明峙維家 (已結業)

呢間位於深水埗，嘉頓對落馬路邊轉角位，鮮黃色舖頭好搶眼(雖然配色有點俗，哈哈)，但離遠都望到，之前坐車經過好幾次，已經想試下，今次收工食完飯9點左右過去，竟然仲有開緊，仲要做緊收工價，各款蛋糕$40/盒，好抵呀！一於買盒試試！其實夜晚舖頭只係剩返3盒蛋糕，真係賣曬就無，我就揀咗1盒肉鬆味，店員叔叔超nice，會主動問我要唔要多盒呀，又會同我傾兩句計，對人好好禮貌的。蛋糕諗住第日做早餐，見蛋糕盒有寫住“如果即日食唔晒，記得放入雪櫃(最多3日)” 有呢啲remarks其實幾好。第2日沖杯咖啡配蛋糕，蛋糕size都幾足，可以切到大大件share/分開食，可能因為我無整熱，就咁室溫食，蛋糕聞落就無咩香味，食落嘅口感濕潤軟屬，軟綿綿的，食落幾舒服，唔會好甜，肉鬆味帶少少咸香，不過味道唔係十分出眾，下次可以試試其他口味，還不錯。

深水埗都有幾間 古早味蛋糕之前試過一間(當時不是試這間)個時第一次食古早味蛋糕啱啱出爐 咬落去個種質感熱烘烘+鬆軟+蛋香 同 流心朱古力一食便愛上 之後係唔同地區 試過不同嘅古早味蛋糕越試得多 就會越食得出邊間用料夠同比較好食老實講 咁多間古早味蛋糕店唔係間間都咁出色同埋 我認為 原味先會試得出嗰間嘢 好唔好食因為最基本 反而有難度去整得好食一食就比較到 邊間蛋香味重 邊間夠鬆軟反而花巧嘢 試唔真 (流心個一類)會focus係流心個part實說這間 好一般 Ok 鬆軟 但好少蛋香味食過元朗個間淡水$55一個原味真係返唔到轉頭 有比較就有傷害這裡$30 一個原味試一次就夠了如果真係想食好吃嘅 我唔介意比多d有無人 介紹吓深水埗仲有邊間係整得好食？

古祖味蛋糕開到成行成市，路過，見剛剛有蛋糕出爐，而原味又有優惠價$30，就買來試試。原來在open rice落訂外賣，只需$28。有五款口味: 原味，台灣肉鬆，流心芝士，流心朱古力，黑糖腰果。試了原味，濃郁蛋香，口感軟綿綿，好味

openrice 推出優惠，用$28+$1外賣盒買一個超大既原味古早蛋糕鋪頭位置好易搵，去到鋪頭見到個size 有少少嚇親，真係好大個小店需要撐下，店員態度很好，很友善好客另外幫襯左$20 買兩味Q 版蛋糕，揀左流心芝士同紫薯味，Q 版size 就係原個既三分一消費券都用得，八達通，alipay 同wechat 都收😌原味：蛋味好濃，好鬆軟紫薯味：食到輕輕紫薯味，一樣鬆軟流心芝士味：未加熱食就好普通，加熱後d 芝士真係拉絲，好食對呢間小店非常滿意👍🏻

奪目耀眼的黃色蛋糕小店.每天以真材實料 100%無添加的宗旨製作出新鮮熱辣的古早味蛋糕🍰..濃濃的蛋香🥚香飘十里的👃🏻 .吃起來更是綿密又細緻的嬰兒肌膚似的.. 讓人ㄧ嚐再嚐.愛不釋手的🥰🔸個人最喜歡的口味：▪️肉鬆口味：蛋糕的甜香之上..還佈滿了一堆堆鹹香的肉鬆絲.吃起來鹹甜適中.香氣逼人😎▪️蜂蜜柚子口味：一絲絲的柚子絲佈滿在蛋糕的每處. 增加了口感的層次.還讓蛋糕充滿著淡淡的柚子香氣🤪▪️咖啡味：咖啡味道不算太濃郁的.但吃起來卻有一股咖啡的回甘&濃郁的蛋香▪️原味: 鬆軟的質感.濃厚的蛋香😏

之前經過已經想試，到左前幾日就去買。要左流心芝士，老板一再確認話係。返到公司仲熱嘅就拿拿聲食！但切開唔見有芝士，一直以為比錯左。去到中間先發現有芝士但好少。不過蛋糕好好味好香好鬆軟，芝士咸咸香香好夾！下次都可以試下其他味嘅！！就係中間個少少芝士⋯

其實經過過呢間小舖頭好多次，次次都聞到好香嘅蛋糕味，今日終於忍唔住買咗兩個蛋糕試下！買左蜂蜜柚子味蛋糕同原味蛋糕，老闆多次強調係「新！鮮！出！爐！」。老闆亦都好細心介紹店內嘅蛋糕，我相信老闆亦都放咗好多心機落去制作。蜂蜜柚子味蛋糕，柚子味好濃，但唔會太甜，蛋糕裡面唔會好濕！蛋糕上面有一粒粒白色嘅脆脆，令到蛋糕嘅口感更突出🤤原味蛋糕，食過其他店嘅都只係一個淡味嘅蛋糕。但呢次食到嘅係恰到好處！越簡單更顯功架！🤤

本人都買過好多間古早味蛋糕，通常都需要$50異常，但係今日偶然經過呢一間見到做緊減$15嘅優惠，即係折咗之後$40蚊一舊，見咁抵食就買舊嚟試吓。當時出爐左冇耐，所以拎上手都仲係有少少暖，所以店主都刻意唔關實個盒，以防啲水氣積晒係入面。雖然個蛋糕面有少少爆咗，唔係好平滑，但係食落去味道一流，蛋味好香，而且軟硬適中（利申：本人較鍾意食濕少少），非常之軟熟，所有嘢嘅比例都做得好好。雖然係$40 ，但係蛋糕嘅大細同平時其他店買到嘅一模一樣，好抵食！

香港嘅飲食就喺咁怪現象，炒起一樣時，就會一窩瘋去做，就好似台灣古早味蛋糕咁，印象中大概一年前炒起咗，就突然間出現咗好多賣古早蛋糕嘅店鋪，開到成行成市，家家都話正宗，務求飲到頭啖湯就頭啖湯，食盡條水就食盡佢。失禮講句，小弟晌香港就未試過喇，今次都喺同老婆行完短山，落到深水埗買電子配件，偶然經過「明峙維家」，想試試先打算買一件。如好多古早蛋糕店咁，家家都製作出好多款式，擺晒晌櫥窗度吸客，加上現場即烘焙所散發嘅氣味，喺幾吸引人嘅。啲古早蛋糕除標榜現製，仲刻意講明無添加、無色素、無防腐劑，亦喺啲人幫襯嘅原因之一。除原味，仲有6款口味，價錢由$50-$70，亦有寫到幾個出爐時間，不過，就唔知喺唔喺款款口味都喺嗰幾個出爐時間，定個別口味晌某啲時間出爐。最後，老婆揀咗抹茶口味（$60），作為晚飯後甜點。橙色嘅紙盒睇起嚟好醒神，印住「一份懷戀的味道」，其實我又唔喺咁有感，哈哈！而側邊仲印住溫馨提示，當天10小時食用最佳，否則，雪櫃冷藏，可擺3日。拎件蛋糕出嚟睇睇，雖然成60蚊，但其實又幾大件，而且，嗰陣綠茶味，錯！喺抹茶味幾濃，聞都聞得到，店主強調咗幾次佢哋喺用宇治抹茶嚟做，茶味特別幽香而濃郁。不過，

今日行過鋪前，見到一個二個蛋糕擺喺櫥窗非常吸引，即刻食指大動，買咗個柚子味蛋糕返屋企食，蛋糕好好味又鬆軟，唔係太甜，好易入口，果然冇買錯，其他味道都可以日後試吓，加油💪🏼

已經第四次光顧這間古早味蛋糕店先後食過原味、流心芝士同黑糖腰果我同屋企人都覺得好味😋蛋味好夠、款式又多同埋覺得呢間舖頭係有heart去做💜會繼續support!！💪🏻💪🏻💪🏻

是人點餐：黑糖腰果（半份）~ 黑糖味唔濃郁，~ 唔夠香，亦唔夠甜🙅~ 腰果唔脆，~ 亦焗得唔夠時間，冇果仁香🙅~ 第二日食已經好實，~ 唔似其他古早蛋糕咁鬆軟~ 最後冇食晒返食指數：⭐

本人好鐘意食古早蛋糕，一開頭諗住未食過呢間試下味，點知食完一次就有第二次😋😋真心推介呢間👍🏼👍🏼味道方面我自己本身唔鐘意食得太甜，呢間真係好岩我口味，甜味岩岩好❤️，又係社交平台見到你地用北海道牛乳去整，即刻覺得物超所值🤩🤩暫時試過流心芝士、原味、流心朱古力味都好正😋👍🏼👍🏼蛋糕有濃濃蛋香同奶香，入口柔軟細膩，食過返尋味，會再去試埋其他味😍😍支持支持✊🏼✊🏼