早安越南 (已結業)

係銅鑼灣返工點少得搵食搵到去大坑？前身為越男仔既早安越南除左裝修風格有啲唔同左之外 其他野大致上都無咩分別今日小編約左好耐無見既表姐們大快朵頤由於表姐們都係九龍區返工 搭車需時所以作為表妹既我決定食住等蒜蓉牛油雞翼$68首先點既係蒜蓉牛油雞翼充滿住牛油既雞翼 食落一啲都唔油 而且有香濃牛油味雞翼外皮炸至香脆 內裡鮮嫩丄面既炸蒜粒令雞翼味道更香口雖然牛油雞翼好邪惡 但喜歡雞翼既朋友絕對唔好錯過！火車頭河粉$88以前會好好奇點解呢碗粉叫火車頭原來典故係來自越南一個火車站火車站入面傳出一陣陣郁香結果搜索後發現原來係來自月台上的一檔小販煮既越南粉十分美味 所以食客大排長龍所以大家一講起火車頭就知道是越南粉最能夠睇得出一碗越南粉好唔好食 最重要係個湯底食粉前先喝一口湯 味道十分鮮甜小編喜愛加入金不換 檸檬 魚露 豆芽一齊食令味道更甘香河粉既軟硬適中配料方面有牛丸 生熟牛肉 牛柏葉生熟牛肉既配搭肉質更香更滑牛丸彈牙 而牛柏葉本身係無味 但用左清湯烹調 令牛柏葉吸收哂湯底既鮮甜豬頸肉凍檬$58食豬頸肉凍檬既原因係因為夏日炎炎最想食一啲凍同酸甜既野令胃口更好豬頸肉分量好多 最岩分享一齊食豬頸肉係塗上燒

裝潢好棧鬼，越共年代的品味，幾有特色。小店舖面積不大，勝在樓底够高，通爽自然，位罝離天后站不遠，亦很方便。柚子大蝦沙律（HKD73)柚子汁味度適中，配合新鮮沙律菜好開胃，夾大蝦ㄧ齊食更佳。蒸粉包(HKD61)蒸粉包上有脆口蒜片，伴上醒胃醬汁都幾好食，不過粉皮就厚左D, 改善下就very good la.香茅雞翼湯河(HKD58 ) 雞翼河粉分開上，可保持香茅雞翼皮脆肉滑，河粉又超爽滑，是近期感覺最好吃的越南粉。越式軟殼蟹米紙卷，(HKD78)軟殼蟹、青瓜粉絲和青菜，包在米紙卷內，ㄧ齊食入口清爽唔肥膩。

之前係黃埔已經食過呢間啦，今日去天后又見到有一間，原來有分店的！而且好方便，一出地鐵站就係喇店內既圖案同黃埔一樣，都係越南人既圖案，不過呢間光猛d香茅豬扒金邊粉個湯幾好味，豬扒都幾juicy,唔會乾真真蒜蓉牛油雞翼超香呀，聞到已經垂涎欲滴而且表面唔會好油，外層仲好鬆脆添又夠大隻越式炒黑炒絲第一次食黑炒絲ja, 但發覺原來幾好味的，感覺似幼版既紅薯粉不過就覺得有點兒細碟，2個人食就會夠，但我地3個人就唔多夠蒜蓉炒貴花苗

個人喜歡找新食店，有新鮮感，乾淨！ 約了姊妹在天后吃飯，在openrice搵食，發現有間食店叫早安越南，是越南仔前身，參看食評及相片，可以一試！去到食店，發覺比以前新淨，但格局沒有多大改動，餐牌亦是無相片果類，點餐較喜歡有相片的，容易選擇。 因時間不足夠，我們只叫了些湯河來填飽肚子。雞絲扎肉湯河-湯味較淡口，河粉多，餸少咖哩牛腩湯河-湯味較淡口，河粉多，餸少三色冰-豆少，無味牛油雞翼-不夠牛油味早安越南，換了店名，翻新食店，驚喜不大，食物同以前相差不大，要吸引客人，食物要用心做，才會令客人回頭！個人評分食物：C環境：C服務：C抵食：C

八月的最後一天，竟是開會的晚上，下班後吃個晚飯後又去準備開夜會啦><得知天后開了很多新食店，最鍾意食野既我又走去八掛一下^^行下就見到有間食店的門面裝潢幾有趣，店名叫「早安越南」越南燒牛肉湯粉同越式撈檬都係我至愛架，不過今次開會前悶悶地，想刺激一下味蕾醒醒神...峴港酸辣海鮮湯黑粉絲黑粉絲口感較煙韌爽滑，好處是唔怕煮過火，而海鮮亦見得大場面: 青口、魷魚、蝦都有....仲係原件上，唔係碎上架至於湯底永遠是一碗湯粉既靈魂，因為粉麵本身是無味道的~!!依碗酸辣湯堅好味，好味程度去到我飲仲有勞侍應哥哥幫我加湯，剛煮熱左既湯淋上黑粉上更惹味涼伴秋葵秋葵小姐是朋友安俾我既稱號，因為我好鍾意食，日日食都唔厭~!!!煮秋葵好講時間上的掌握，以我經驗真係滾水落煮轉慢火煮2分鐘，食落口仍然食到秋葵黏液，但唔會太淋~!!沾上酸辣醬汁超開胃丫~!!滴漏咖啡已中毒太深，咖啡對我唔再係提神，而係靈魂上的慰藉

天后多嘢食係人都知，但好食嘅又有邊間呢？🤔今日一於約咗個朋友係天后區搵食！呢間無記錯前身都係食越南嘢嘅，但係個名唔同咗，不過唔理啦，就呢間啦～🤤先來梗係要叫碟「生蝦刺身 $88」醒醒胃先啦！🍤一碟有六隻，size唔算大，但望落都幾新鮮！食開生蝦嘅梗係知道生蝦個汁係幾緊要！配合上面塊蒜片一齊點落去個汁道食，辣辣嘅汁提升咗隻蝦嘅鮮味！🌶我自己本身唔食得辣，但都頂得住～同埋我係好怕啲出面食到暖暖地嘅生蝦😖呢度嘅唔係話好冰，但一定唔係暖！小提示：千祈唔好漏咗上面塊蒜片，味道差好遠架！😎小食方面仲有「蒜蓉牛油雞翼 $68」🍗 先唔講佢好唔好味！佢每隻雞翼都係熱辣辣！係燙口個種！咬開嘅時候係出哂煙！♨️味道方面，香脆嘅外皮帶有濃濃嘅牛油香！炸得好嘅雞翼肉汁係會鎖得住係雞翼入面～仲有上面嘅豉油同炸蒜頭粒，勁好味！😍之後來嘅係朋友叫嘅「豬頸肉凍檬 $58」🐖 豬頸肉嘅份量絕對唔少呀～燒到非常香口嘅邊邊，再加上脂肪帶來嘅肉汁，令人未食啲凍檬就想食晒啲豬頸肉先hahaaa😝而撈檬又點少得個魚露甜酸汁呀？凍凍地又酸酸甜甜，炎炎嘅夏天食真係認真開胃！👍🏼而我叫嘅就係「火車頭河 $88」🚂配料有生牛肉，牛丸，牛腩

生熟牛河；牛肉普通，湯底淡而無味，牛肉份量少，河粉多，食到最後唔知食緊D咩。春卷正常野。價格比一般高，但可接受。飲品多選擇，但環境舒適冷氣夠。都係果句，食過一次唔再有下次。

星期六想搵食，同男友成日都會出銅鑼灣食野。返工又是在銅鑼灣，放假又因為某d原因要出去銅鑼灣。但發現好多餐廳都好多人，把心一橫諗下不如去下天后搵食。這陣子都喜歡吃不同越式餐廳，剛好看到這一家裝修設計幾特別，又幾靚既。我們兩個對面一望就進去坐低了裝修真係幾吸引，因為天后大部分門面都是高樓大廈，只有少量餐廳！我倆都是因為這個外觀而到門口看看。地鋪來說，這家不是很大的一家。但看上去是很寬敞，不會有壓逼感。是可以停下腳步，靜下來，慢慢享用的餐廳。（因由銅鑼灣走路過來也有一段路）天氣非常炎熱，所以一坐低就叫了杯凍野飲每天嘆杯咖啡是必然的，所以來吃越式餐廳，便叫了一杯越南滴漏咖啡 ＄34看到這個杯子是非常美觀，看著其實很快便滴完，再轉到冰杯，便可即飲一啖即刻舒服晒 咖啡味道足夠，練奶不會太多或太少蒸粉包 ＄41其實本身好喜歡吃蒸粉包，但不是每間越式餐廳都有。見到這一家有，我們即刻order。這個粉包的材料非常豐富，配上越式汁醬更加惹味看到這個厚身粉包，咬一口，咀裡充滿滿足感。扎肉手撕雞湯金邊粉 ＄58超足料，有多塊扎肉，大量手撕雞，很香很惹味。火車頭湯河 ＄88超級大碗！忘了跟另一碗合照，那個對比

翻看手機album看到和朋友吃飯時開心的moment，忍不住要記敘下回味我們的歡樂。經悉心設計，「早安越南」比一般的越菜店增添不少越式特色，牆上越軍、越南漁民的插畫，營造出輕鬆舒適的氣氛。很喜歡大雜燴的 火車頭湯河 ($88)牛腩、牛筋、牛肚、牛肉片、牛丸，是牛魔至的世界!!牛丸爽口超有牛肉香，牛筋略為過稔，少了一份嚼勁。朋友要了一碗海鮮大雜燴的 酸辣海鮮湯黑粉絲 ($77)酸辣情程都是微酸，想辣點可自行放辣椒片，有青口、鮮蝦等材料，黑粉絲十分有嚼勁!!唯一要改進的是 馬拉盞炒蓮藕苗 ($73)調味很好，主要是食材新鮮度的關係吧，蓮藕苗、芽菜偏稔不夠爽身。含+10%，共$262，屬中高價位，勝在坐得舒適，座位寬敞，地方乾淨整齊，服務恩勤快捷。

由以前叫越南仔食到而家改左名叫早安越南都係咁好食。香茅雞翼湯河，雞翼熱辣辣，上面仲有d蔥油同炸蒜，正！雞翼分上，唔會整到淋哂！之前我食過佢既牛油雞翼，係油左少少，不過都係咁好食！蕃茄牛肉炒飯，牛肉唔老，炒得好香，炒飯都有落蕃茄醬。不過d配菜好似多得制，我連蕃茄都食埋，感覺健康d，又唔浪費。本來想叫龍眼冰但賣哂，結果叫左個三色冰，都好好飲！總共食左$250左右，如果住附近，外賣仲有85折添，呢個價錢呢個質素，我覺得幾抵食！

天氣悶熱難耐，胃口欠佳，決定好好享受東南亞菜式，最能開胃消暑。獨個兒走到天后站旁邊的>>>早安越南<<<。 店舖裝修很有特色，風格非常強烈，十分吸睛，也比一般越菜餐廳感覺年輕富活力。 消暑前菜是生蝦刺身(HKD88) 。鮮甜的蝦肉，配以醒神的香蒜和辣椒，醺點惹味的醬汁，是個非常開胃的小食，即使不嗜辣的冰也欲罷不能。 主菜是香茅雞翼凍檬(HKD58) 。雞翼煎得香脆，檬粉份量也很足夠，以魚露甜酸汁拌勻，美味之選。美中不足是香茅味道偏淡，若有所失。 吃過醒神香辣食物，當然要來一客清甜椰青 (HKD38) ，以完結這消暑一餐。 憑收據一個月內再次惠顧堂食，可獲九折優惠，一定要帶走這收據呢。

近期潮流愛食越南pho，放工路過一間玩味十足嘅越南餐廳，忍唔住行入去食碗pho!餐廳以四人枱為主，儘管枱嘅樓目唔係好多，但仍能保持空間感，不會有逼夾嘅感覺！牆上既壁畫令整間餐廳變得好chill呢急不及待揭開餐牌見到個餐牌，樣樣都想試，最後決定揀火車頭湯河！等左一陣，有野食啦！火車頭湯河有齊生牛肉、熟牛肉、牛丸、牛柏葉！湯嘅中間仲有九層塔、芽菜⋯仲加埋食pho必備嘅青檸、辣椒、甜醬、味道美辣醬！湯河湯頭非常清，唔會太油，飲落亦有淡淡牛香！之後加入青檸、辣椒。識食一定係點埋甜辣醬，越南風味即刻出晒黎！車頭湯河嘅份量都幾多，細食嘅朋友仔可以兩個人share一個

週四晚約咗友人喺天后交收迷你兵兵貼紙，兩口子啤完兩輪歡樂時光後見有啲肚餓，所以就入咗去附近一家門面幾搞野o既「早安越南」度食咗少少野先各自返屋企。店子樓底高高，座位全為合併式散座，間隔開揚通爽。相距晚飯時候只有兩個鐘，二人就簡單分咗碗「火車頭湯河」同一客「越式特選細拼盤」。火車頭湯河（$88）：火車頭湯河個湯底香濃而不油膩，薄薄o既生牛肉片入口軟腍，牛丸又夠彈牙，河粉亦白滑軟潤，料中最必選超級爽脆o既牛柏葉，同腍中帶有韌度o既牛筋。越式特選細拼盤（$88）：細小食拼盤包有兩件蒸粉包、兩件香芧雞翼、兩件炸春卷、及兩件網絲春卷。蒸粉包伴上脆脆o既蒜片，再點埋秘汁食，味道就好惹味，不過個人只係略嫌層粉包皮微微厚咗少少。炸春卷香脆乾巧，餡心軟嫩味佳。拼盤中以鬆化輕巧o既網絲春卷最為出色。

新裝修，摩登型格了，食物仍保持水準。生牛肉湯河，牛肉嫩滑，肉湯夠味，河粉細滑，配以份量充足的莞茜和羅勒 。唯一挑剔的是牛肉少了一點紅豆冰超好味，香濃椰汁，飲完都無肚痛。如果多一點紅豆就更好了

以前公司係天后附近，基本上大大小小的餐廳都去食過，事隔一年，居然大變身，多了好多不同形式的餐廳。今日順路經過，感到莫名的興奮。又可嚐新店了。越南菜在東南亞美食中我都好鐘意。見到一間裝修得幾特別，跟傳統的越南菜館大有分別，多了時尚感。鮮蝦蒸粉包多了塊札肉啊！粉皮厚度適中不過厚，蝦隻好爽口，配合札肉和炸蒜片，再蘸醬汁，有口感好味！酸辣海鮮湯黑粉絲黑色的粉絲我都係第一次試，比平常食的粉絲多了幾分煙韌，彈力。吸湯力強，建議快手快腳食。粉絲吸盡湯的精華特別滋味。湯底酸酸辣辣勁惹味。海鮮的魷魚，帶子，蝦和青口鮮嫩，份量不少。整體不錯，下次可嚐一下生牛肉河。