旭川日本料理

营业中

休息中

頂級劍魚腩刺身（4切）💲67日式咖哩豬扒飯 💲45帶子壽司（2件）💲15（跟餐）青蘋果乳酸特飲 💲6（跟餐）✅ 劍魚腩油香豐溢食落唔腥🤤 厚切食落爽口🤣❔ 豬扒飯味道好一般 類似茶記碟頭飯既感覺🐖❔ 帶子表面有裂痕🧐👅Taste：3.25/5💰CP值：3.25/5🙋🏻‍♂️Service：3.5/5👁‍🗨Stylishness：3/5

<<西灣河 • 旭川日本料理>>是一家很較為細小的日本料理店 座位真的有點窄 但有留上座位 上面較為寬闊一點 上下層都有電視給客人觀看😊聽聞這家店的魚生都挺新鮮的 但因為本人不太喜好魚生 便選熟食為主🥰1.)▫️西京燒銀鱈魚 銀鱈魚既質素有點下降 煎得比較長時間 香口的 但有點油膩 銀鱈魚的份量都頗為大 性價比較高👍.2.)▫️軟殼蟹反卷.3.)▫️壽喜燒肥牛定食肥牛煮得剛剛好 不會太甄 湯底味道剛好 不會太味噌 吃完都不會口喝 但唯一缺少了生雞蛋🥚環境: 🌕🌕🌑🌑🌑價格: 🌕🌕🌕🌕🌑食物質素: 🌕🌕🌕🌑🌑

Lunch 係公司附近都食到厭。我同班同事就搭車去西灣河睇下有咩好野食，大家都萬無目的咁去睇有咩好野。最後決定一試呢間叫做《旭川日本料理》日本野。呢間野，人流都算旺，一枱起身，又有人坐低。不過多數都係學生哥。叫左個雜錦魚生飯。其實已經好夠，但午餐會配多一小碗既烏冬。材料足，唔係是但比D頭頭尾尾咁。環境上就無咩特別裝修，典型港式日本餐廳。店員態度有禮，又好介紹。價錢合理，味道唔錯。份量十足，唔會只係得個上面，幾唔錯丫！值得推介既一間小店。

係西灣河食晚餐真係好難搵位, 最後搵到呢間見有位唔洗排隊即刻入去食, 座位都幾闊落幾舒服. 兩個人點左個海鮮拉面同雜錦魚生飯. 侍應好快比左d小食我地, 係日本海草, 都幾開胃! 個海鮮拉面湯都幾濃, 但係d海鮮一般般, 無咩味唔知係咪急凍貨. 個雜錦魚生飯就好好食! 大大份好足料, 海膽又唔會腥, 魚生都叫新鮮, 真係$159都值. 食完仲可以繼續飲茶傾陣計先走, 環境相當okay! 但唔建議叫小食, 因為份量好少, 見到隔黎枱個炸蠔勁細粒..

兩個家庭的聚會。。朋友搵左呢間食日本料理唔係我叫餐的。。我係負責食既。。有燒羊架。。 醃得幾入味。。賣相十分吸引。。48蚊一件幾貴。。我是推介的唔睇價錢既話雞軟骨。。幾正。。但份量不大。。燒粟米。。推介。。燒得靚。。又好味。。熱熱地拉麵。。普通水平冇特別燒青魚。。都幾多肉。。平時冇食開冇得比較壽司拼盤。。幾新鮮。。可惜有蚊唔肯走。。最後仲咬左我一啖。。可惡抄飯。。中上水平沙律。。中上水平。。抄粉絲。。推介。。但有黑椒會辣

支持香港小店，食厭了連鎖店飯堂，我還是喜歡香港各有特色的小店，今晚來到西灣河，就試這間旭川料理。小店環境好細，但是在寸金尺土的香港來說，是可以接受的，最重要是出品好食。餐牌選擇很多，有多款壽司，刺身， 熱食，魚生飯，睇落都幾吸引和朋友二人不太餓，叫了幾款壽司和燒三文魚頭，還有啤酒。鰻魚壽司味道不錯，鰻魚夠大塊，配上燒汁飯團，不錯👌刺身夠新鮮，份量也算多，廚師即叫即整，燒三文魚頭幾抵食還有餐後送雪糕糯米糍

呢間小店不嬲都捧場開👍🏼Lunchset都有好多選擇嫁！咁我當然就擇左我最愛嘅粒粒魚生飯啦😆😆🍜Lunchset 會配烏冬！首先會上左碗烏冬先😆細細碗！味道正常la😉~~🍱粒粒魚生飯😍! 睇下有幾多魚生係上面!!!魚生十分新鮮🐟👍🏼又多種類😆所以每次黎都會點粒粒魚生飯😆不過因為佢份量真係好多！我會建議女仔叫少飯！因為我地叫左少飯有時都會食唔哂🙈為左唔好浪費記得叫少飯丫☺️☺️

香港人出名鐘意食日本野，見到一間又一間日本料理過江龍黎香港開分店就知道！但有時唔想排隊同食咁貴，其實都有大把本地製作既日本料理水準唔差，今日就同大家推介誠意小店旭川。環境：話明係小店，座位一定會迫d，但唔介意上樓上閣樓既位會寬闊少少，一樣有電視睇。服務：呢度有個侍應姐姐好過癮，以前覺得佢係人地食到三分一就俾定甜品人地想催人食快d唔係咁好，但習慣左就覺得佢講野直腸直肚好搞笑，其實都係地道既感覺。衛生：衛生情況都還可以，就係既閣樓密不透風但都唔會積塵，係睇落殘舊d。味道：壽司飯方面，介推粒粒魚生飯，魚生多到舖滿晒d飯，每次食到暖底都仲有淨魚生，而且魚生一d都唔乎，多款又新鮮，唔食魚生可以試三文魚醬油漬飯，唔係以為得三文魚會好dry，三文魚份量多同埋有玉子，一定滿足！壽司方面推介火炙原粒帶子壽司同鰻魚壽司，絕對唔同連鎖壽司店薄薄一塊咁，食完成口油既肥呀，另外個火炙三文魚腩壽司都幾特別，上面一堆配料，食落口感又幾夾喎！抵食：老實講午餐係抵食過晚餐，但就算係晚餐，但呢個價錢有呢個質素，完全係唔輸俾d過江龍呀！

個人而言，是一間值得食嘅餐廳。評分如下：環境：地方較為擠迫，但也挺舒適。評分：⭐️⭐️⭐️食物：除了生蠔是臭的，因此建議不叫，但 其他食物是新鮮的。評分：⭐️⭐️⭐️⭐️服務：不太友善，說話很大聲，很嘈吵。評分：⭐️⭐️價格：價錢合理評分：⭐️⭐️⭐️

呢間餐廳個人嚟講覺得幾抵食，可能因為係西灣河掛，飯都幾好食，可以去試試，其他評價如下：食物：❤❤❤❤都幾好味，特別係海膽，吞拿魚腩都唔錯。份量：❤❤❤午餐同晚餐份量都一樣，夠飽，幾好。環境：❤❤有卡位，睇到電視，係迫啲，可以既。價錢：❤❤❤❤我覺得幾抵食，午餐嚟講價錢就中上，晚餐價錢差唔多不過要加一。服務：❤❤❤正常，無乜特別。 #foodie #foodies #hkfoodies #hkfoodie #hkfoodieyiki #旭川料理

今日去食lunch,個大聲亞姐把聲已經好煩,成間舗比佢嘈住曬, 另外個姐仔服務又差,我埋去櫃面比錢佢話冇比價錢紙你咩跟住走左去,個大聲亜姐跟住埋黎先投訢啲人包括我一次個埋單，仲手掌擘擘示意我比錢。食飯比錢仲要睇你面色,服務態度非常之差,根本就不值得一去，希望其他食客引以為鑑，我點了粒粒魚生飯但是質素怎麼樣好，價錢也不十分大眾化

信相大家去餐廳食飯的主要目的都係醫飽個肚。但唔知各位又有無試過未醫飽個肚就比人收晒所有食物呢? 本人就係旭川日本料理餐廳試過。是咁的。放假日，我和男朋友打算近近到旭川日本料理餐廳食中午飯。每人各點了一個中午套餐，食物質素尚算可以，可惜侍應態度非常惡劣。本來和男朋友見到全間餐廳都係得佢一個，都抱住體諒佢既心情黎對待佢既惡劣態度。但惡夢就係十五分鐘後發生，侍應同等緊位既客人講左句 "兩位等陣，有客買緊單。" 之後，佢就極速咁問都唔問就就收左我碗未食完的飯，跟手就比埋張單我地。收碗飯既時候，其實我只係食左三份之二的份量。跟本就未食飽。最後，男朋友當然就好嬲同佢對質啦! 點知個侍應用粗口回敬我地。態度非常惡劣。不論食物質素有幾好，但連基本食飯既目的(醫飽個肚)都唔能夠滿足唔到客人的餐廳，不去也罷! 附近好食既餐廳還有好多呢!

侍應態度極之惡劣, 首先拎野食過黎果陣, 當求其放低就算, 小心都無句, 剩系'殊殊'。都算, 都未食完, 就行過黎講埋左單先, 問都無問跟手就收晒你啲野食。好明顯系出面有人等緊位趕我地走, 但重點系我地都只系食左15-20分鐘到，跟著同佢講我未食完喎, 佢雖然有講吾好意思 話整翻個俾我拎翻屋低食, 我話吾洗拉 算拉，但之後俾完錢我雖然有黑面, 但都吾洗講粗口話'' x知咩'' 仲要俾我聽到。記住咪再去食, 我投訴緊系樓面紮馬尾個侍應, 收銀都系佢。

星期五個個地方都人來人往又肚餓又唔想同人咁親密走左去西灣河食日本野0等候我只係諗到想食飯鰻魚飯同sushi我叫左我老細就叫左烏冬D野其實不過不失係d sushi 令人精神一番因為有wasabi 服務一打10好佩服個姐姐下次肚餓會再去

天氣炎熱，經過呢間日本野，見價錢頗相宜，因此就入去一試。我點了雜錦魚生飯，一送來的時候賣相其實不錯。然而，翻開刺身看見飯上落了滿滿的日式沙律醬(芝麻醬)，而在餐牌上是沒有註明的。在日本吃的雜錦魚生飯都不會落沙律醬，因此真的覺得很意外。而沙律醬味道咸咸的太搶，完全地遮掉了魚生的鮮味。而同行的朋友點了豬軟骨飯，味道尚算不錯。然而，當友人弄掉了筷子的時候，竟看見侍應面露不屑的表情，囗形說了一句麻L煩，然後朋友不斷向店員道歉。雖然弄跌了東西是很大意，但也不至於要這樣吧?總括而言，真是一次很失望的體驗。