到呢間...而家任食火鍋隨街都係,呢間夜晚都係$48,就試試啦.一坐低比幾碟前菜就遇左,有d蒜頭同埋一d齋比滾水陸熟,好似放左幾年既殘花生,非常行貨.比起別的酒樓,呢間任選既款式唔係咁多,不過都總算有生蠔,青口...點左鯇魚片,青口,同油麥菜, 尢魚都冇黎, 但係d伙記乜都冇講,放低幾碟食物就拿拿聲走, 都唔知係冇定係遲d先黎.唔理,食住先.第2次再order,又點返之前冇黎果d, 只得青口有來,另外叫了魚皮餃就黎左九菜餃,朋友話一定係消唔晒迫人要, 我就話係趕住收工睇錯了order.d青口唔新鮮,d肥牛有好多硬軟骨,其他野食(豬肉丸,生蠔,雞件)都算可以.我地抬面已經有2壺茶,食食下有位發夢伙計忽然放低壺茶就行人,我們都好唔明白,四圍望,望到對面隔左4-5張抬又有人四圍望,原來個壺是他們的....埋單三個人$200, 我諗都算係咁啦.

本人昨晚30-10-05, 到此酒家新葡崗店享用晚飯,因星期日關係.客人比較多,但樓面侍應服務並沒有因人多而差,反之仲態度十分之好。不停幫你更換碟及煙灰缸,笑容滿在。食品方面.我選了白灼蝦、蒸桂花魚及紅燒翅等。價錢十分吸引。蝦HK$48/斤,魚HK$38/條, 翅每位HK$48。魚及蝦都非常新鮮,翅則屬尚可接受。我亦於此酒家大埔分店享用晚食，地方雖然大及環境舒服。但出品則屬一般。

每次婆婆搭車出黎探我地都黎呢d 飲茶2pm 就有下午茶, 勁抵食, d 野食都ok 好味不過環境就好嘈, d tables 好近, 唔太舒服好多人, d 伙計成日睇唔到你嗌佢不過咁平算係咁啦

在沙田及新蒲崗的明星海鮮酒家可以話是豬家的飯堂,今日豬家又拉大隊去了新蒲崗那間開餐。老爺一到步就先看菜牌,但也不忘叫榨啤酒飲番杯先。有很多小菜都好低叫,八點半後多款小菜都係$18碟而且大大碟,田鴨一隻六十幾,兩食加$20。一會奶奶同姐姐們也到了,老爺叫姐姐比意見後就叫菜。田鴨兩食(另炆茄子),椒鹽蝦及多春魚,雞炒子薑(但來錯了雞炒茜芹,照食!),乳鴿,回鍋肉,竹生上素,北菇豆腐,荀殼魚, 鍋貼……。豬對我好照顧知我不食鴨和乳鴿,還想再叫,好多菜了,所以我說不要,但我十分感激他。後來又加叫湯圓及西瓜汁一榨。太飽了!我好鍾意老爺奶奶,奶奶和藹已是街之巷聞,原來老爺是個頑童。食到尾聲,老爺提議將回不完的菜於在轉盤上,轉到誰面前就誰食了, 老爺真是呀!太有貪玩了吧!我們打包了鴨炆茄子。謝謝老爺奶奶…….謝謝老公給我愉快的一餐。

明星集團既酒樓，成日都有d 特價點心，味道ok﹗因為始終係集團式經營，水準都尚算保持到﹗不過佢d野真係幾平，even係sunday，都有d幾蚊既特價點心﹗

黃大仙區要數邊間酒樓平！靚！正！真係得<明星>次次5個人lunch飲茶都係$130左右仲要食到飽飽，仲想點！Dinner D 小菜都好抵食架！平平地都算係咁啦~差在人手唔夠LOR~成日都冇人加水！

公司同事生日,大家下午走過來慶祝一下,小菜質數比相像中的好,還很抵食..叫了以下食物海蝦一斤(約$50)---大隻新鮮..很不錯脆皮雞($ ??)---唔錯,皮脆肉厚亦不算"鞋"口西蘭花草茹($48)---d汁幾好味,我唔太喜歡食西蘭花都吃得頗多椒鹽九肚魚($38)--很多件呀!!炸得不錯,D粉不會太厚,是很抵吃的一味涼瓜田雞($ ??)---唔太鐘意,本人不吃苦瓜的,覺得幾苦,喜歡吃涼瓜的人應該會喜歡的最後送的西瓜很甜亦很新鮮..總括,環境雖不及富臨(坐小菜廳的話會比較好),但食物方面,明星好吃得多了.....最後公司請客...萬歲!!!

晚上過了8:30後，晚飯價錢好吸引。今晚一家四口都好夜收工，大家相約在明星晚飯，用特價餐紙點菜，點了"福建炒飯+海蝦芝士伊麵+紅燒豆腐+南乳蓮藕+涼瓜肉碎煎蛋"全部都大份又好食，特別是"海蝦芝士伊麵"好美味呢。找數178元，經濟實惠。

公司食開年飯訂了兩圍, 諗住坐好d book 小菜廳, 點知滿晒要坐出面, 所以坐得都幾迫下叫了兩個$1980套餐, 有龍蝦, 魚, 翅, 雞等..., 味道都ok, 兼且好大碟, 食完仲打包左好多走

食物非常差, 我哋訂咗七圍, 俾ga 地方好細, 未開席前, 好多人都冇位坐, 企哂係度, 要等其他枱埋單, 先夠位開席, 離哂譜.