旺記冰室 (建利大廈)

营业中

休息中

師兄開當然支持，其實已經來了三次。知道要出灣仔，今早830未夠已到，羽量人龍。(Lunch至少排30分鐘。)滑蛋叉燒飯午餐當然出色，之前食早餐吃了咸牛治，大件又好食；畢竟是招牌。所以我今次想試非招牌菜，反而觸動我出post。自少喜歡五香肉丁，但不知為何，可能香港人愈來愈health conscious，愈來愈少茶餐室賣。賣的我都會試，伏多: 又乾又硬甚至凍。旺記的五香肉丁是”熟”而有少少肥的。不是什麼珍饈但我覺得吃到了小時候喜歡的肉丁！加上麵是湯而不是水，滑蛋繼續水準之作，加起來十分滿足。只好説，大佬請努力保持水準；同埋，旺記可否喺旺角開？

係門口等左10分鐘左右其實等位唔算耐但入面真係唔好坐 好多人 1️⃣叉燒滑蛋飯HKD$54半肥瘦叉燒 夠簿 唔韌蛋夠滑夠香 但可以生左小小甜豉油 飯粒粒分明 有口感.2️⃣奶油豬HKD$32夠脆 唔會太多焦奶油夠多 好食.3️⃣奶茶人人都話要飲下佢既奶茶所以我都飲下我唔飲開茶餐廳奶茶但佢奶味好香茶味重.————————————————種類唔算多 但叉燒滑蛋飯可以特登過黎食唔好既係有人等位 所以只可以食30分鐘有小小太快

之前Facebook 有介紹既滑蛋叉燒飯，今日有幸一嘗。賣相係幾吸引既😂 叉燒份量都幾蛋，即叫即整，又熱。叉燒唔係半肥瘦而是接近冇咩肥既！呢樣要讚一讚🤣但係d飯有少少生生地，好似未煲熟甘🤢54元再配野飲。我地12:30到等都等左9張，但都快既等左15分鐘。灣仔中午食飯都好似打仗甘一位難求。過度期望會有少少失望，當正常常餐就中高水準！

聽人講食物不錯，趁lunch同同事一齊試下，已經一早拎左飛，等左10分鐘，終於有位，諗住可以試，點知原來係一張2人台（我地總共4人）加多張摺既台，但位置係角落位，角落到係你要靠住店鋪裝滿東西既鐵架坐，所以我地話想轉位或再等一等，但店鋪職員好大聲咁呼喝（我地咁覺得）「無呀，無晒位，個個都等緊，再等都無位！」好！我地走！就算再好食既食物，服務員咁真係嚇怕！

去會展中心，本來想去吃華嫂，結果走到一半看到這個，想想要麼就吃這個吧，比較方便，於是就停下來吃，點了烘底五香肉丁蛋質，味道還可以，就是肉丁少了點，檸檬茶也還行，隨便吃吃便宜的！

次次經過灣仔記冰室都一定會好多人排隊，無論係堂食定外賣，都會好多人等緊。難等今日11點幾未算今流高鋒，唔駛排隊，決定試一試。鋪頭唔算大間，入面既座位其實有d窄食物款式唔會好多選擇，所以岩哂有選擇困難症既人。知道呢度出名滑蛋飯，所以我叫個自家製叉燒滑蛋飯食。問心個飯其實係好普通，但叉燒炒蛋非常之大塊，成碟飯都比佢遮住😱但叉燒好軟腍，加入左小小蔥，成落好香。成碟飯最精選既應該係鼓油，鼓油唔會覺得鹹，用黎撈飯食就岩哂👍🏾👍🏾

灣仔既打工仔應該對呢間茶記一D都唔會陌生！傳說中嘅旺記，lunch hour永遠都超多人排隊，今次派左朋友早D拎籌，終於趕到系lunch hour試到佢！完全冇令我失望！係一間好高質嘅茶記！-午5 特濃蕃茄湯 午餐肉粒 通粉＋牛油包多士＋炒滑蛋($48)$50 都唔洗，就有個足料茶餐，午餐肉粒煎到極之香脆，蕃茄湯亦極足料！牛油包多士係有俾心機烘唔係薄EE果D。仲有！炒滑蛋真係非常之出色，又滑又重牛奶味～食完呢個lunch真係made my day ar~-呢到仲有個招牌菜叉燒滑蛋飯，有機會要再試。建議非打工仔可以揀非平日嘅時間來試，咁就唔洗等咁耐啦。

平時lunchtime經過一定大排長龍，今次下午茶時間去到，全場坐滿但係都唔洗點等位就入得，既然唔洗等位，就一於去試下點解佢咁多人食～-我地咁遲去都好好彩仲有得嗌佢個皇牌，滑蛋叉燒飯。-滑蛋叉燒飯配秘製甜豉油　$54其實只係一個好普通嘅滑蛋叉燒飯，滑蛋選用優質日本雞蛋，好滑溜，但係叉燒我覺得有點兒瘦同乾，但係我覺得個重點其實係個甜豉油，用黎撈飯一流，平日細食既我都可以食得哂成碟飯！-環境略嫌太迫，座位都好窄，不過環境尚算企理。整體黎講，自己認為叫做唔錯啦，但如果要排隊食既話，灣仔都仲有好多其他選擇～

每次午餐都見到勁多人排隊，感覺要午餐食到真係好難。亦因為咁所以我想知點解咁多人排隊，於是就約同事去試一試佢。呢日落好大雨，諗住冇乜人，點知都係咁多人😓。我地在雨中等待了30分鐘，終於可以入去😭。我地都一致叫左薑汁豬潤雞湯通粉+奶油豬，見佢有👍🏻，所以我地都叫左。坐低一陣就上台了，上得好快😊。個湯幾清薑味🤣，都幾好味。平時唔太鍾意食通粉既我都差唔多食晒，豬潤就唔夠淋。而唔多飲咖啡既我聽講呢度既咖啡幾好味，所以都叫左來試，真係幾滑，幾好飲。對我來講重點係奶油豬，好脆，好味，想再食。

小編🈶️幾愛呢間嘢大家睇返我之前d食評都略知一二、雖然之前有次試過打電話去嗌午餐，條佬態度極度差仲要cut我線but算數，我大人有大量唔同佢計不過以後都唔會打去嗌外賣皆因🈶️陰影好啦講返正題、今日小編又要一早返u做功課，ｏ係我開始搏殺之前當然要黎個full breakfast啦否則真係唔夠energy搞掂份assignment今日去到等左一陣，好彩一個人好易有位，其實單身一個更開心囉例牌d餐沙爹牛麵走包，轉一丁原味上菜速度一向有保證，前後唔駛10分鐘搞掂、今日既沙爹牛麵極度有誠意、小編真心感動鍾意食到濃味原味一丁啦！次次都係一丁原味但感覺d味粉係沖左十幾碗ｏ個d feel囉！今日真係有起碼半包味粉比我囉，我呢d濃味怪真係食🉐️好開心呀！炒蛋唔洗講啦 ，一向都係咁正，但今日碗沙爹牛麵值得小編我再長氣寫多次食評呢間嘢有幾正！心情都寧捨不同呀！

難得早收工，又肚餓，想搵下下午茶食🤭醒起已經好耐冇去旺記冰室食(從未試過佢個下午茶😂)，咁咪去下！本身想食佢個滑蛋叉燒飯(好味！👍🏻)，但見到佢有個三文治勁吸引，入面有花生醬、生菜、滑蛋，仲有一款配料(有午餐肉、咸牛肉等揀選)，我就揀咗午餐肉！嚟到，花生醬香味撲鼻！仲有係超足料！！個三文治勁厚！😍😍😍食落有濃濃嘅花生醬味，但又唔會搶去蛋同午餐肉嘅味道！👍🏻👍🏻👍🏻2方面有一個好好嘅平衡！估唔到味道好夾😝(我仲停留係花生醬要配果jam嘅配搭😂)重點係平時如果係出面嘅餐蛋治會好油！但𠵱份係冇依個問題嘅！另外，我之前每次嚟都會叫佢嘅熱咖啡！因為我鍾意佢嘅味道，唔苦，又夠多奶😄😄不過飲完係溜少少🤣🤣

旺記皇牌 - 滑蛋蝦仁叉燒飯經過灣仔 記得有朋友介紹旺記所以專登行過去試下我就叫咗佢哋最多人叫嘅 當時佢已經係 兩三點鐘但係都係全場坐滿....其實佢真係一個好普通嘅叉燒滑蛋飯但係佢三樣嘢配合起嚟嘅時候 真係好好味其實你認真食 你會發現佢嘅 豉油係甜豉油佢嘅滑蛋係非常之滑溜蝦仁係爽口嘅至於個叉燒係唔太乾又唔太肥重點係加咗幾粒蔥花加起上嚟個配搭非常之好雖然好簡單一個平時周街都食到嘅飯但佢哋的確用心嘅只佢哋杯奶茶我就覺得 茶味未夠濃郁如果加埋杯濃郁奶茶咁就無敵啦價錢我記得成個餐係大概50至$60左右旺記冰室 (灣仔)灣仔謝斐道142號建利大廈地舖旺記冰室

好耐都冇出過銅鑼灣行街啦，見今日難得放假咪出去行下囉，順便買下衫，但朋友突然話有事提早走左，結果我一個人行吓行吓就行到灣仔，見又有D肚餓，咁我就去咗食下午茶，順便又坐下。經過灣仔謝斐道嘅旺記冰室，睇個名吾知以為係旺角嘅冰室😅我睇左餐牌一陣，就叫左一個下午茶B餐鮮忌廉雞湯鮑魚火腿絲通粉（$38），配鮮牛油麥包厚多士，仲有牛奶炒日式滑蛋，下午茶餐奉送飲品，就叫左個熱奶茶，全部新鮮即做，熱辣辣，D蛋又滑，好好食。

到灣仔做嘢，好多時會去電車路個邊食嘢，其實駱克道個邊個幾條街都有唔少餐廳，咁就上openrice睇下有咩食，見呢間個滑蛋好正就決定你你啦！去到門口發現好多人，但原來有一半係係到等外賣，好彩啫。仲係到煩緊食滑蛋跟叉燒定蝦仁好，原來佢有雙拼啱晒我呢啲一次過想試晒佢啲招牌嘅心態。叫咗無兩分鐘就有得食非常有效率。望落就流口水，又有蝦仁又有叉燒，我唔客氣啦！查實食落就普通嘅，可能我expect佢會有滑蛋蝦仁個種甜蛋味，但食落又無，而叉燒係偏瘦嘅，味道還好。

午餐時間去到呢間超人氣午飯之選嘅冰室，就算係過咗1點至2點呢段午飯時間，3點後呢間冰室都係坐無虛席，雖然坐位比較擠迫，但係都無損食客嘅心情，餐牌款式貴精不貴多，主要有特濃蕃茄湯午餐肉粒通粉、鮮忌廉雞湯鮑魚火腿絲通粉、招牌沙爹牛肉雞湯公仔麵、鮮薑汁豬潤鮮雞湯通粉，粉麵飯都有餐，非常抵食，每款都非常吸引，不過第一次試，當然要試下每枱客都會嗌佢哋嘅招牌《自家製叉燒日式滑蛋飯》，滑蛋選用優質日本雞蛋，滑蛋香味十足份量都好足，仲有佢地嘅自家製叉燒，肉質鬆軟，真係好好味！呢間係灣仔區放飯推介。