時思糖果 (已結業)

外父外母係老古板,食開supermarket D 雜麥nuts朱古力. 所以送禮比兩老, 最safe bet係買See's candies 朱古力.-裝修: 連"思思糖果"四個大字logo都寫得出, See's好明顯係放眼國內同胞. 所以講裝修, 我只可以話"好out."-uniform: 診所用白衣制服...有點怪.-service: 比較其他K11, See's d service 比Che Che New York 好, at least See's d 介紹比較detail.-買左一盒giftset. Comment係: "老一輩like的朱古力味道. nut夠多. 我自己就prefer食supermarket D 雜麥nuts朱古力. 因為 價錢差好多, 但味道就分別不大. 不過論overall, See's 比同場既Che Che New York 好好多, pro好多同低好多. Conclusion: 下次要買比6,70歲老人家, See's 仍係其中個好選擇. 不過年輕一輩就absolutely no way 了.

其實係好耐see's 係有既,係而家erco賣鞋個位~已家又開番~~真好~~~之前去開又一城買~~因為老公係個到番工~~講番~其實佢朱古力有好多味,唔會話勁甜..唔會真係得個甜字囉~其實嗅都幾香丫,,我如果趕時間就會買一包包細細塊純牛奶朱古力好似$3X (唔記得LOR)又唔太甜,佢有隻大包裝,不過係Black朱古力~~服務好好~又會係咁比你試,但又無逼你買~又話同你傾計~~~~~~~~~~~**同埋佢大時大節d包裝好吸引架~~

有人送o左盒好大既朱古力俾我地....包裝都好精美...款式亦很多....不過.....全部都差唔味道咁..都係有拖肥o係入面.....全部都甜得過火....好漏好漏所以都唔係幾識分到底係邊款係果仁o個d..感覺無咁甜...比較容易接受....

又是龍送來的外賣，不過今次有點不同。　首先，他搞錯了公司層數；二來假日後的工作天我很忙，還有一點點頭痛，所以在看到這又甜又膩的朱古力時，不禁皺了皺眉。　品嚐了三款，也真的有點甜得太過：　粟蓉朱古力-粟子蓉不是太甜，香香的，配以幼滑的牛奶朱古力，新穎，卻容易入口，是最好的一款。　黑朱古力椰子芯-椰子甜中不帶任何苦味/酸味/其他味，實在是單純的甜得瘋狂，因此我都幾抗拒。不過這款椰芯配以黑朱古力，增加了苦味；而且see's椰蓉仍留有鮮味，感覺較好。　原粒櫻桃酒心朱古力-酒心聽上去吸引，不過吃來酒味完全被藥水味蓋過，實在是幾難吃...　試完後，告訴龍：我寧願要see's棉花糖朱古力，甚至是平好多的朱古力bar，都不想再亂試了。無論如何，知道這始終都是他一份心意，還是多謝的!

12.26，禮物日到了!　今個聖誕收獲不少，十分感激親愛的龍及家人心意。最特別是細妹的禮物：see's朱古力+禮物劵。甚麼意思呢?原來傻小妹未找到合心意禮物，就自製一張聖誕禮物劵，可在接下來一年任選$x00以下禮物一份。又幾有心思!　而see's朱古力，就當是小小利息兼心意。原本都夠甜的see's朱古力，加上傻妹的溫馨心意，頓時甜蜜程度爆燈!　傻妹，不要怪我成日寫食評喇，因為我的食評裡，和妳們的開心片段的回憶~　又，這個聖誕篇食評，真豐富! 　2007倒數5天

已經有很多篇comments，不過還是不得再寫see's，因有可愛朋友E送贈精美朱古力禮盒~　獨食難肥，我決定將此禮盒與疼鍚我的朋友F分享。與朋友慢慢拆開金色絲帶及白色包裝紙，然後到可愛的紅色禮盒，最後打開見到六款不同的朱古力，過程已是賞心樂事。我與朋友逐粒試味，但覺款款都好吃，當中以有棉花糖作夾心及有杏仁餡的最為美味~　再次感謝所有疼鍚我的朋友，希望能與各位分享更多美事及開心事!

哇!! 好好食呀!!不嬲都鐘意食朱古力同棉花糖, 見到有呢個即刻買粒黎試試, $16.4一粒, haha!朱古力入面係一層棉花糖, 一層拖肥咁,受唔到甜既千祈咪試!! 因為我呢個嗜甜者都覺得幾漏!!

Halloween又到喇~ 唔係o係外國，唔可以買人o地拎糖o既我，唯有自己買朱古力，同朋友一齊分享~　See's有好多種萬聖節特色糖果包，不過我唔鍾意佢o既糖，只鍾情佢o既朱古力，所以買左朱古力only o既package~ 佢一粒橙色o既朱古力好得意，味道又係一貫地勁甜，都唔錯，不過比較起o黎都係平日食o既合桃朱古力/棉花糖朱古力bar好味，同抵食d~ ^^

o係美國之行後愛上左花生醬朱古力, 但係o係香港到處遍尋不獲, 朋友提起see's,醒起呢間係美國過江龍, 果然有呀! 一塊扁圓形o既朱古力, 原來只有薄薄一層o既朱古力外層, 裡面係一整塊花生醬, 好味呀! 不過一定好肥....

上次食完勁好味o既棉花糖朱古力，今次又試其他朱古力~ 我貪得意買左件雪茄朱古力，淨睇樣同真正o既雪茄好似架(不過我對雪茄冇認識~ ;p)~ 第一啖食落去d朱古力好滑，但係由於味道偏甜，食完成條後勁漏... 咁又似乎的確係Godiva好d lu~

第一次食see's，係食佢o既硬糖(chocolate/butter favor)。o個時覺得佢味道唔算真係好出色，但價錢可媲美Godiva，唔抵！之後一直少食~ 不過近期佢出左一隻心型棉花糖焦糖朱古力，一舊朱古力有齊我（同我男朋友）鍾意食o既三大元素，仲要係心型，當然要買返件一齊食啦~ ^^件朱古力好chewy，棉花糖有咬唔斷之感，質感幾好；而棉花糖o既淡甜味、黑朱古力o既苦味，同焦糖o既甜味又好鬼夾，味道好好！而家我對see's 改觀喇，遲ｄ去試下佢其他野食先~

唔係D 客送,都唔捨得買, 平均要成十幾數先我一粒朱古力, 貴在係邊, 真係唔知, 但講真, 係幾好味!我今日過又一城果間SHOP 睇! $150 既GIFT SET 先得12粒! (((不過呢一SET 可以食齊咁多種朱古力囉))) !睇左好耐,最後都唔捨得買, 唯有又等人送啦!仲有D SALES 都唔SERVICE 一下人地, 凈係自已係度傾計.....雖然佢係頫, 但我見好多客都訂左佢地D貨,都成20 袋放左係度!

朱古力太甜膩, 不如買白色一袋裝的雜錦糖,有肉桂味,溫尼拿味,朱古力味......好食

我唔否認呢度有D 朱古力好甜,但講真,一間朱古力專門店梗有唔同甜度o既款式俾人揀(打開門做生意嘛)所以做顧客o既要識揀合自已口味,唔鍾意甜咪揀Dark chocolate 囉,我唔信>70% ocao Butter會甜過Nestle Crunch !

我都認為See's Candies 一粒粒果o的朱古力太甜，亦唔覺佢o的朱古力特別香濃。(不過我食親都係人o地送o既禮盒庄，未食過Chocolate Bar，所以不予置評)See's 咁多朱古力當中，如果俾我揀，我會揀o的有果仁o既朱古力o黎食。一來朱古力入面o的Nuts 勝在夠多、有o趙口；二來o的Nuts 又可以中和到朱古力過份o既甜味；而且仲大大粒、食一粒都經巳好飽肚，真係夠實際！我個人認為See's Candies o既朱古力係咁多間Chocolate Shops (Godiva , Macy , Lucullus..etc) 中最唔抵o既一間！<br><br>