昌記潮州粉麵 (已結業)

是日早餐，经过就入咗去食，正常牛腩面铺头样，圆枱圆凳！早餐都几丰富，几多嘢拣！云吞面: 大大碗，云吞都多，虾算弹牙，味道都唔错！酸辣双丸米线: 叫咗小辣，唔系好够，自己加辣椒，酸菜几好食，双丸就正正常常咁！油菜: 加10蚊有碟油菜，都几大碟，加咗两碟，腐乳蚝油畀劲多🤣！少可有服务好好嘅牛腩面，呢度d姐姐态度真系几好，有礼貌之余，我地倒泻嘢，都好好态度帮我地抹番！抵赞！总括黎讲，嘢食正正常常，服务几好，有机会会再帮衬！…查看更多

一路喜欢食牛腩面， 如果价钱合理都一定会试。 经过见到呢间几抵食，所以入去试下。 坑腩河$36， 崩沙腩河冇得散叫(上个星期重有)，套餐$52连饮品油菜一碟，其实都抵。先来自夸不记得是「极品」定「顶级」的 崩沙腩河，上下包住层膜，似样，不像去过某些名店，完全货不对版。但如图所见，肉质十分廋，未炆得够淋， 同印像中上下有筋膜包住点点肥的肉嘅印象出入好大，现在的似12成熟overcooked的西冷牛片。 同佢幅图嘅崩沙腩比，参考价值是低过50%。 当然食牛腩河咁多年都知道系睇彩数，师傅咁啱斩到畀你靓，你当日就有运行！ 不过好彩肉味都几香同特出， 通常咁廋嘅肉都系冇乜味。而坑腩的肉味反而不及佢， 但就炆得非常软淋， 中间有少少肥有油香系另一种风味。 个人觉得坑腩河的性价比更高， 值得再试。至于汤底我觉得味道几浓几惹味， 饮完唔口渴， 有以前元朗学记的影子。 河粉就普普通通唔特别滑。 不过最好食的河粉都不是在香港吃到， 所以没期望便没失望。整体水准可以，性价比高，下次可以再畀多次机会佢试下崩砂河再评价。…查看更多

系元朗西巴士总站，食肆林立🏬🏢🏡🏪 今日拣中左昌记黎做quick lunch同平时粉面舖唔同，昌记灯光火著够光猛🌅 大部份圆枱为主，但舖头地下同墙边就唔太干净，竟然有两个啤酒罐放系墙边无人扫？仲要墙边都好多污积😥😮潮式粉面从来都系讲快靓正，论速度，舖头上菜快，分别叫咗云吞🍤崩沙腩🐂面、猪手面🐷同腐乳通菜🥗崩沙腩，朕去揾人check 咗系横隔膜部份，记得细个时好似粉面店每日得十零份少量供应，但唔知舖头点解可以不停出🤨🤨 （求指教）崩沙腩系爽口，连住少少筋，烟韧有牛香，碗面都有成5 6 旧腩，足料👍 云吞未入舖已经见到门口系度包，系食得出新鲜同有鲜虾肉👍 另外猪手虽然未算出色，但都炆得淋同入味👌可惜🙄佢既汤底系唔靓，头啖可以，但第二啖食得出有添加（唔敢讲系味精，但事后亦觉得口渴）至于通菜同杯啡，不过不失希望店家快啲改善卫生同汤底，唔好辜负佢个靓既崩沙腩同云吞🙂…查看更多

今日返兼职前随意吃，见到呢间店有牛三宝，喜欢食牛的我就决定一试~~~呢间店系刚易手不久，灯光较上一手光又舒服:)点餐时讲咗要走葱，点知冇走，好在上碗的哥哥随手将汤匙上的葱倒走~~~虽然冇叫饮品，阿姐都乐意俾杯暖水我饮~~~牛三宝有牛腩，牛肚和牛筋，个汤尚算有咸味，河粉唔算入味，牛腩肉唔算肥，食落唔会韧，仲算多肉，牛肚唔够淋，只是感觉普通而唔入味，好在牛筋够晒淋又入味~~~埋单36蚊有牛三宝其实算系刚好，如果牛肚整得再淋d就够晒吸引~~~…查看更多

另一间元朗西站觅食区的面档, 这个位以前是做牛腩粉面, 现在也是做牛腩粉面, 装修后灯光亮眼, 今次试牛三宝河, $36实在抵食, 牛腩同金钱肚入味, 不过奇怪味道同以前果间咁似...... 值得一提的是楼面是用手机落单的, 唔洗行去电脑前面落单, 楼面都未行到前面碗面以经到左(因为店舖是长方型的, 由最入面行返出去落单都好达)…查看更多