旺泰特食

营业中

休息中

大伙兒午餐揀咗旺泰，因為好多人可以叫好多餸，其中一味係大家嘅推介，雞飯。份量比較少，不過雞嘅比例好高，而雞肉好滑，而飯唔會太油同太乾。併盤之中，串燒雞係最正。生蝦就一般，感覺好似未完全溶雪，有一陣雪味。泰式酸辣無骨鳳爪就好新鮮，好juicy，只係隻數太少。Phad Thai同菠蘿炒飯，兩者嘅份量都好大，不過無乜驚喜。咖哩青口啲醬汁好有椰香味，不過青口就唔係好新鮮。值得一提嘅係雪到好冰凍嘅椰青，好鮮甜好解渴。

今日去西貢行山出發前打算起西貢碼頭食完午餐先起行朋友話佢次次去西貢都一定會食旺泰話佢個冬陰公湯同埋海南雞飯夠哂正餐廳起7-11旁既巷仔如果唔係朋友帶我去都應該唔會搵到去到既時候12點幾未算好多人 唔洗等位廢事食太飽叫左個冬陰公豬勁肉湯河$48一上枱飲左啖湯發現有少少酸辣食落好開胃同出面餐廳食既冬陰公完全唔同食完早餐冇幾耐都可以自己食哂一大碗證明佢真係好好食！！下次再黎西貢一定會再去食要試下佢個海南雞飯同其他小菜

難得入到西貢，無去食海鮮～哈哈 因為海鮮大餐小妹覺得已變得不太抵，所以搜尋下小街內的餐廳，睇下會唔會搵到好野食～見到呢間泰國店好似好唔錯，就入去試下。由於當日大半日落雨，沒有太多人，店內只得幾枱客，所以上菜速度都算快。今次叫了，泰式凍蝦，海南雞飯同馬拉盞炒介籣凍蝦有用冰放底而且肉質爽口，感覺新鮮～小妹都比較少食泰式蝦，因為怕會唔新鮮，好彩食左幾日都無事～海南雞飯，雞量還好但雞味唔太濃。另外飯質雖然有黃油但偏乾，如果飯能夠淋多少少會更好：) 個醬辣辣地幾開胃又好送飯最後，馬拉盞炒仲籣沒有太大驚喜，但若果能夠濃味一點會更加吸引。小街內有好多其他餐館，下次再有機會到西貢會試下其他野！

除茶記以外，這家算西貢市中心內比較便宜的餐廳。坦白說，這家餐廳環境感覺不太好，位置就在小巷內，門面也不太顯眼。這次光顧，因為人太多了，被安排在小巷裡用餐。 天氣既熱又沒空調，只有一兩台牆上的風扇吹吹。反正只有一個人，就隨便吃了一個招牌海南雞飯，點了才五六分鐘便到了。招牌海南雞飯 （$45）雖然賣相真的很一般，但美道還是不錯的。 油飯很易入口，不會過膩。 而雞肉很甜很鮮嫩，沒有肥膏。配湯竟然是我把飯吃光才送過來，以為跟別家的湯一樣都是味精湯，結果是蘿蔔湯，丁點味精都沒有，而且蘿蔔也頗大一塊。整體評價：環境：5.5衛生：6賣相：5味道：8價格：8

今日去西貢允食，朋友介紹下去試泰菜😊環境一般，夏天去就唔好坐走廊位，因為實在太熱，好彩比我地等到坐裡面，雖然冷氣都未必好夠，但好過坐出面一行四人，叫左6樣野，加左一個椰青，3支泰beer (1) 豬牛雞串燒整體燒得香，嫩，沙嗲汁好味，但有少少稀，今晚個豬比較好食，有d爽口，雞正常，牛都好嫩！但個人喜歡九龍城金泰既串燒，特別係個汁，特別惹味！(2) 蝦醬炒飯蝦醬好香，但食落口無特別，唔算喊，有幾片薰臘腸，不過不失(3) 燒豬頸肉唔夠炭燒味，切得薄左少少，但肉嫩，合格！(4) 庶蝦好香脆，好似用左麵包糠炸，薄薄香脆蝦膠痴住支庶，不算有好濃蝦膠味，值得讚係支庶好甜，有好多汁，無炸乾(5)蝦沙律都幾辣，但好開胃，別以為沙律一定會有菜，真係無咩菜，得洋蔥同好多香料撈蝦就上碟，蝦幾爽(6) 脆肉飯肉係脆既，香口，不過易散，淡少少，份量ok,配上油飯,都不錯整體份量不算大，都算係一間不錯的泰菜，service都幾好，全部泰國人，d姨姨好nice !

去西貢郊遊之前，要先食飽飽，呢間泰國菜喺的士站附近，超方便的。行到入黎見隔離間車仔麵大排長龍，好奇係咪咁好食，但睇食評網劣評如潮，仲咁多人食嘅？羊群效應？講返呢間泰菜，個格局好地道咁，招呼都唔錯，係嘢食貴左少少，可能算遊客區，無法啦。椰子冰$26 好濃的椰子汁味，似泰國飲到嘅味道。西瓜沙冰$29 天時暑熱，好解渴消暑，西瓜味天然，似真係西瓜汁。脆肉 豬肉丸 清湯河$42 好快黎到嘅湯河，河粉煮得偏硬，個人唔太鍾意，個湯幾好味，肉丸爽口，脆肉似我地嘅燒肉，較咸。濕炒海鮮河$63 要等一啲時間先到，細細個炒河，咁就要六十幾？不過又幾足料嘅，好多菜，菜莖仲要削過，有心機，海鮮有蝦、青口、魷魚，意想唔到嘅新鮮，可能近海關係拎海鮮方便掛，個汁就多左少少同咸左少少。

我從來都唔會行山，今日被逼行左轉，鹽田仔→橋咀→廈門灣。 行完，我對腳簡直唔見左，又勁口渴。 行完玩下水之後都3點半，坐返船陽去都4點幾。朋友們話不如食晏食泰國野。 間野係位於行仔的，兩間細細間，逼逼夾夾。 我點左西瓜沙冰，佢似係真西瓜打碎已成，唔係落“葯水”，一啲都唔假。啲生果同啲冰混和一起，唔會飲飲吓上冰下水咁。用友亦謝佢既菠蘿冰一絕，唔係罐頭菠蘿，十分滿足！ 我點左海南雞飯， 海南雞好鮮嫩，屬於無骨的，肉唔肥個有油香。飯軟硬適中，食時聞到陣陣香茅味同少少雞香味，飯亦夠濕，唔洗落佢啲汁都得。 係！係好味嘅，但就有少許貴，當然明白材實料有代價，不過如坐得好少少咁多，唔洗一餐借十幾次位俾職員拎筷子俾其他客人就perfect了😋

入到黎西貢梗係要搵下啲好嘢食啦今日同班frds都突然好想食泰國嘢跟住就見到呢間好多人嘅泰國餐廳la!!呢個泰式雞飯好正呀！佢嘅油飯會太油而且雞肉亦都好瘦食泰國嘢點少得生蝦？一碟真係唔夠喉架仲有呢個小食拼盤串燒蝦餅樣樣齊樣樣都係熱辣辣食咁多肉一定要一碟菜中和下啦脆豬肉炒通菜好惹味啊食完好飽真係好滿足呀!!

原本每次到西貢食泰國野都會去呢間，點知今次質素大跌！早前有朋友告知海南雞飯的雞只給頭頭尾尾，那時都不以為意。今天和朋友過來，朋友的海南雞飯($42)質數還好，但我的雞絲湯河($35)淡而無味，雞肉很老，蘿蔔也懶得切開，一大舊的。其間我要求店員送上魚露，但一度被遺忘。這裡埋單是要出去埋的，但客人手上不會有單。（一向如是，已見怪不怪）怎料，我於收銀處叫了埋單好幾次也沒人理會，明明有三位員工，我起碼企了3分鐘，終於有一位問我吃了什麼，我說完後，她收了我錢叫我等一會就有得拿。我說我是埋單（不知說了多少次）...接著她便黑面！我又再站多了2分鐘等她退回收多了的外賣錢。她見我還站著，才從後面拿了一張單出來，態度甚差地問：''你係咪16號枱呀！"我又點會知道呢？枱上完全沒有寫枱號，我又不是員工！在止奉勸，如果生意太忙，店員記性又不好，不如像茶記一樣讓顧客拿著單去付款吧，可免卻不少誤會。雖然已幫襯多年，但和朋友們已決定不會再光顧。

呢度大廚係正宗泰國人，款式選擇多，味道出色。 吃泰菜當然不少得點個炸蝦餅，炸蝦餅炸得香脆可口，混入蝦膠非常鮮味。 無骨鳳爪香辣開胃，鳳爪冰涼爽脆，配埋沙律味道很好啊！ 燒豬頸肉份量大大碟，燒得香香脆脆，肉質嫩滑，好吃！青咖哩味道相當出色，是我非常喜愛的！青咖哩原會很辣，但椰香味非常突出之餘，咖哩味道亦非常香吃咖喱當然配合印度薄餅才夠正！ 馬拉盞香辣惹味，配在清翠嫩綠的通菜上非常好吃！ 菠蘿炒飯加入了大量配料非常豐富，飯粒有嚼口，粒粒乾爽。店內服務非常好，個青仲多水又多肉，絕對冇得輸！

第二次在西貢吃這間泰國菜，是次的食物品質令我們有點失望。一行八人未夠六點就來吃晚飯，泰式生蝦及串燒豬很好吃，可是蝦羔炒飯的飯很濕也沒有蝦羔的香味，其他食物也很一般。食飯途中仍然有很多人等位，可能是食物的價格也算抵食。

這間泰國菜館在西貢小巴總站旁的一條巷子，店裡坐位有些擠迫，卻是每次來都擠滿人。食物選擇挺多，比較多人叫的有有串燒，咖哩，冬蔭功，炒金邊粉，蝦餅等。價錢算合理。咖哩炒大蜆- 這個每次也會點的，黃咖哩混入雞蛋，很香的咖喱跟滑蛋還有甜洋蔥，蜆肉夠大隻，伴飯吃一流。炸蝦餅- 炸得香口，蝦餅亦彈牙，沾上甜酸醬很好吃😋馬拉盞通菜 - 一如以往很惹味，也是每次必點的小菜珍多冰- 吃完熱辣辣食物，最適合喝杯珍多冰或者椰青

第一次用佢嘅咸豬肉（燒肉）飯！切得好薄，勁脆！飯係油飯！好好味海南雞，好出名！雞唔係想像中咁滑，但佢嘅飯唔太油好好味！蝦醬炒飯！有肉鬆好好味！夠火候，炒得均勻！三式冰，叫左少冰都係差多冰芋頭飯！好正！好香！岩時候食，好粉！好靚

好多年沒有來西貢，以前來這裏食海鮮居多。今次行完山出返嚟西貢碼頭一帶覓食，發現這一間泰國菜館，就在的士站旁的小橫巷內。這菜館由泰國人主理，菜式正宗，價格相宜，係行完山醫肚好選擇。我們點了四道菜：兩串串燒(牛＋豬）、泰式金邊粉、海南雞飯及泰式炒通菜。金邊粉同埋通菜都炒得好夠鑊氣，海南雞也夠嫩滑，串燒則豬比牛好食。我們沒有柯打飲品，但其實都有好多選擇，有泰式特飲同埋椰青等等。四道菜埋單不用200元，抵食！

極少去西貢的我，今日趁天氣好，去西貢走走。下午三點幾，無意中發現"旺泰", 見不用等位就入去了。以比較貼近泰國大排擋的價錢，吃到與當地大排檔的份量和質素。雖然偏辣，但真的很好。服務: 友善，有禮的泰國人，但始終人手不夠，可能要稍等。食物: 這份是海南雞飯併脆肉。是真正的無骨泰國做法，配上不太油但好香的油飯，味道配合得剛剛好。跟泰國一樣，海南雞飯是配一碗清湯另加了肉粒炒飯，雖然頗辣，但有別於一般泰國餐廳的用料，所以那種香味也是不能用文字形容的。又，因為辣，所以加點了珍多冰解辣。即使用椰汁的甜度和濃度剛好，但那些綠色條偏少，賣$29 就有點不划算了。非常地道的泰菜，絕對值得再來!