影片
今日午餐唔知食乜好，乱撞入旺记，呀姐介绍烧鹅饭，望一望个餐牌，数字摆位令我错觉以为$50，原来系$75（呢个系我睇错嘅，不过唔知有无人同我一样咁瀬嘢呢？🤣）碟饭嚟到，哗！俾只鹅脾我咁正？我撩咗几下，见到啲鹅一啲都唔似系鹅，成只脾一啲肥都无，肉又柴又冻，伏到无朋友😠
继续阅读
【湾仔区】【旺记烧味茶餐厅】啱啱上一篇又走咗去写岩盘牛扒，某啲人未必明白点解要用三旧几水买两个牛扒餐而唔系食碟女仆蛋包饭再买啲相以取悦女仆。始终佢哋成日出入高级食府，唔会明白我呢啲市井 foodie 做乜，等我又讲啲茶餐厅嚟高兴吓。今次讲呢间嘢个背景都有啲搅笑，话说我同家慈去完维多利亚公园参观「香港花卉展览 2023」，佢就直接返屋企，我就等开工。咁等开工呢啲咁艰苦嘅时间，当然要趁机食吓嘢，又可以有多一个餐厅素材，应付吓啲稿。去到春园街附近，未谂到食乜，其实都心郁郁想入去金凤叼碗我至爱嘅花生糊。不过我记得自己确实系打晒成手告急牌嘅无稿人士，为咗每日都可以打文畀我心爱嘅读者，同埋女同事，我点都要磨铅策蹇，努力写啲嘢出嚟。喺附近见到呢间旺记，做烧味嘅，喺呢条街又有新景园又有金凤，压力一定大，睇吓佢咩料都好。用 $81 叫咗碗「烧鹅烧腩仔濑粉」，由于系烧鹅双拼所以咁贵。不过烧味师傅畀咗只烧鹅髀我，嫩滑多汁，真系几好食架㖞。另外，个烧腩仔都好好食，啲猪味劲香，热辣辣，只系略嫌佢调味重手咗少少，我个人觉得有少少咸。碗濑粉同啲酱汁就正正常常冇乜特别，而嘢饮我加 $8 饮杯「冻柠茶走甜」，正常茶餐厅货色，夹埋 $88 都食得几满足嘅。。。（地址：湾仔春园街14号地舖）#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am湾仔区 #湾仔 #旺记烧味茶餐厅 #旺记 #冰室 #茶餐厅 #烧鹅烧腩仔濑粉 #冻柠茶走甜 #烧味 #烧鹅濑 #1am0970 #1ambackup
继续阅读
时间大约系6点钟，正值打工仔准备收工，但食晚餐又有点早嘅时份，谂唔到食乜嘅我，来到了旺记烧味包咗个场。唔系真系包场，只系刚好得我光顾，镬得全店招呼我嘅贴心招待。下午茶只去到5点半，6点正值尴尬时份。叫咗一碟烧腩仔油鸡双拼$60，加咸蛋一只$6，加冻饮$7，总共$73蚊。摆盘整齐卖相靓仔确实有啲意外，比我想像中要好。腩仔皮脆而有好香嘅烧烤味，鸡就少肉咗啲，但肉都嫩滑嘅可以接受。咸蛋唔会话太咸，搭咗两条菜感觉上健康啲。
继续阅读
谂唔到晚饭食咩好，又唔想煮，最好都系斩料😅经过见到旺记有外卖孖宝（叉烧、烧肉、贵妃鸡、烧鸭）任拣两款，见啲叉烧几靓，拣了一份孖宝，要了叉烧半斤拼贵妃鸡半只。叉烧要了半肥瘦，有㶶边，好食👍贵妃鸡几大只，唔多肥膏，正正常常😀孖宝$140
继续阅读
旺记烧味茶餐厅, 湾仔🐖平时系湾仔如果谂唔到食咩，而又好肚饿既话，我一定会黎呢间食碗烧味饭。个人比较钟意食叉烧，而佢地既叉烧相当不错。价钱方便，以湾仔呢个地段都真系算好抵食😋！如果一定要挑剔既话呢，就只可以话地方唔算特别干净或者适合你慢慢坐底食。佢实属系一间普通茶餐厅，滕在快靓正👌🏽湾仔除左呢间当然仲有好出名既再兴比你选择。两间都试过既话，你地又觉得边个好食D呢？.单拼饭 $40双拼饭 $45.📍#湾仔 #春园街 14号地舖 #HappiMuffinHongKong 🌟#HappiMuffin Rating: 8/10💰Price: $50-60 pp
继续阅读