早安越南 (已結業)

放學之後跟朋友去黃埔美食坊找吃的 上一層到一樓已經有很多選擇 跟朋友轉了一圈看了各餐牌後 決定嘗試一間門外裝修精緻的越南餐廳 - 早安越南餐牌選擇豐富 但我們兩人也不太特別肚餓 便選擇了感覺較開胄的涷撈檬粉 兩人同樣選擇了豬頸肉口味($58) 不論粉麵跟餸菜份量也很足夠 撈檬上配菜很多有椰菜絲乾蔥頭花生碎及葱粒 撈檬的醬汁每枱都有一瓶 可以自行控制分量來調味 豬頸肉爽口好味越式軟殼蟹米紙卷($88) 整個份量超足夠 六大卷米紙卷包滿了餡料 唯一炸軟殼蟹炸得一般 粉漿厚實另外我們入座時間較早 看到了還有下午茶餐牌 款式很多幾吸引

呢間餐廳係蔡瀾美食坊入邊，附近都係餐廳，不過呢間未試過，所以有興趣試吓。同朋友兩個人係傍晚嘅時分去到餐廳，好彩唔需要等位。環境佈置都幾有特色嘅，有越南嘅味道。睇睇將枱紙就知有格調。餐廳食物方面，選擇都唔少嘅。我都係點左不嬲都好愛嘅金邊粉，朋友就點左扎肉檬粉。其實都分唔清呢間係食泰國菜定係越南菜，總之都係東南亞嘅食物啦！1) 扎肉雞絲檬粉 (⭐⭐⭐⭐⭐)雖然冇試過，不過聽朋友講，幾入味，而且呢個檬粉又配有手撕雞。我個朋友覺得，啲雞都幾滑，扎肉一條條，大大碗都幾抵食。2) 金邊粉 (⭐⭐⭐⭐⭐)金邊粉嘅份量都幾多，食開泰國越南野必食，係我最愛嘅選擇，所以我都唔會錯過。金邊粉既價錢比其他菜式抵，見到好多大都有點。金邊粉嘅味道好香。3) 生菜 (⭐⭐⭐⭐⭐)生菜有針菇味，啖啖入口，令人感覺健康。菜唔算好油膩，啱都市人健康嘅需要。最後埋單200蚊到，都值得推介嘅。紅磡好似印象中比較少越南泰國嘅餐廳，反而係茶餐廳多。

大約8點到前面等一張飛等左8分鐘有位入座但繁忙時間上菜比較緩慢服務態度良好菜式味道就ok其中較為差嘅菜式係鵝肝醬帶子炒飯$108完全食唔出有鵝肝既味道性價比極低！越式酸辣鳳爪$57小辣酸酸甜甜唔似一般泰式鳳爪咁辣反而味道偏甜配有紅蘿蔔絲及白蘿蔔絲鳳爪挺身有咬口 不錯！蒜蓉牛油雞翼$68熱辣辣香噴噴面頭嘅蒜蓉超香好味雞翼肉質嫩滑脆皮可口！推介！馬拉盞炒蓮藕苗$73第一次食蓮藕苗口感好似西芹好特別如食厭通菜椰菜苗既朋友推介試下尼個蓮藕苗馬拉盞微辣將芽菜蓮藕苗同幼身西芹撈埋一齊食絕配👍🏻推介！鵝肝醬帶子炒飯$108整頓飯最失望既菜式飯雖然炒得好乾身帶子亦鮮味但完全冇鵝肝既味道配味亦好清淡冇乜味性價比低熱香茅蘆薈$34新鮮香茅配以蘆薈粒清新滋潤食完濃味野飲一流三色冰$34椰汁奶配有紅豆、綠豆及綠色啫哩條味道ok冇乜特別！

今次黎到黃埔美食坊,想食下越南野~就試下呢間啦~佢既裝潢都真係好有越南風味....有一股共產既味道阿@@佢連一D中式既菜都有, 例如咖哩牛腩...越南小食拼盤! 最好食係越南春卷~炸得夠脆、唔會太油、夠干身! 要點埋佢個汁就最好食啦~茄汁牛腩湯河! 首先佢D牛腩,特別係牛筋唔太入味、有小小韌, 因為佢切得比較大舊! 同埋佢無我地想像中咁濃蕃茄味、不過就勝在個河粉真係好掛湯, 索到哂D味~越式炒金邊粉~炒得算干身、味道適中。不過建議配埋佢個越南辣椒醬一齊食會更香~到底綠色同紅色有咩分別呢?我就試過,覺得綠色比較淡口,無咁酸。反而紅色個酸味就比較重D ,辣味亦都比較突出! 用佢黎點個金邊炒食會好味好多~埋單兩個人280蚊,唔算好貴阿~ 

呢幾日忙忙忙，身心靈都很不愉快，其實全因去左山卡啦地方番工，無啖好食。今日難得早收工，河粉癮湧上心頭，不經不覺間走進—早安越南。有美食滿足一番，個人開心晒。雞翼湯金邊粉雞翼上滿滿香蔥蒜，香氣十足，雞翼三隻大大隻又嫩口，加上金邊粉的美味飽腹，個胃立即暖泣泣。馬拉盞炒通菜通菜係我最喜歡的青菜，香氣撲鼻，菜嫩，食d 菜，個人感覺都健康d。意猶未盡下點了一份酸辣鳳爪酸酸甜甜中又不失辣度，鳳爪有嚼口，開胃又滿足。今晚一次過食晒三樣我最喜歡的家常菜，平淡中滿足爆燈。作為家常便飯，環境，服務等不錯。

天氣涼返啲，都係想食番啲熱野暖暖個胃，朋友過黎黃埔搵我食lunch，係人都知黃埔有好多好野食，我地最後揀左早安越南食越南湯河，喺黃埔咁耐，我都係第一次去早安越南，去到黃埔美食坊，上一層扶手電梯就到。 餐廳燈光比較暗，幾有情調，環境唔錯，裝修格調都好有越南風，入面座位寬敞，卡位坐得好舒服。午市套餐有二十款選擇，真係花多眼亂，價錢由$55-$93不等，套餐奉送一杯飲品，佢既飲品除左好基本既檸茶、檸水、咖啡或茶，仲可以揀珍多冰、紅豆冰、三色冰、柚子蜜等等，都係唔駛另外加錢，另外仲可選擇加$25要一份小食，而家做緊買一送一優惠，即係加$25就有兩份小食。朋友叫左蝦醬炸雞翼，我就要左個上湯時菜。每張檯都有幾支醬料，可以按個人口味去添加。辣海鮮湯黑粉絲，熱辣辣好大碗，湯頭其實係冬陰公，夠酸夠辣不過偏油，但個冬陰公湯底幾好味，黑粉絲好淋，海鮮有幾隻蝦、一條魷魚、兩隻青口、一粒帶子，全部海鮮都好細粒，一食就知係普通貨。生牛肉湯河，熱辣辣好大碗，湯頭香濃好味，牛肉有好多塊而且嫩滑唔韌，河粉幼滑。香茅豬排湯河，熱辣辣好大碗，湯頭香濃好味，至於香茅豬排，香茅味略為太少，好彩豬排本身比較厚身都好味，河粉一樣幼

今日LUNCH大概2點左右人流都唔算太多, 已經可以即時入座, 喺午餐餐牌到叫咗個香芧雞翼湯河, 加多杯龍眼冰香芧雞翼湯河 - 賣相好吸引, 尤其雞翼, 外層香脆, 肉質嫩口, 好味, 湯河粉夠滑, 湯底都好清龍眼冰 - 龍眼肉好清甜, 幾好飲總結 : 呢到環境都好舒適, 之前試過晩巿, 夜晚都好旺場要等位, 而家試埋午巿, 總括嚟講食物質素都不錯, 價錢都算合理, 份量都唔算太少, 所以得閒可以嚟呢到食野, 平日下午茶時段會少人啲, 可以慢慢食慢慢HEA

黃埔是美食雲集的地方，要食越南野，就黎早安越南，午餐有set lunch ,連飲品，價錢大約六十幾以上，我點了一個豬頸肉河粉，味道尚可，亦點了一杯熱柚子蜜，香甜可口～注意：lunch 要收取加一服務費。

其實都很少來黃埔，今日主要來影相，附近商場有主題卡通人物佈置，也有漫畫主題餐廳，加上經裝修後的吉之島，所以特意到黃埔走走。晚上就決定在聚集各間美食餐廳的黃埔美食坊進餐，選擇了這間「早安越南」， 估不到價錢吸引， 份量十足。【法式流心炸蝦餅】熱辣辣上枱，一咬下爆出暖熱的半溶芝士，味道濃郁滋味。蝦丸亦做到彈牙口感，蝦味突出。同時蝦丸炸得不油膩，輕鬆食完。【火車頭湯河】超級大碗的湯河，兩人分享剛剛好。材料有牛腩、牛筋、牛丸、牛柏葉等，牛腩牛筋都煮得軟腍， 牛丸頗爽彈。湯清味濃且帶香，有獨特的金不換香料味。河粉也透薄滑，份量滿滿。【沙嗲串燒】可選豬/牛/雞。牛肉串燒最嫩腍，雞肉微微彈牙，豬肉偏硬身。最美味都是沙嗲汁，很有花生香味，稀稠度剛好掛到串燒上。【馬拉盞炒通菜】味道頗惹味，不太重味也不太咸，通菜還算嫩，咬下無渣。

黃埔美食好鬼多 大家都一定知所以揀食邊間真系好鬼頭痕🙆🏼🙆🏼🙆🏼食左好多日西餐 轉轉新意思😎越南菜👍🏻早安越南 環境暗暗嘅 幾有情調仲有d幾好嘅打卡位 🤩🤩星期六晚八點半 唔使等位蒜蓉包 好熱好香好好食!!越南春卷入面d料都好多 夠脆!越南金邊粉上枱好熱 好味 唔會好酸 👍🏻豬頸肉小食個味幾濃 厚薄適中 !!都ok大碟👍🏻👍🏻👍🏻

呢到食越南野係好有風味 因為呢到個格局都裝修得好有越車南風 點解咁講 係因為我自己岩岩去完越南冇耐 所以覺得呢到有親切感 叫左個火車點 要河粉 味道都唔錯架 生牛肉 都好食有肉感 整得夠溥 易傷入口

之前在天后開工和朋友經過這間早安越南，當時進來食了個 lunch 印象不錯，今天來到黃埔美食坊也有一間早安越南的分店想也不用想便入來再試一試先，這裏環境和天后比真的大很多，而且很有格調令人恍如置身越南一樣。火車頭湯河 $88火車頭湯河 - 一上枱十分大碗材料豐富有牛腩、牛柏葉、肥牛、牛丸等。我最喜歡的牛筋煙韌膠口，加上葱碎和切得非常薄的洋蔥圈香氣撲鼻。先來飲一口湯真的不得了味道香濃牛味濃郁突出，立時令人胃口大增，每一口河粉都把湯汁吸收真的很滋味。法式牛柳粒紅飯 $98法式牛柳粒紅飯 - 紅卜卜的紅飯用上越南的香米來炒軟硬適中食落乾身，加上一粒粒的牛柳粒看見已口水長流，牛柳粒煮得軟腍入味牛味重，配上紅飯一啖一口真的回味無窮。

今日同事唔是太舒服，唔食得煎炸又重口味嘅野，諗一諗，都係得越南野食到。所以就決定食越南野。呢間早安越南其實都食過好多次，因為真係幾抵，叫一碗粉，懞粉或飯都有跟一杯野飲，講緊嘅野飲唔係勁hea嘅熱檸茶檸水咖啡奶茶凍飲仲要加錢嗰隻。而係凍椰汁冰，凍咸檸七，凍黃檸樂，龍眼冰，珍多冰等等第等....仲唔使加錢。。真係好正好啦，入主題，今日我叫咗豬頸肉金邊粉+咸檸七。都係$58。不過我就稍為覺得個豬頸肉唔夠煎得脆同乾身，如果可以再乾身d, 就真係正😍

第N次食早安越南喇 係WHAMPOA食越南菜我一定會揀佢!唔使等位真係好開心 環境坐得舒服 帶小小暗 頗為型格嘅裝修 算係新式嘅越南菜 次次黎一係香茅豬 火車頭 大部份ge越式野都試過la 今日黎d新嘗試 order jor小小麻甩ge咖喱牛腩飯配走冰ge 涷0樂 上菜幾快手大概5分种未去過越南唔知正宗越南咖喱有咩特式 lee個咖喱幾香滑& 小辣 唔係港式咁濃厚arm晒我口味牛腩薯仔好淋好入味 仲有幾舊牛筋入口鬆軟 正ar! d 咖喱汁撈飯真係可以食兩碗飯

好喜歡依度既菜，本身仲意食濃味菜，又偏向食東南亞口味，所以依度好啱我口味。我最最最愛既麥皮蝦依間店舖無，係有dd缺陷，但佢既黃金蝦都好好食，超仲意ar ar ar^^