旺記冰室 (建利大廈)

营业中

休息中

每日Lunch time路過都人山人海. 除非你好早黎到, 咪一般見到門口堆人都唔會再想黎食.但聽同事話佢的炒蛋好好食. 究竟有幾好食呢? 想放工黎, 點知佢收六點....所以是日因為放工後有野做, 所以偷偷落黎tea. 落黎五點鬆d , 大把位, 只有一兩枱人.坐位任坐不特止重不限時, 聽聞lunch time時間只限半小時.佢的餐牌分左早餐. 午餐同下午茶餐. 我二話不說就望下午茶餐個邊. 所以叫左B餐. 因為A 餐係牛肉...落左單才發現原來午餐都供應到六點. 重點係有我好想試的豬潤通... 唉.. 唯有等下次.B餐:鮮忌廉雞湯鮑魚火腿絲通粉個湯底好濃味. 而且火腿絲十分足料. 完全啖啖都有一堆火腿絲, 鮑魚亦唔少.唔怕好似尋金咁尋. 足晒料正.鮮牛油麥包厚多士個多士又唔算十分厚. 但用麥包黎做. 平日就比較少見. 算係幾健康.再加埋有淡淡牛油味. 咬落去脆卜卜. 十分可口. 重點黎啦, 個個都話佢個炒蛋正. 試下先, 個炒蛋唔會好稀. 而且好滑.  果然同事無介紹錯. 餐飲叫左杯熱檸水. 浸左陣都無苦澀味. 果然用料唔馬虎.雖然$38一個tea有點貴. 但食完晒我已經十分飽.

接近兩點喺灣仔區唔知食乜，OpenRice幫到我⋯😅睇到呢間旺記冰室comment唔錯，所以決定食呢間。雖然已經過咗午飯時間，但離遠已經見到門口排住一堆等食嘅客人😓⋯不過因為係快餐，流轉得快，所以等咗大約15分鐘就有得食了。😎😎😎必吃推薦：叉燒滑蛋蝦仁飯：非常美味！豬潤通粉餐：豬潤煮到啱啱熟，配上彈牙姜絲高湯，唔錯！鮮茄餐肉通粉餐：煎到脆脆嘅厚切餐肉配上鮮茄濃湯，啱晒D鍾意番茄嘅朋友😜兩個湯通餐配嘅滑蛋多士，係用麥包，烘到外鬆內軟，加$10仲可以轉豬仔包⋯😋😋😋沒得輸！👍🏻

自家製叉燒 日本滑蛋飯 配 熱薑汁奶茶($54)-👍🏻讚：用上日本蛋 蛋味濃而且滑 與順興相比 飯量不會過多 蛋能夠更完美覆蓋整碟飯👍🏻看似跟順興的滑蛋叉燒飯無異 其實多了很多很多蔥花😂而且不是單單灑在表面 反而是與蛋一起炒過的 所以每一口吃起來都很香 蔥的味道也很濃烈 (‼️不喜歡吃蔥的人 記得盡早揚聲‼️)👎🏻彈：叉燒是一大敗筆位 肉質普普通通 不算特別好吃🤷🏻‍♀️而且 甜豉油的份量不能由自己控制 為什麼😭😭💀-薑汁奶茶的確有加分 雖然外面天氣仍然很熱 但薑和熱飲的確是👧🏻👩🏻任何時候的恩物哈哈😋😂🙊鮮薑汁豬潤鮮雞湯通粉 配 吐司炒蛋($46)-湯底重豬潤味 豬潤煮得恰到好處 而且吃起來不會有渣😛雖然薑絲配豬潤是正常做法 用來辟走味道 但我還是比較喜歡半島冰室 有酒味的薑絲豬潤/鮮牛通粉!!!!

今日仔audition，要搬樂器，又車仔車老婆返學返工，突登經過謝斐道，竟然有錶位，仲要係尾位(易入)，有揸車嘅朋友當明白呢種"有運行"嘅感覺。呢條街嘅食店新陳代謝都幾快，見到間旺記喺正對面，以前唔覺喺度。雖然滿座，但我一條冷插針梗有位嘅。坐低攞起餐牌，好明顯老世係好俾心機仔細咁扭出嚟，"4.3牛奶炒日本進口滑蛋"，令我懷疑係老闆千金打骰。而多士採用麥飽，亦似是打高貴O L市場。我點了D餐：招牌沙爹牛肉雞湯公仔麵，配鮮牛油麥飽多士，4.3牛奶炒日本滑蛋，咖啡。上菜，沙爹係淡沙爹，唔會掩蓋牛肉味，咖啡係即磨咖啡，炒蛋果然滑，麥飽亦健康有質感。舖頭雖少，裝修整潔新穎。我會推薦俾老婆(高貴O L)嚟，至於我，應該就唔會番桌了。其實係好味嘅，純粹唔啱feel啫。我哋呢D佬，聽見"4.3牛奶炒日本滑蛋"呢D咁可愛嘅title，有D唔知點咁，而喺我心目中嘅心水沙爹牛肉，當然要係極濃味一大劈冚哂成碗麵嘅所有味度先為之正。而其實即磨咖啡我本來都Like，不過晨早矇矇鬆鬆，我會期望茶記D呷一啖會醒一醒嘅濃啡。Sorry，重覆一次，純粹唔啱feel啫，我覺佢行啱咗路，乾淨企理有禮健康，喺灣仔咁多寫字樓客肯

遲遲先出聲，黎個下午茶，星期日下晝4:40去到旺記坐低。聽聞旺記招牌菜係滑蛋叉燒飯⋯⋯可惜接近晚飯先黎到，又無叉蛋治烘底選擇，所以無叫到。炸脾係下午茶既不二之選，所以一份炸脾薯餅，一份滑蛋免治牛生菜花生醬治（下稱蛋牛治）。飲品選了淡茂茂既凍鴦同熱愛爾蘭咖啡。炸脾係用南乳醃製，炸得外脆內軟好juicy薯餅新鮮既製脆口好味，另外仲有醋沙律菜伴碟，幾好下午茶三文治款式全部都係用麥包烘底，感覺好似健康dd嘅。份蛋牛治材料配搭都好唔錯，滴住微微蛋汁夾埋爽囗生菜絲同穏約既花生醬撞埋嫩滑既牛肉，唔錯，仲好開胃！食完今次之後，對佢既叉蛋飯抱予期待

This is one of my favourite cha chaan teng. I am never a big fan of cha chaan teng because the food seems to be unhealthy, the environment is not relaxing, etc.But this one surprises me. The food quality is high. I had a simple beef sandwich with peanut butter, lettuce and egg. Egg is creamy and the peanut butter gives a little playfulness to the sandwich. I like it hot and fresh. It comes in a big portion and keeps a girl with small appetite full for a very long time. Coffee is not bad given th

之前係facebook見到呢間‘’零負評’‘既冰室，仲要見到好少可餐廳招牌菜係叉燒蛋飯, 覺得點都要尼試下，點知成餐飯都食到一肚氣原來佢11:30-14:30係繁忙時間，會限時，但只有30分鐘！好啦算啦佢白紙黑字寫到，我地入到去完全冇諗既時間就逼我地落單，有朋友想諗多陣個侍應就有說話 話「出面好多人等緊」佢早、午、下午茶既set都多選擇佢上菜速度係快既我地12:28落單 2分鐘唔洗就上哂食物午1 叉燒滑蛋飯配秘製甜豉油好食 個滑蛋同甜豉油好夾 夠送哂成個飯午5 特濃蕃茄湯午餐肉粒通粉 配鮮牛油麥包多士+4.6牛奶炒日本滑蛋雖然係好食，但係個侍應實在太煩，最尾係咁提住你「仲有5分鐘」「仲有3分鐘」人地澳牛都係行快食路線，但係唔需要對d客人咁地底泥，成餐同朋友都被煩到好大壓力，唔會有下次呢間

近排見好多food blogger介紹所以就去左試第一次1點左右到3-4人枱要等多過10張枱所以就放棄左今次2點先去終於唔洗排隊但舖頭都坐滿哂人Order左滑蛋叉燒飯加奶茶滑蛋真係勁好食好滑好香有種可以唔洗咬就滑落肚嘅感覺好好食叉燒係薄片半肥瘦雖然平時中音厚切瘦叉燒但薄片加埋蛋同飯一齊放落口就岩岩好啦奶茶普通餐廳廳水準試左朋友order嘅薑汁奶茶好濃薑味但真係要好中意薑味先好order唔係會頂唔順總括黎講3個人都係第一次黎試一致讚好個滑蛋下次可以試下其他set嘅炒滑蛋

見《飲食男女》Facebook 介紹呢間冰室！咁巴敝，落雨都咁多人排隊，仲要限時食30分鐘，見今日得閒，一於走去試下！1:33到達，見到人龍，剛叫1號籌入座，我是11號籌，12分鐘後就有位了，點了推介的叉燒滑蛋飯配鹹檸7（+$4），蛋很香很滑，叉燒唔肥唔瘦，豉油汁少鹹帶甜，份量足夠，難怪會咁多人幫襯啦！

今日專誠去左灣仔食滑蛋飯🍳🍚 一去到 門口已經非常多人🙈🙈 仲要以派籌形式🙈🙈 不過由於午餐時段 佢限制左每枱既用餐時間為3️⃣0️⃣分鐘，所以都唔算等左好耐就入座-1️⃣) 叉燒滑蛋飯🍳🍚2️⃣) 蝦仁滑蛋飯 🦐🍳🍚叉燒幾好，蝦都幾大隻🦐🦐 又彈牙喎🤤🤤🤤 蛋都香滑 配上佢地既甜豉油 送飯真心一流🤗🤗🤗🤗 而且我覺得佢地既飯量適中 我同隔離枱既纖瘦女孩都食得晒

第一次去旺記冰室，午市時間都排咗10分鐘。午餐個餐牌其實得幾款食物，選擇唔多，我同朋友分別點咗一個飯同一個通粉餐。叉燒滑蛋飯好好食！ 叉燒大大舊，肥瘦適中，蛋炒至半熟，見到蛋液嘅流動，非常嫩滑，甜豉油同香蔥很加分，會令人一口接一口咁食。麥包多士夠厚身，外脆內軟，如邊位都有牛油就更好。炒蛋加咗牛奶，好軟好滑。湯底用雞湯，加咗唔少薑絲，好大陣薑味豬膶睇落好乾身，但食落爽口。通粉極之彈牙，頗有驚喜。總括來講，無論係飯定係通粉都非常有水準，令人一試愛上。

灣仔係超級多又平又抵食嘅餐廳，而旺記就永遠都係我最喜歡嘅一間！星期六ot完就嚟到呢度食番個late lunch. 一如往常，叫左番茄濃湯麵配奶油豬跟hot lemon tea( $44+$5) 番茄湯偏酸，夾麵撈一齊食超級正！午餐肉大大粒，好有口感，大約有5粒咁，夠哂一日quota gah la!! 奶油豬有手掌咁大個，外脆內軟，牛油同媡奶份量啱啱好，唔會是但一個多左！而個蛋份量比較小，但好滑嘅。朋友跟厚多士，好香脆，夾蛋食一流！

早排同屋企人去美食博覽，去前當然要醫醫肚仔先啦，搵到係附近依間冰室，係門外望下餐牌，佢地既招牌滑蛋叉燒飯而被吸引入去，餐廳裝修簡潔，牆上都貼滿佢地既招牌食物相，即刻叫左佢地既熱賣自家製叉燒日本滑蛋飯餐廳所用既都係日本雞蛋，煮得好嫩滑軟熟，叉燒係瘦切薄片，配上秘製既甜頭油撈飯幾好味既，份量適中唔算大份，大食既我又點夠食另外再叫左份流心芝士麥包西多士，麥西多炸得微脆鬆軟，入面芝士份量幾足，襯熱食仲有芝士拉絲，味道唔錯又幾特別啊

這天平日下午難得有機會來到灣仔，事前已特地在Openrice上搜尋一些灣仔特式下午茶，結果給我發現這間有賣跟中環裕興大排檔很相似的花生醬三文治的旺記冰室。吃過裕興一次而對它念念不忘的我沒多想就決定要來這裡一試。星期五下午三時多來到，不用等位，但餐廳面積不大，整家店的十來張桌中有七八張已有客人。出發前已經做了功課的我沒多想就點了鮮免治牛肉 x 炒蛋 x 花生醬 x 生菜 的「三文治四重奏」，連一杯即磨咖啡作餐飲，下午茶價格不過$32，相當合理。咖啡最先來到，喝上去雖然不太像「即磨」，但也沒有茶記咖啡常有的酸澀味，對不是咖啡專家的我而言，已經足夠收貨。至於「三文治四重奏」，雖然餐牌上標明需時製作，但這天也許因為人流不算太多的關係，下單大約五六分鐘後三文治已經上桌。 三文治上桌時不算太熱，也許有部分材料不是即製的？第一口吃下感覺時非常足料，特別是牛肉和炒蛋，多得不停掉到碟上，令我吃得有些許狼狽（題外話：吃裕興的版本時我是吃得非常狼狽（笑））。但是我認為是重點的花生醬卻不知怎的下得有點吝嗇，味道完全被牛肉和炒蛋掩蓋，只在吃到麵包邊的時候才嚐得到一點花生醬味。從這點上來看，裕興的版本完勝。另一方

第一次打食評。。。。。因為餐廳真係太差。。。所以好想發表下重點評價是食物方面。2人去吃叫了一個三明治，一個茶餐奶茶: 好難飲 冇茶味 飲落口係苦！！！真心唔明點解一間冰室奶茶可以咁難飲。用黑白淡奶都可以咁難飲。午餐肉粒炸到乾晒再放湯比人食d午餐肉好似牛肉乾咁三文治叫飛邊唔記得飛，然後就話d麵包本身飛晒邊但係個茶餐d麵包係有邊囉拎胡椒粉就拎左樽鹽比人一定唔會再幫襯真心好差。。。。。雖然用左80幾蚊 但都覺得完全唔值