幽静的忍耐日

食饭者等级1 2024-01-26

1451 浏览

前言得闲无事去深水埗玩，咁岩行过西九，见到呢间餐厅居然未执，就好似见番以前嘅朋友一样，一谂起以前同佢嘅点滴，心中不禁勾起一阵甘苦嘅思绪，所以毅然决定入去食番一餐，回味一下。以上全部都系尻UP，纯粹系同朋友黎到，想逃战下D野有几难食，谂住大家知难而退，点知各自都铁头而引发嘅悲剧……食物炸物、甜品寿司D食物质素我就唔多讲，有相为证，系睇到都唔想食嘅等级，而你一入口就会直接感觉到无需解释嘅难食。尤其系佢D寿司，首先你睇到块紫菜好似好湿好淋咁样，唔好意思，虽然其实唔系好湿，但佢系比你想像中更加淋，软淋到一个地步你系可以系块紫菜度揾到咬口，系紫菜度找寻咬口你听过味？当佢同埋旧饭一齐送落口，其实你系要咀嚼好耐先可以吞，非常之唔似食紧寿司。然后系寿司上面嘅配菜，果块章鱼真系唔讲得笑，本身系已经无味，食落去块章鱼系极度烟韧，加埋岩先讲嘅紫菜，二个buff加强左寿司嘅咬口，令到要吞呢块寿司要更加长嘅时间。三文鱼系有小小接近臭嘅边缘，已经唔系好唔好食嘅问题，我当日食完无肚痛都算系咁。其余野都系水准之下嘅难食，最好食居然系D有小小汁嘅寿司，因为佢起码有D汁调味。另外D泡菜同甜品，泡菜系除非大白菜之外，其他全部都无泡菜嘅感觉，至少可以话系唔会令你开胃，而且大白菜都系有阵味。甜品应该都系入货，正正常常，所以反而系OK，之不过果个绿茶布丁都系完全无味。环境当日我系大概两三点黎呢间餐厅，加上系星期三，所以系非常之少人，虽然我唔知平时又或者午或晚市会唔会多人D，不过我系非常之钟意人少少又无咁嘈杂嘅地方。而且佢果间格系比较宽阔，唔好话同普通放题或者烧肉比，就算系同冰室比都系嬴，而且张台都系够哂大，活动空间系VERY OK。虽然成间餐厅嘅设计可以话系好随便，尤其系几乎全黑色，D台台凳凳清一色嘅材质，就好廉价嘅感觉，但本人非常非常喜欢比较暗嘅环境，对于我黎讲反而系加分项。同朋友虽然食得唔系咁安乐，但至少坐低吹下水倾下计，系呢度反而系高水准。清洁程度我认为可以，最起码无咩油。当时虽则当时客人好少，但系服务员亦马不停蹄咁清洁，我谂呢个系当中一个原因。价钱明将出名系咩？除左难食之外当然系佢嘅价钱，七十几蚊嘅任食，你全香港都揾唔到几间啦系咪？七十几蚊其实好多时候你系茶餐厅都系食呢一个价，虽然大部份茶餐厅系好食过佢，但呢一间野净系以坐低静静地思考下人生黎讲，都明显比其他同价餐厅好啦。尤其系而加D茶餐厅有几唔好礼貌，D野食有几行货，香港人心中有数……结论如果问我推唔推荐，我系完全唔推荐，因为D野真系太难入口，但如果无地方坐，想有小小玩味可以黎因为呢间虽然系难食，仲要系都几难食，但我同朋友作为寻乐过黎食饭，居然系会有一番滋味继续阅读