旺記冰室 (惠芳閣)

是晚接人收工，本來想去觀塘食，後來想念起附近的豬軟骨，打算轉軚，然後再經過呢間之前雜誌介紹過既冰室，再轉軚作為蛋控，見到滑蛋飯免疫力全失，本來Target 既叉燒滑蛋飯原來晚市係冇架，想食看來只好午市請早掙紮咗好耐，終於決定了，要滑蛋牛肉蝦雙拼飯同豬排抄蛋印尼撈面呢個真係招牌菜，超好食！個蛋同個甜鼓油配合得天衣無縫蝦就雪藏貨，不過爽口同醃得好香，牛肉冇食評論唔到呢個係得個蛋好食撈面係正常印尼撈麵，豬排正常。…查看更多

最近在芬尼街附近新張營業，平時經過排晒隊，係咪真係咁正？某天下午茶時段就和媽媽去朝聖！佢最出名係叉蛋飯、蕃茄濃湯通、足料三文治四重奏。由於媽媽鉀高唔食得蕃茄，咁就索性叫叉蛋飯餐（＄５４），加一份三文治四重奏（＄３２）。店子太細，搭檯一早預左，不過講真，入面坐得唔太舒服。我讓媽媽坐埋邊（即背脊靠牆那邊），我坐外邊（檯與檯間的通道），正當我睇緊餐牌時，有一位侍應竟然踢到我的椅腳、撞落我度。。。 嘩，好彩佢當時唔係拎住熱野，如果唔係我肯定被照頭淋。另外，亦幸好係我坐外邊，如果唔係媽媽便遭殃了。等左一陣食物來了！炒蛋滑就滑，不過冇蛋香，要靠Ｄ蔥吊味。叉燒有Ｄ韌，味道唔太突出，唔講唔知原來係自家製。。。至於個汁，似稀版嘅煲仔飯甜豉油，又係食唔出原來都係自家製。成個飯五十幾蚊，唔覺佢有咩特別好食或驚喜之處！雜誌／網站勁讚，未免過譽了。個招牌飯如此，三文治都唔抱咁大期望了！平常心地食啦，點知。。。真係失望！佢係用麥包的，健康Ｄ嘛，不過烘左嘅麥包真係唔係咁好食。。。餡了方面有花生醬、午餐肉、蛋、生菜。但凡食物同廣告相都會有Ｄ相差，呢點絕對明嘅！當份三文治真正上檯時，媽媽先係眼都凸，咁樣嘅？！就咁睇真係薄左Ｄ，同埋好似只有菜和蛋兩樣咁。。。說好的四重奏呢？？？食入口再講啦，都食到有＂少少＂餐肉（唔係講少，真係唔多）。食食下媽媽一臉尷尬問我，食唔食到有花生醬？。。。我和媽媽面面相覷，下意識下我揭開塊麥包睇下。。。係有少少啡色嘅，不過極少囉。。。（呢Ｄ啡色，唔排除係烘麥包的顏色而已）野飲方面，奶茶亦只是普通水準，有Ｄ澀口，唯一可取就係夠熱！總括黎講，價錢中上、食物普通而味道唔太突出、菜式選擇較少、服務一般、環境唔太舒適 。。。叫做試過就算啦！…查看更多

無驚無險星期四，呢星期真的忙到不行了，今日終於可以早點放工，去做下gym ,出身汗。。。平時lunch time 見到呢間旺記門口多人到不行了。。。加上最近係facebook 嘅推介下，要lunch 幫襯，根本無可能等到位。晚上來到，都要在外等大約十分鐘門口貼上各式各樣推介，最大篇幅的滑蛋自家製义燒飯，仲有自家豉油。but ,可惜今天已售罄⋯⋯眼見滑蛋系列之中，還有牛肉同鮮蝦，一於來個雙拼。。。呢度嘅蛋，仲指明係北海道嘅，一定夠曬滑。。。朋友就叫咗個番茄餐肉粒通粉，茄汁底好濃，餐肉係一粒粒，煎到好香咁。。。個set 仲包炒蛋同多士。。。炒蛋好滑，好juicy 咁 ，多士好夠脆。。。不錯選擇。。。…查看更多

最近成日見到fb 有人去食搞到心郁郁一直想去食waaa...未夠12 點...舖出面已經超超超多人呢到有分堂食同外賣排堂食記住要入去寫名同人數，唔好傻豬豬咁排丫入到去其實無乜得揀午餐就只有叉蛋飯，蝦仁蛋飯，雙拼，同一d 通粉...見到佢早餐欄有d 三文治...真係好吸引好想食其實佢d 三文治都係花生醬+蛋+叉燒個隻...有d 似中環好出名茶檔個款但我仲未食到ge 關係...呢到睇落大機會食到d haaaa下次黎試主角登場其實係好味ge, 滑蛋真係滑到一放落口就滑落去咁配上叉燒係無得頂...叉燒亦係半肥瘦...所以咬口好好但因為配上滑蛋就無乜食到蜜汁個隻味la同朋友一致認為佢個秘制汁係最好味ge三樣野ge 配合係抵佢咁多人排隊geee但呢到限你時30mins,食得慢的朋友可能諗下外賣會好d lorrrrd 姐姐真係會睇你張單叫你走架…查看更多

好好味呀！旺記冰室果然名不虛傳一黎門口已經排滿左OL☹️以為要係呢個熱死人嘅天氣下等好耐但係自覺嘅香港人都食完就走結果等左10分鐘倒-未埋位侍應姐姐已經幫我地落單一埋位未到五分鐘已經黎左餐同飲品🍛☕️所以話 係一間餐廳真係可以好感覺到當地嘅文化茶餐廳除左係香港最地道嘅飲食文化係呢度都可以感受到香港急促嘅生活節奏-蝦仁滑蛋飯（HKD56）叉燒滑蛋飯（HKD54）呢個價位係呢區都算係差唔多滑蛋真係炒得好！好！味🤤好夠火候！🔥🔥不過飯原來唔係珍珠米🙍🏻所謂秘製醬汁 就係甜嘅鼓油最經典嘅鼓油撈飯 呢個組合永遠都唔會有錯👍🏻下次黎要試埋佢地嘅三文治😆…查看更多

【鰂魚涌】旺記冰室 - 9月雜誌於網上介紹完呢間的招牌滑蛋叉燒飯後，每日lunch time都大排長龍!! 其賣點係用日本雞蛋同滑溜溜，加上自加製叉燒，搞到好想試下!!今日特意早點出來食飯，好在我去到時有最後一張檯，唔使等,太好!!未夠12點已經滿座!!!到我走時12點4,5個字前就有廿幾人等緊喇，店內大約有三十個座位左右，lunch時段唔想等﹐就記得早d去喇!今日叫左2個午餐推介1)    推介的自家製叉燒 日本滑蛋飯(配旺記秘製甜豉油) $54 – 落完order好快就上檯，蛋真係好滑溜，不過叉燒是凍的，叉燒本身都係好普通，甜豉油就OK，可能我有期望，我覺得全碟野除左蛋係滑外，其實都係一般 2)    爽口蝦仁 日本滑蛋飯 (配旺記秘製甜豉油) $56 –真係無呃你，蝦仁的確爽口，仲大大隻，不過就無咩蝦味，主要都係係滑蛋，但貴過叉燒$2，咁下次我會揀叉燒滑蛋 3)    另一推介的鮮薑汁豬潤鮮雞湯通粉, 配鮮牛油麥包多士4.3 牛奶炒日本滑蛋 $46 – 呢個好似好多野食，又平D，個通粉係有坑紋的，都幾彈牙，放左一陣先食都唔會淋，呢個係讚既!! 豬潤就不過不失，唔會好滑又唔會好鞋，湯底就有好多薑絲，雞味就唔係好飲得出。4.3 牛奶炒日本滑蛋就係好滑，不過就唔重蛋味，麥包多士係厚切同好大片，加埋不少鮮牛油，唔使夾蛋都好快KO左。 以上的午餐，都配奶茶或咖啡 …查看更多

雖然每日都會把公司的工作帶回家, 一心打算回家後再發奮, 但結果是……完封不動咁帶回公司, 日日如是, 只是一個 “拎”字, 哈! 真是有點內疚, 今日決定扚起心肝, 早餐後便馬上開工, 一直做…一直做…收手時原來已差不多三點, 連午餐也skip了, 為了好好獎勵自己的表現, 一於出去吃個豐富下午茶, 讓自己鬆一鬆。吃什麼好呢? 咦!? 日日堆滿人龍的旺記冰室, 現在門口竟只有兩三人, 一於趁這個好時機入去嘆返個下午。內裏地方不多, 兩邊合共有兩張六人枱、四張四人枱和兩張二人枱, 只有中間一行窄窄的通道, 而枱與枱之間的距離亦較少, 大家要坐得親密一點啊!冰室裝潢設計簡約平實, 牆身和水吧位貼上幾款招牌菜的大海報, 如叉燒日本滑蛋飯、特濃蕃茄湯午餐肉粒通粉、鮮薑汁豬膶通粉、招牌沙嗲牛肉雞湯公仔麵等等, 賣相挺吸引!看看夾在枱上的餐牌, 設計簡單清晰, 分早餐(7:00-11:30am)、午餐(11:30am-18:00pm)和下午茶餐(15:00-18:00pm), 各有6-7款餐, 各有不同。***************************六款下午茶餐中, 對三文治四重奏最有興趣, 即是由四款配料組合而成的三文治。仔細看看, 共有四款選擇, 除主食不同之外, 四款均有雞蛋、花生醬 和椰菜, 而花生醬亦可免費轉為架央, 相信是擔心有些客人對花生有敏感, 真細心!揀了一份鮮免治牛肉 x 雞蛋 x 花生醬 x 椰菜旺記烘麥包三文治四重奏 ($32), 烤烘得外表金黃, 兩件均夾着滿滿的饀料, 大大份, 非常有份量, 賣相相當吸引。拿起它挺墜手, 張開大口咬下去, 選用麥包 既健康亦更有咬口, 烤至稍稍脆身, 配上滑嘟嘟的雞蛋、爽口的椰菜 和嫩口的免治牛肉, 口感豐富, 但略嫌花生醬 的份量過多, 味道最突出, 蓋過了蛋香和牛肉的鮮香。試試單嚐免治牛肉, 其實挺鮮香肉嫩, 但配埋一起就有點失色了…..***************************下午茶套餐均配一杯絲襪奶茶或忌廉即磨咖啡, 可+$2轉為凍飲或可加錢選其他特飲。飲品都幾選擇, 見近排周身骨痛, 不知是否作感冒……阿媽教落, 熱檸樂煲薑(+$8)可預防感冒, 一於要杯打打底。內有三大片檸檬 和不少薑絲, 味道酸酸甜甜, 帶少許辛辣, 雖不算勁薑, 但飲完之後都幾舒服, 好似幾有攻效喎!------------------------------其實只坐了一會, 已看見有很多客人不斷出出入入, 而店員們亦忙過不停, 臨走時門口又堆滿人龍, 看來是我今日運氣好才不用久等。它命名旺記冰室真是無錯, 的確好旺喎! 難怪延長了營業時間至22:00, 還註明用餐時間為30分鐘。…查看更多

Managed to try this popular homemade chasiu egg rice $54 (slightly pricy I think), the egg was silky smooth & perfectly paired with their sweet soy sauce.I won't say they are the best that I've had but surely one of the good options in that neighbourhood! If you want to crave for this BBQ pork rice, better come during lunch hours around 11:30-2pm. They sold out real fast!! …查看更多

之前喺灣仔「旺記冰室」嘗過店裡嘅滑蛋叉燒飯，覺得好有水準，滑蛋用咗日本雞蛋配 4.3 牛乳同炒，入口半熟超滑溜，配上叉燒，非常美味。最近餐廳喺鰂魚涌開咗新分店，既方便又就腳，啱曬我這個東區友，所以趁這天瞓到日上三竿，就決定去吃頓下午茶餐，順便重溫一吓店子的滑蛋飯。按門內進，店子地方不大，以一室啡木色為主調，椅桌分成左右兩排。屈指一數，只有廿餘個座位，以二人及四人檯為主，而且由於來到時正好是下午茶時段，店內坐滿食客，所以看起來有點迫狹，不過環境尚算唔錯，乾淨企理。餐牌一張過，很簡單，分為三個時段，分別是早餐、午餐及下午茶餐。午餐供應時間由 11:30-18:00，不過記得剛進店時，門外寫著營業時間去到 22:00，應該係延長咗。午餐共有七個選擇，四款飯、三款通粉，定價由  $46-$58 不等，配絲襪奶茶或忌廉即磨咖啡。至於下午茶餐嘅供應時間就係由 15:00-18:00，同樣有七項選擇，包括通粉、烘麥包三文治四重奏、豬仔包、夾心西多士、炸南乳雞脾、豬扒印尼撈麵，定價由 $32-$52 不等。另外餐廳設 minimum charge，每位客人最低消費  $14，而用餐時間若有客人排隊等位的話，就只限 30 分鐘。既然一心為吃滑蛋飯而來，所以入座後，立即鎖定目標，選了滑蛋叉燒蝦仁雙併飯，而另一客就揀咗旺記烘麥包三文治四重奏。日本滑蛋叉燒蝦仁雙併飯 ($58)  率先送上，飯面的蛋漿炒至七八分熟，色澤金黃，表面很油亮，而且包住大量蛋汁，惹人垂涎。急不及待舀起一匙往嘴裡送，半熟蛋火候控制得剛好，入口超滑溜，而且滿載蔥香。至於叉燒，食落肉質好鬆化，肥瘦均勻，而蝦仁數量雖然只得三隻，但就大大粒，配埋精彩嘅甜豉油，超正，吃罷非常滿足。接著嘅烘麥包三文治四重奏 ($32)  有四款口味，包括鹹牛肉、午餐肉、五香肉丁、鮮免治牛肉可供選擇，揀了五香肉丁。三文治選用麥包，除五香肉丁外，內有雞蛋、花生醬和生菜，非常足料，如果不吃花生醬的朋友亦可換成咖央。三文治上桌時已經一開為二，可以清楚看見餡料，麵包烘得金黃香脆，五香肉丁入口香辣惹味，不過就稍嫌有點霸道，蓋過了花生醬的香氣，但以整個配搭來說，味道還是不俗。餐茶揀咗凍檸茶 (凍飲+$2) 同凍奶茶 (凍飲+$2)，前者入口冰涼又夠茶味，檸檬下得足夠；而後者奶的份量就差了一點點，未夠滑，幸好茶味不俗。下次會再來試試店子的蕃茄湯通粉。…查看更多

[ 蛋控 | 意想不到咁滑🐣]••前幾日中秋節有假期，終於可以同男朋友周圍去❤️去開太古行街，夜晚就順道去食呢個滑蛋飯😻-🔹滑牛肉蝦仁雙併滑蛋飯($58)⭐️8.5/10我呢隻貪心的小狗🐶當然要叫雙併✌🏻個滑蛋真係超級滑！(餐廳標榜用日本雞蛋🍳)，牛肉大大塊又夠稔，蝦仁爽口🦐飯粒粒分明夠乾身，係我鍾意既質地，飯底有甜豉油，完全係食到停唔到口😋好食！-🔺滑蛋叉燒得中午先有賣😕🔺$58連飲品，好抵啊☕️- -更多食評 🌸…查看更多

今日晏晝去試新野，都聽聞呢間旺角好似幾好食，所以一家三口去試試，淨係排隊都等左四五個字。入到去叫咗個日式滑蛋叉燒飯，加一杯小冰少甜嘅凍檸茶，我自己叫左個甜豉油洋蔥雞扒飯。個滑蛋叉燒飯啲叉燒有啲乾身，但味道都還可以，杯凍檸茶黎到，啲冰差唔多整咗杯嘅三份一，我都懷疑自己講得差，但係睇返張單佢真係寫得少冰少甜，吹脹！最精彩我個電視有洋蔥雞扒飯，同我喺門口見到張相好似兩回事，我係以為似蔥油雞扒嗰種，黎到點解變咗洋蔥雞扒飯，我又以為自己嗌錯，但係睇返個Menu係冇洋蔥雞扒飯的，我斗膽講句，我自己絕對煮得好食過佢！再講講啲service ,後生嗰啲總算有啲禮貌，但老一輩嗰啲就........... 總括黎講，失望！！學方東昇話齋，一試無妨,再試投降！！…查看更多

第一次惠顧，我點了一個是日特餐豬扒飯，豬扒ok.跟餐的凍檸茶叫了少冰但下單嬸嬸並沒有理會我，檸檬茶來到時得8成滿，因為太多冰我要求比一個容器我處理。結果未飲的凍檸茶只有一半，而這細杯size得一半得兩啖。我問嬸嬸我還未飲好像沒有一半份量，她聽罷行開。而其間這位黑粗框嬸嬸也下錯晒附近既單。左手隔離轉奶油豬沒有幫她們轉。右手面客人order說了三次，也開始火滾她好像還未接收到，叫客人重覆又重覆。食到一半時間對面有一枱很嘈就是說d單亂晒。店鋪服務員質素極有待改善，免得顧客食一餐也一肚氣。…查看更多

係灣仔總店食過滑蛋叉燒飯，幾好食。見佢quarry bay新開左間，近近地就食下佢嘅早餐。我嗌左個早餐E,忌廉雞湯五香肉丁米粉，加5蚊轉奶油豬仔包(走牛油)，炒蛋，飲熱柚子蜜。忌廉雞湯五香肉丁米粉: 湯底唔會好咸，感覺冇咩味精，啲米粉索左啲湯之後都唔會覺得lum。奶油豬:好好食外脆內軟，不過要襯熱死，凍左就會冇左外脆內軟個種口感。炒蛋：係我鍾意個隻炒蛋吖，生熟程度啱啱好。整體黎講，份量足夠，水準感覺跟灣仔總店差不多，而且比灣仔坐得舒服。…查看更多

之前食過灣仔個間已經對佢既脆豬念念不忘，約朋友食個brunch就決定黎呢度食😋😋😋⭕️早A 蕃茄午餐肉粒通粉 $46蕃茄湯夠酸但好似冇灣仔店甘濃郁，但都好味！配上通粉吸左d湯汁食真係一流！煎午餐肉粒好厚好大件👍🏻👍🏻👍🏻👍🏻⭕️加$5轉奶油脆豬配炒滑蛋奶油脆豬勁大件，熱辣辣食勁脆勁香😋配上奶油真心肥但願意為左佢今晚跑多半個鐘步！炒滑蛋超滑，配上脆豬食好幸福！⭕️熱茶走 +$0勁香，茶味算重👍🏻👍🏻…查看更多

總店在灣仔, 近來鰂魚涌開咗新分店, 響公司不到5分鐘步行距離, 當然要一試!據說未到12點食lunch時間已經要排隊, 我… 拎咗張#1飛, 都係等左兩分鐘左右。嘻嘻~一行二人叫咗兩份午餐:午1: 自家製叉燒日本滑蛋飯嚟旺記都係為咗食佢, 叉燒有肥有瘦, 仲一D都唔韌; 滑蛋仲有少少流質而且好滑, 份量多, 夠cover哂成碟飯; 旺記秘製甜豉油有點睛效果, 因為真係好甜, 帶起咗叉燒味~ 不過就落重手咗, 食到最後唔夠飯撈~午5: 特濃蕃茄湯午餐肉粒通粉特濃蕃茄湯真係冇呃人! 連蕃茄蓉都有, 而且都好大碗; 仲有碟4.3牛奶炒日本雞蛋(好滑好香)配鮮牛油麥包厚多士(欣賞佢用麥包夠健康), 份量足!隨餐仲有飲品, 當然要試試本地絲襪奶茶~ 望住奶茶由「絲襪sieve」流出嚟, 好治癒!大家要食到咁特別嘅滑蛋叉燒飯, 記得早D齊人入座啦!…查看更多