旺角冰室 (已結業)

其實我都幾鐘意食茶記～.三文治唔錯，一上枱就聞到好香黑松露味。蛋都算厚同滑。$34有包野飲都幾算抵食。.芝士魚柳塊魚柳好大塊，炸粉唔會太厚。可惜芝士比想像中少，亦冇流心效果，芝士味都冇乜😭如果唔點咖哩汁，可以話冇味😣咖哩不過不失。.同行友人食焗飯。焗飯嘅白汁反而整體偏鹹。芝士有拉絲，焗飯上嘅芝士味道比芝士魚柳嘅芝士濃。.第一次飲谷咕！店員話係偏苦既朱古力，所以冇乜甜味。呢款飲品比較少見，所以諗住試下。飲落真係幾濃同香，不過之後都係忍唔住落返少少糖🤭🤣.呢間冰室座位幾闊，坐得舒服，不過有時唔知點解有好多嘢飛嚟飛去😅

放工約了老公去花墟買花，順便行金魚街，經過「旺角冰室」，食了個簡單快捷的晚餐。不知為何，很多茶餐廳都改了叫「冰室」。這是潮流嗎？紐西蘭肉眼扒配黑椒汁和薯條$98鐵板燒到很熱辣辣，淋上黑椒汁時發出「沙沙聲」，肉眼扒很厚，大概七成熟，肉裏面還帶有血紅色，在鐵板上再燒一陣就剛剛好了。焗厚切豬扒飯$57芝士、茄醬和豬扒份量都很多，底下是蛋炒飯，最喜歡面頭那層微焦的芝士醬，混合炒飯食就最正。脆炸雞翼3隻$22脆卜卜的外皮下是軟腍腍的雞肉，雞翼的味道調得剛好。我叫了杯熱檸黑糖薑母蜜，餐廳落重料，有3大片檸檬，薑母蜜很濃，飲了一半後再加一杯水還是很夠味。

說到在冰室吃東西小吃類的大家都知道要吃什麼今次我吃晚餐自不然就少了很多小吃類的選擇但我一定會選的是鐵板牛扒紐西蘭肉眼扒我個人來說很喜歡吃港式的牛扒，在鐵板上熱辣辣的上台，不但滿足了視覺和嗅覺之外，可以慢慢的品嘗牛扒而又不會因為吃得太慢，牛扒會快速變冷我點的牛扒是七成熟，淋上的是黑椒汁，不得不說這個配搭真的是我最愛薯條在鐵板上也被燒成了脆皮的很香脆, 完全不用再點茄汁脆炸雞翼叫了這個脆炸雞翼來吃炸類的食物一般在冰室都不會中伏, 可以放心點果然沒令我失望!! 脆口非常, 而且是即點即炸的, 味道和口感都是一級捧!!

這家餐廳很有港式的味道打卡食飯都很一流和牛漢堡咖哩焗飯看到菜單上說是重點推薦這個算是這家店的重點必點晚餐吧！焗飯必須是新鮮即焗的最好味焗飯表面已有厚厚的咖哩裡面就是一片大大片的的和牛漢堡和牛漢堡不但是肉厚, 而且味道亦是一流濃郁的和牛香味 而且很大的一片 真的是不是蓋的!!雪山粒粒法蘭西多士來冰室怎麼可以不吃西多士這個西多士的名字有夠搞笑的但味道真的不是蓋的先不說健不健康!! 但是就是爽的口感正宗的港式西多士配上了糖漿 完全是我的菜100分的好味道

昨晚朋友約我今晚去食晚餐，當晚下著大雨，我們在太子站出來就去左附近的餐廳，步行約3至4分鐘就到(旺角冰室)都很近太子地鐵站，我們入去侍應生就安排卡位給我們，她非常有禮貌地給我餐牌，我們叫左個鐵板餐：厚切豬扒珍寶腸(意粉)配燒汁 $78，可選擇：意粉 、薯菜、飯。也可配燒汁或黑椒汁， 豬扒很厚身又不韌啖啖肉，珍寶腸皮脆肉香，意粉爽滑不會太硬和太腍，煮得剛剛好。燒汁比較淡口不太咸。加杯熱檸水消化下真好。仲叫左個自家製叉燒煎蛋紅米飯 $47，可選擇白米和意粉，叉燒比較瘦不肥，須然瘦但不鞋，蛋好滑有蛋黃汁流出來，用來撈飯再加一些甜豉油，簡直食回細個阿媽煮的味道，再飲啖熱檸水很舒服，加杯熱檸水 $6。跟著叫侍應生起個雪糕窩夫 $32，雪糕比較實，窩夫暖暖地和鬆軟，把雪糕放在窩夫上就比較容易溶化，味道相當唔錯，飯後總是要叫個甜品才滿足，同朋友傾左一陣就走人，好彩雨已停了。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

食左個假既焗豬.....是碟頭飯轉左落焗盤上菜，一點都不熱，只是暖暖地，同埋有大量茄汁，食茄汁多過食飯。同桌幾位朋友分別食唔同食物，例如意粉、叉燒飯等等，都表示難食，價錢又唔平，以後不會再光顧。

今晚落雨天☔️，約左人係太子交收順便同友人係附近食番個dinner! 一出站見到附近有間冰室就行左入去坐啦，店員安排左卡位比我地！等地睇完menu就叫左：鐵板餐香草無骨燒春雞配薯菜 $88黑椒汁、凍谷咕另加$3: 要好小心食唔好掂到個鐵板超熱的，倒左黑椒汁係主菜上面發生乍乍聲好過癮，燒春雞起晒骨啖啖肉好滋味，雞肉都嫩滑，配埋薯條加菜份量岩岩好。而凍谷咕第一次飲，好少餐廳可以飲到，好pure既純黑朱古力味道，少少苦但可接受！和牛漢堡咖哩焗飯 $62配熱谷咕：新鮮滾熱辣岩岩焗起，芝士絲可以拉到好長，香噴噴既咖哩味撲鼻，一d都唔會辣，個漢堡扒都好腍身，跟飯一齊食一流！雪山粒粒法蘭西多士 $30: 即叫即整，熱辣辣送上，厚切大大粒既西多士上舖滿白色既糖粉，因都有少少甜味，可以不用落糖漿，包內仲夾左少少溶左既牛油，十分鬆軟香口！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

Happy Friday同男朋友行吓花園街，行到肚仔餓見到一間小小冰室，一於試試。看到桌面的花碌碌圖案，掛牆風扇，感覺到一點點的懷舊色彩。我同男友分別叫咗鐵板香草無⻣春雞，同和牛漢堡咖喱焗飯。（原本男友想叫豬扒，因為見到超厚切，不過我想食牛，比我改咗）先講鐵板餐，熱辣辣上枱，春雞表皮少少燶，好靚仔，配上黑椒汁簡直絕配。雞肉嫩滑，食到一半雞都仲係有煙出，正正！跟著個焗飯更加不得了，一睇就知勁多芝士，有埋拉絲效果而且仲好香添。漢堡扒大大塊又好厚，咖喱汁應該是日式的，唔太辣，好好味，真係無得輸！飲品要咗熱杏霜養養顏，及加錢要杯雜果賓治。賓治一飲真係透心涼兩杯甜度剛好，好味又鐵板又焗飯，最後每人八十蚊左右，都算抵食。直到出門口，男友都話想下次食埋厚豬扒，都知佢都好滿意呢間冰室。睇黎好快又會再幫襯啦！

懷舊真的令人回味，在旺角水渠街附近，見到間主打香港懷舊色彩 的旺角冰室，同朋友二話不說，就去左哩間作為我們的食飯地了~~入到去，見到枱面是比較有時尚感的圖案，另外坐位比較闊，我同朋友各自點了咖喱流心芝士魚柳飯，同埋和牛漢堡咖哩飯，另外點了凍飲，最尾叫埋他們出名的雪山粒粒法蘭西多士，咖喱流心芝士魚柳飯:一上枱見到長長的魚柳，真的感覺好抵食~~魚柳之中仲有流心芝士，食食下，流心的芝士出緊來，加上剛剛炸好的魚柳，真的雙重享受~~同埋他的咖喱是類以日式咖喱，不太辛辣，小朋友都可以食到，建議可以多少少咖喱汁，咁就會食得更入味~~和牛漢堡咖哩飯，朋友說和牛漢堡食落有少少JUICY，同埋芝士都好足~可以做到拉絲的效果~~凍飲方面不過不失，接住就是我們的甜品，雪山粒粒法蘭西多士出場了，SIZE方面是正方形，加埋糖漿，真的最高的享受，食下時，入面是鬆軟，有埋類似少少蛋漿在入面，哩個甜品真的好邪惡~~食左咁多野，都是200蚊有找，仲可以坐耐少少，食物質素唔錯~下次再來嘗試下他的茶餐先~~

因為搬出了市區， 所以最近都經常會同媽咪去花墟逛， 想物色一些小植物放在浴室點綴。今日下午又同媽咪過來逛， 天氣太熱，行左一陣就已經汗流夾背。於是就在附近找了間冰室，諗住飲杯野降溫，順便吃個下午茶☺️。雖然冰室有serve下午茶餐， 但我地相中嘅竟然都係正常menu嘅野😅。我地點左個咖哩蔬菜芝士煎飯、雪山粒粒法蘭西多士、同一個屬於茶餐嘅义燒煎蛋菠蘿包☺️。飲品我就要左抹茶紅豆冰😜。兩個人食好似有啲多， 不過我地諗住今晚skip一餐嘛。估唔到第一道上枱嘅食物竟然係個煎飯喎。煎飯用好乾身，有濃濃嘅咖哩味，而且啖啖都食到芝士，好香口， 由於佢係素食，所以唔會覺得好滯。媽咪就好鍾意個雪山粒粒法蘭西多士， 首先i成座山咁嘅造型就已經好殺食， 澆上好多好多糖醬超好味😋。西多士嘅麵包鬆軟得嚟有質感，好新鮮，媽咪仲話如果裡面加花生醬就更perfect喇。相比之下义燒蛋菠蘿包就反而變得普通，幸好义燒好腍軟，煎蛋是半熟蛋，流黃好正。個西多士配埋我杯抹茶紅豆冰真係好得，抹茶夠濃味，而紅豆底腍得嚟仲保留到粒粒有咬口。抖一抖感覺又可以去逛多陣街先返屋企了😁。

又一間懷舊主題服務： 有兩個人，救命呀有一個係發緊夢的，另一個正常環境：算乾淨 坐得舒服食物：唔知點解咁多人讚，和牛漢堡咖哩飯一般，但仲吉列豬扒幾厚幾好味價錢：都正常，唔叫抵食如果下次諗唔到食咩，可能會去

是日返夜開工前黎太子幫朋友買啲野🙈搞掂正值放飯時間🍴還掂要早餐都未食一於黎食下茶餐醫下肚先🤪位於太子水渠道既旺角冰室🤤🍴由太子站B2出口行過黎都十分方便😆呢度簡約既環境裝修☺️老香港特式既餐牌設計☺️以及一張張懷舊風格既餐枱☺️亦盡顯香港地道傳統特式😆自家製叉燒煎蛋飯呢個自家製款式雖然有啲似黯然銷魂飯既化身🤪🍛但全瘦叉燒味道口感亦較乾身遜色🙇🏻‍♂️如果半肥瘦添加油脂則更佳☺️而太陽雙蛋亦煎得靚仔唔燶邊😋🍳整體上還可以接受的🙈凍齋啡小弟因最近腸胃麻麻所以要戒奶🙉但走左甜飲落亦有帶出濃郁咖啡香😋

去到旺角又點可以唔食旺角冰室呢？今日行行下街，去到太子嘅時候見到有旺角冰室，就打算入去食一個晚飯啦。一見到有港式茶餐廳必備的招牌，叉燒煎蛋飯，就忍唔住叫咗，但係就想試配意粉嘅！另外仲帶咗一個洋蔥汁燒春雞配薯菜嘅鐵板餐。鐵板餐嘅嘢飲就梗係唔少得凍檸樂，另外就要左個熱檸檬煲薑可樂，想醫一下未好的感冒。叉燒煎蛋意粉一啲都唔頹，一共有兩隻煎蛋同埋10幾塊叉燒，食到好飽。另外燒春雞就真係原隻雞咁上，唔係一般茶餐廳嘅貨色㗎，另外仲好有港式風味，唔想食茶餐廳咁頹又唔想食西餐旺角冰室就啱晒。

夜晚九點幾，喺太子附近唔知食乜好，見呢間旺角冰室裝修幾靚，就把握最後一刻入去試下。無錯，冰室收十點，我地九點幾去都差唔多last order，太子黎講都算收得早餐廳選擇都幾多，都係啲茶餐廳菜式我一向覺得鐵板牛扒係香港茶餐廳一大特色，呢度賣$98, 今時今日黎講都唔算好貴呢個價錢都冇乜好大期望，但點知嚟到又有啲驚喜。麗都鐵板唔係好熱，所以淋汁落去冇炸一聲嘅效果，但係塊牛扒嘅size都算幾大，切開仲會有肉汁流出嚟，而且肉味都算濃，喺茶餐廳或者冰室嚟計都算係好高質。另外意粉又係有驚喜，一般茶餐廳或者冰室啲意粉都係煮到淋晒、發晒脹咁，好似咁樣先係香港特色嘅意粉😂，但係呢度嘅意粉就保持返比較乾身，而且仲有少少彈牙嘅感覺，淋汁落去食都算啱啱好，幾唔錯！朋友就叫咗一個咖喱漢堡扒飯，聞落個咖喱味都幾香。對我來講，呢杯特飲就有少少失望啦。我叫咗一杯芒果沙冰，問店員可唔可以少甜，佢就話已經打好晒所以冇得揀甜度，但因為我自己真係唔太鍾意飲好甜嘅嘢，所以呢杯沙冰我就真係飲咗一半就飲唔落。

今天一大清早想吃個港式早餐，太子附近有很多選擇，今天作新嘗試去了這間旺角冰室。冰室的裝飾有點懷舊風，整潔，叫了一個經典早餐，雪菜肉絲米粉配牛乳炒蛋多士，送一杯熱檸茶 （$34）。牛乳炒蛋.多士：牛乳炒蛋雖然外貌不錯，但是吃下去不夠嫩滑，有點太實，沒有牛乳的味道，唔夠味，有點兒失望。多士有烘過的一邊不夠脆，麵包又不夠軟熟。雪菜肉絲米粉：米粉還算可以，軟硬度適中，湯底味道不錯。熱檸檬茶：熱檸茶個茶底有種難以形容的怪味,喝不下去。整體而言，早餐價錢合理，服務不錯，可惜早餐質素略為令人失望。