旺盛麵店

营业中

休息中

石塘咀電車路新開嘅粉麵店，我今個月食咗兩次，第一次叫咗崩沙腩雲吞河，崩沙腩份量都幾多，少肥，幾好食，如果再腍啲會更加好。雲吞都好好味，皮簿，好足料。河粉係幼身，口感滑溜。加$10有一碟細嘅腐乳通菜，加$5有豆漿，豆漿唔會好甜，幾好飲。第二次試咗佢嘅扎肉雲吞魚麵，魚麵係好似魚蛋咁彈牙爽口，同以前食過嘅魚麵完全唔一樣。今次都嗌咗雲吞因為覺得佢嘅雲吞真係好食。店入邊嘅店員姐姐幾好禮貌，環境以粉麵店嚟講算乾淨企理。食物價錢合理，會再幫襯。