旺角咖喱大皇 (已結業)

見d食評幾好，所以走去試下。叫0左個二人餐館$148，咖喱角好味，椰汁咖喱雞同咖喱肥牛肉都唔錯，有飯又有薄餅，價錢合理。再加0左個咖喱薯仔蛋，仲以為係薯蓉波，點知真係薯仔同煎蛋，不過都好味。個甜品就差d，椰汁西米露，唔凍又唔熱，又冇乜椰味。最抵讚係佢既服務，雖然全部侍應都係中年男人，但個個都勁好禮貌，多謝前多謝後，仲會好有耐心咁介紹食物，今時今日咁既服務態度真係好難得。

去過好多次,每一次都食得好滿意,猶其服務好到出汁~~

老細好有禮貌環境好.食物好.第一次去叫左個二人餐.碟飯好大碟兩個人食一碟都夠食.甜品西米羔好味.不過如果雪凍少少會仲好食.下次會再試.

亞龍咖哩太強,小妹抵不了.你喜歡吃咖哩嗎?如果你像小妹抵不了,可以試一下旺角豉油街間咖哩大王,果度有紅,白,綠,黃...等咖哩,好香咖哩味道.不過,記得叫野飲,因為佢地只會俾水喉水你飲(當然有filter 過啦).

今晚同媽咪去咗 呢度食野,記得食評都話唔錯,所以咪試下...我地叫咗 串燒牛肉,白咖哩什菜,薄餅再加杯特飲..什菜同串燒好味,不過薄餅就冇蕉葉屋咁正..and D service 過份地好.有d唔知點.整體唔錯but 希望大家唔好叫特飲..唔抵.

Exceptional service + good food, 唔怪得有讚無彈, 雖然我只食左牛尾同snake plate, 兩樣都領我非常滿意,very good, waiter 自動自覺, 醒目. 今時今日既服務態度, 多年後都可以用來借鏡。

The quality of food is high. Service is very good: the waiters are very polite. The unique drawback is that the seats are quite close to each other.

呢間都算係食咖喱既好地方, 好多不同味道既咖喱, 我就唔算太食得辣, 就揀左有(1隻辣椒標記)咖喱, 咖喱海鮮大會, 唔會太辣兼且D汁很香濃, 可配飯或薄餅...飯很大碟2個人分都夠食, 在叫左個冬陰公湯....就覺得辣左DD...但還可以...很足料, "馬拉盞炒雜菜".....呢個就唔辣...大碟...好味..沙嗲就一般啦....其他我見還有很多款地道咖喱但可惜已夠吃...未有再叫菜...下次再經過要試下其他款...^^...價錢ok....但就最唔喜歡它的坐位....太逼...背貼背...坐得唔舒服囉.....其餘就ok...^^

尖沙咀間唔多好食0架,仲有時搵人笨添,同旺角呢間一D都唔同.呢度除0左之前講過0既西冷紅牛肉外,勿士拿度魚同黑咖喱羊都好正,去試0下啦~~

我去o既係尖沙咀分店無想像中好,我不嬲都鍾意食咖哩O既野,都食過幾類咖哩,不過依間唔係真係好好喎...唔係真係咁香咁好食,一般唧...個串燒D肉就真係唔錯(不見天肉) ..但係個冬陰公太酸喇(我已經係成得酸既人)佢無左冬陰公O個隻酸辣平均既味..睇落幾多料幾濃,可惜個味唔得...仲有o既就係無左印度o既烤餅...得個油酥餅去點汁食...有d失望...總結:食咖哩唔會揀依間,其他野都ok..p.s 唔好坐唔好卡位勁凍!!!

老闆將唔同國家的o架o厘放o向同一間鋪，等人可以試下唔同國家的o架o厘有咩分別，有計。樣樣食物水準都唔錯，但係最正反而係抄雜菜，夠獲氣，食得辣野多食就正，中和番。

D香料好香,同埋有不同的選擇,座位冷氣都算舒適,不俗不俗.

佢D咖喱唔算辣,送飯好正,服務OK啦! 係旺角,都算係一個好好的選擇.

O 的咖喱幾掂O 架，又夠份量，抵到爛。試過一個紅咖喱牛肉，好稔好香好入味，配薄餅最好！

the curry is excellent , and it is good becos there are many choices for the customers , suitable for people who are chili lover and also suitable for people who cannot eat too spice ..