時運食堂 (已結業)

d個特餐超抵$32包凍飲，我叫左豬扒蛋通粉，豬扒入味，又新鮮，見到馬上食，都唔記得拍相！有冇人凍飲加1元呀，d間舖就係有良心！多謝老闆支持，大家快d去試吓！現收4:30！

喺觀塘食lunch有好多大件抵食嘅飯堂，時運食堂就係其中一間喇！每次食到棒住個肚走！今日就食咗咖喱牛腩飯，肉幾腍，不過唔夠辣囉。HKD43咁大份，仲有湯同飲品，凍/熱檸蜜仲唔加錢添。美咪指數：7.5/10抵食指數：8/10

我好耐之前食過呢間懷舊食堂上次食已經係十多年前既事l今天與同事重臨此處不過味道就變得唔同曬。沙爹牛肉麵食落去看得出是先卓熟後再放湯同以前即叫即煲差得遠炒蛋尚算滑亦不少舊陣時的麵包雖然係普通麵包起碼上面真係平均地塗牛油係上面食落去好鬆軟但現在感覺到麵包很乾身毫無彈性而且無乜牛油味好普通的咖啡可以飲得出就係粉沖好淡，同飲水可相比與小孩時用瓦杯飲欠缺了那種味道好耐無嚟呢啲食堂食野啦。以前吖媽係我細個時候就成日帶我嚟這些食堂至今發覺都仲係殘留著多少以前回憶。總而言之，這類食堂也隨著社會的變遷而逐漸被淘汰。然而，它們曾幾何時也是社會上最受歡迎的食肆種類。不知在將來的日子，它們受著時間的洗禮，經過歲月的變遷.....不知能否仍然屹立於滄海桑田之景了。

12.30一班同事上左好運大廈叫好野，1.00仲未有野食，原來未煮過我地十二人的食物，連沙律都未整，我地就起身走人。十二個人無訂位，星期五，周圍都應該無位嫁啦，我地咪四散去揾野食囉。 我就去左買外賣, 久耐的車仔麵。有好多選擇， 除左普通餸外， 仲有蓮藕肉餅，豬扒，炒蛋餅同我選左既五香豆腐等。五香豆腐，夠淋唔會死實實，非常入味，比平時的鹵水豆腐好味好多。另外仲叫左平時少叫的餐肉同炸菜肉絲。 但我覺很自己點錯了，因幾樣都係咸的，令碗麵咸上加咸，下次唔會咁點嫁啦。