明將迴轉壽司餐廳 (已結業)

９點都要排隊。不過１５分鐘到，就有得食。叫既ｓｕｓｈｉ比起輪上轉個ｄ好味好多三文魚都厚ｄ！軟殼蟹手卷ｙｕｍｍｉ！我最愛！似乎除左芥末蝦ｓｕｓｈｉ差ｄ之外｛差峰ｓｕｓｈｉ好多．．．．．．｝其他都可以不過為食，叫左個豬排拉面真係好錯．炸蝦等左好耐格離的軟殼蟹都係．不過一話ｃａｎｃｅｌ．佢又立即有真奇怪．．．．．．．．．．．．．．．．炸物都可以的。不過紫菜都係淋左ｄ．．．．．．．．．．食左１３０蚊．應該佢係收多錢掛？多謝姐。

今日生日同男友夜晚去食, 雖然同西九龍嗰間都係叫明將, 但係d 壽司就好過西九龍嗰間好多!d 壽司味道ok, 不過可能師傅太快, 賣相不是太完美...壽司既蓋有d污糟, 因為只係用返食客食完既蓋, 呢方面就的確做得比較差... 所以你會見到有d壽司明明係無汁既, 但係個蓋上面會有汁...d 位好鬼窄, 坐得不太舒服! 格調都算ok, 又唔嘈! 最正係個火鍋, 晚市都係35蚊, 料又足, 不錯! 湯底也不差! 因為知道呢間平, 所以無乜太高期望, 而且自己又唔係乜野食家, 所以對我而言, d 野食都唔錯!80幾蚊已經食到飽到想嘔, 所以其實平均60幾蚊就可以塞飽你! 所以如果經濟, 又唔追求高質素食物既話, 呢間的確唔錯選擇!

男友說明將在沙田很出名, 又多人排隊抱著一試無妨心態排了45mins才到我們入座相比下當然跟市區壽司店例如板前, 峰壽司無得揮碟碟$11 當然將價就貨只要不要抱太高要求食物質數和服務都算ok因為沙田區選擇不多, 但是, 可以的話我寧願去citysuper買外賣算了最好味是芝士三文魚, 好想追加但肚子巳滿座最難食是三文魚子, 有點似變壞了三文魚頭勁油, 好難食

sushi, my love~所以成日食, 由其係lee間,碟碟$11~都算係咁la~三文魚都幾厚, 而且出得ok密!!不過其他壽司就好似愈來愈薄la~炸蝦壽司可以推介~如果要求唔係咁高, 都可以try下~不過有時等位等好耐~and唔好對服務態度有太高expectation~

行過見到好多人排隊, 一定好野, 試一試, 排左9個字先有得食入到去笫一個印象, 師傅整食物的環境不太乾淨, 有D地方的邊位積左D黑色的污積...見到唔多開胃, 見到有D壽司係個回轉帶上, 但D料係件壽司上跌落隻碟度, 但轉左好耐都無人理, 使我印象更差咁環境, 生野一定唔食, 只食D熟的, 軟殼蟹手卷(OK), 炸蝦壽司(OK, 但叫做最好味這個), 花之卷(比一般差少少), 海草(差,一定轉左好耐)一定無下次

我同女友一坐低...就望下個餐牌，睇下有咩熟野叫，我叫左個牛肉火煱，個侍應好唔耐煩咁話，幫你落左呢個先，然後就走左，我祗係叫左一樣野佢就走左去，已經火火地，跟住我地見迴轉卡位有位，就諗住轉過去，個侍應走埋黎話: 唔得! 出面有人等緊，你要坐就要分枱！個Ｄ態度係超惡死，咁我話...唔坐囉！我order左個牛都未黎，我已經走左．．．火！野好食，服務態度唔得，就唔掂，因為條氣唔順，就好食有限！

曾吃過兩三次,都很好吃,食到好飽都係$147,抵呀!三文魚壽司=> 新鮮軟殼蟹手卷=> 蟹本身都係暖的,但略嫌細帶子壽司=> 新鮮鮑魚/帆立貝壽司=> 新鮮侍應態度都算ok啦!

昨日下午, 我跟朋友到此吃一頓午膳, 可能那時正值繁忙時段, 要等位, 員工的態度都麻麻我只叫了一客海鮮烏冬, 吃了一碟前菜, 一碟三文魚烏冬淡而無味, 料又少, 但都要$30...我覺得頗貴.. 唯有當飽肚之用就算了前菜是八爪魚, 蠻大隻, 咬起來有點不太方便, 口感普通, 味道卻可以三文魚是我的最愛, 魚片很肥, 不錯, 我覺得好過元氣, 至少價錢都便宜一點

今日係星期日,向沙田搵食真係要好早,我地六點鐘落到街,原本諗住去其他日本野的,但係度度都咁多人,所以卒之都揀左呢間入去,去到都係有人龍,但係唔係想像中咁多,因為向出面排個d人,多數都係要bar枱的,而order枱就冇人坐,我地都冇所謂坐左入去,八爪魚sushi -- 都算厚肉三文魚sushi -- 略嫌切得薄左d蟹籽sushi -- 都好多蟹籽軟殼蟹sushi -- 蟹本身都係暖的,但略嫌佢的紫菜淋左帶子sushi -- 新鮮鰻魚sushi -- 麻麻地,整得唔係太好北寄貝sushi -- 唔錯芥辣八爪魚sushi -- 唔錯雞扒烏冬--雞扒整得唔錯,識得分開碟上,烏冬都算多,配菜都足夠,味道唔錯侍應態度,過得去

尋日同女友去呢間食..我地一共食左8碟壽司加一碟軟殼蟹....食飽就去埋單...事情就係咁發生左勒..佢地既壽司係$11一碟..軟殼蟹寫住$23..但係埋單要$30喎...咁我女友咪問佢點解囉...我地係入面既menu..佢既order紙上同埋出面既宣傳版..都係寫$23..佢個士仔竟然答..係呀.我地可以隨意外價錢架(吹漲)...咁我見我女友好嬲..咪拿拿聲埋單...佢話$165...嘩..我地話點解咁貴..佢話加一丫嘛(大佬..8碟$11蚊都係$88..加埋個碟海鮮蟹$30都係$118即..點加一都唔洗去到$165嘛)..我地咪話點計都唔洗咁貴啦..佢再係部機到按多次..又係$165喎..我地咪叫佢用計數機計一次囉...佢跟住就計到連埋加一係$130勒...(我懷疑佢地都唔知呃左幾多人..係部機到出手腳)...跟住咪比錢走人囉..谷氣..!!

嘩,我上星期一個禮拜食足三日明將呢~又抵又好味~之前$10.5/碟, 但無法啦, 呢度款又多, 又比其他壽司店平.而家全部都係$11蚊, 其他小食個D都貴左.因為呢間多人去, 成日都要排隊, 人流多, 感覺上食物都新鮮D啦~^^環境就細D, 同埋迫D~

芝士焗蟹柳壽司正~ 帶子壽司反而麻麻, 位好細, 坐得好唔舒服~ 6人枱岩4人坐就真~ 又要等位先入到黎食呢~墨魚筒OK ~ (不過就真係唔係次次都咁好食)不過食到好飽都係$6X , 抵~

壽司飯好難食, 一patpat, 又沒有醋味, 魚生好唔新鮮, 紫菜亦好唔新鮮, 辣味螺肉味道古怪, 連玉子壽司都可以做得不好吃. 以前曾吃過兩三次, 都很好吃, 新世紀廣場的分店最近吃過也很好, 估唔到這間差了咁多.

前幾日同女朋友係新城市廣場行街行到夜晚十點幾,周圍鋪頭都收十一點,所以出番商場出面搵野食,行行下黎左明將............等位等左10分鍾,期間有未執台既空位可以坐,我地問侍應,佢地話等陣,等完又等我決定坐,又再等五分鐘先有人被我煩到肯過黎執台,又唔比茶同快子果d,激死,落order啦,突然又拎左我張台其中一份menu走,一句野都唔講,咩態度呀!算,落完等食一個吉豬麵&豬肉泡菜麵,幾件壽司同芝士年糕,先上豬肉泡菜麵,味道怪怪的,我食開既泡菜唔係咁架!吉豬麵,勁呀!個塊吉豬夠膽死係唔熱既!壽司就同belt上面果d一樣咁樣衰,仲諗住即整會好d......唉食左成個鐘,問佢個年糕去左邊,佢地傾完一輪之後就答我:..........................埋單走人

上星期兩個人去沙田店食lunch, 1:25 去到, 坐左五分鐘都先有人俾份menu 黎, 之前淨係俾杯茶我飲, 心諗: 俾本menu 我好過啦! 自己都知遲, 1:30 落order, 兩個set lunch, 一個拉麵一個飯, 拉麵配咖哩炸豬扒。我地到時已經見到有兩客落晒order 坐左度等食, 一路等一路見我地三客好心急, 不停催侍應快D。終於等到1:45 都未黎野食, 我2:00 要返工, 唔走唔得, 話要cancel 單, 隔離見到, 又話要cancel 單(佢地仲等得耐過我地), 個侍應話因為個個都要炸豬扒, 所以炸唔切, 隔離有個女仔話"唔好話你地等埋D 單先一齊炸!" 又好似講得喎...於是1:45 走左去隔離間茶餐廳叫個午餐, 15 分鐘狂吞落肚, 2:00 走人!所以佢地D 野好唔好食就唔知, 但趕時間千其唔好去食!!