影片
2024年06月05日(三)姐姐约食饭佢要去大排档霸王鸡$128豉汁蒸鳝$128啫啫粉丝虾煲$128呢间嘢冇下次，一次都嫌多服务差：叫人攞水、落单，要三催四请，落单讲食乜嘢，游魂咁，重复咁讲咗四次先至落到单。嗌咗三样嘢，超过40分钟，要吹菜，先至系45分钟见到第一碟𩠌，霸王鸡。上菜三样嘢都好热，热到烫咀，统一嘅问题系油多，好多油，味淡，连食霸王鸡嘅姜蓉都没有什么味道，全部都Overcooked，霸王鸡全熟，一啲滑嫩嘅感觉都没有，好彩口感唔差肉老晒。豉汁蒸鳝，份量少，同隔篱店舖比少一半，但价钱一样，过熟，鳝片全部都非常之弹牙，份量少，当中仲要有埋头颅及尾巴，根本没有肉。啫啫粉丝虾煲，非常非常多油，啲虾已经熟到缩埋一旧，我都唔知系弹牙定系对靭。大排档环境都唔慌好㗎啦，近公厕，主要系服务、食物质素都完全唔掂，45分钟先至上第一碟𩠌，真系好过分，三碟送上齐，超过一个钟。职员藉口多单，做唔切，目测9成年上男，主要都系睇电视赌马、饮啤酒及玩骰盅，叫碟小炒王喺度享受时光，唔怪得知隔离大排档咁多人帮衬，适逢今日旁边的大排档放假先至被迫第一次光顾旺记，隔离新华记超级多人帮衬，上菜速度都系正常，绝对唔会比客人等45分钟以上，仲要追2次才上一碟霸王鸡。
继续阅读
经过开元朗想去揾间小菜食，无意中发现依间旺记大排档，凭着试吓既心态，意外发现每样菜式很满意，炸物即炸外脆内软，小炒也很入味，水准不错，老板娘也很好客，请了我们喝啤酒，还热情推介元朗好去处，让我渡过了愉快的晚上，现在有优惠，我点了鱼皮尝试一下，味道酸酸辣辣很开胃，性价比高
继续阅读
🎈 旺记海鲜饭店 (元朗)地址：元朗建业街熟食亭4-10号舖💡椒盐白饭鱼四季豆白饭鱼松脆💡粟米斑块送饭一流，咬落去鱼柳，仲有少少脆💡大扇走地鸡鸡有鸡味，肉质烟韧有咬口，新鲜鸡感觉💡辣酒煮花螺够麻够辣，花螺够大粒，小朋友都食到唔停口💡猪红韭菜大份夹抵食💡豉椒鹅肠鹅肠唔算太肥，但味道足够💡鱼香茄子煲一定要送饭食💡蚝仔菜脯煎蛋蚝仔份量都多，略为油左小小，但好香口💡豉油王炒面够干身，够镬气💡豉椒蒸排骨今次呢款𩠌有d 失色，因为店员忘记系个镬拎出黎，所以d 肉有d "鞋口"💡辣到跳舞送酒鱼皮够爽够脆，超级麻辣，食到流晒口水
继续阅读
爸爸生日饭~ 之前听过话呢间几抵食，所以去试下~唔多人，唔驶等位~ 仲可以坐室内~蜜汁牛柳薯仔粒，平时食嘅都系黑椒炒，呢个用左蜜糖，口感都唔错~爸爸点的羊腩煲，好味~ d羊肉一d都唔"苏"，附送一篮生菜，个汁好够味，生菜同枝竹都好入味~京都骨豉椒炒蚬皇牌小炒皇，好惹味~椒盐九肚鱼，好大件，炸得好松脆，亦都好惹味而不会太咸~西兰花炒鲜鱿另一碟爸爸点的𩠌，白灼鹅肠，好爽口总括黎讲，唔错，份量都唔算细，而且唔会太咸~
继续阅读
附近其实有好几间大排档, 这些不起眼的大排档已买少见少，今晚突然想吃海鲜所以决定试试，原来有室内的实在太好了。时间尚早人流不算多，待应送上餐牌后还介绍今晚的新鲜海鲜。太耐冇跟相公吃饱饱，一于来个大解放~~~隔离枱点了砵酒焗牛仔骨..好香好香，但我们不想吃牛所以点了滑滑的鱼云，份量一点都不少还有很多葱在底，味道不错十分香口。份量真不少, 面头盖满肉片，只是比较油腻。这碟价值$120的虾实在有点不太抵，但幸好海虾新鲜蒜溶亦很多，还有些粉丝在底。而味道又不会太咸，只是比心目中贵了点，下次自己试试整~一看..............很红很红，满是红色的辣椒油，配料竟然有芹菜和多原粒炸蒜头，不过这味我觉得似辣油煮东风螺多过似辣酒，一点点酒味也没有完全不香，只是觉得很油很油。东风螺亦不太新鲜，有点点腥味。其实味道是不错份量很足够，服务又很好下次一定会再来。
继续阅读