旦王

营业中

休息中

人氣酸辣粉 好彩唔算好多人排隊食過咁多間酸辣粉呢一間係真係最好味，令人最掛住嘅酸辣粉真係酸辣粉嘅世一 叫小辣唔算好辣不麻得過癮唔係太多酸辣粉有呢個感覺紅薯粉煙靭彈牙 真係好好味食過好多次啦 都保持到水準 真係要讚下 希望佢唔好變質肥腸好味 無論係湯底定係紅薯粉都係世一支持本地有質素嘅食店 每次食完都好開心好滿足旦王其他嘢都好食 不過最鍾意都係酸辣粉可能唔係個個都鐘意麻 不過呢個麻食完個掛住佢幾個姐姐做到冇停手 不過都唔黑面 快靚正

同朋友叫咗個麻辣燙,跟咗豆卜、蘿蔔、魷魚,蘿白好甜好甜,魷魚好彈牙爽口👍🏻個汁唔錯 酸辣粉亦都唔錯,紅薯粉煙煙韌韌👍🏻湯底酸辣度調校得啱啱好,想食辣嘢過癮下係唔錯嘅選擇

第一次食酸辣粉就去咗食旦王，點知果然真係如傳聞般一樣咁好食！當日我就叫咗正常嘅酸辣粉再配豬大腸同埋蘿蔔。豬大腸超肥美，然後洗得乾淨亦醃到好淋，可以咬到，份量亦都俾得多。另外，蘿蔔亦都好甜同埋好腍。酸辣湯底方面酸味較重，個粉亦非常煙靱，好食！雖然多人排隊，但只要癮起，都會照去排隊買嚟食

每次經過旺角都忍唔住去買返一碗酸辣粉🥰雖然次次都要排隊，但好在姐姐們動作超快～·酸辣粉旦王啲薯粉真係好煙韌！就算拎到返屋企先食，啲粉都唔會爛曬。再加埋啲肉醬真係超正！有一次我仲加佐酸豆角，9蚊一份，姐姐俾佐超多！開心子！重口味人士每次連湯都唔放過～建議大家外賣嗰陣要分湯👌·魚蛋係我最愛嘅陳皮魚蛋呀～旦王嘅調味真心唔錯，辣度適中！·豬大腸一開始見到啲白色豬大腸嗰陣⋯真心覺得唔開胃😂但食落又覺得真係好好味，而且洗得好乾淨～推薦！·

鍾意食酸辣粉既朋友仔對旦王一定唔陌生，晏晝經過附近又未食野，咁岩見到立食區冇人，咁岩見到男廚神係度🤭，咁岩就行左埋去。⭐️酸辣粉 $29+$11+$11=51(小辣多酸+肥腸+魚蛋) 小辣其實都已經流晒鼻水，配料一向以往比得好豪爽。肥腸既肥美又入味，份量多，每次必叫，薯粉煙靭。咁岩立食區冇人，所以冷氣好夠涼，食到漂晒汗都唔怕，最正係湯底依舊係正宗得黎食完唔會好口渴。咁熱天時唔駛排隊而食到真係好好彩🤭🤭🤭

旺角金魚街嘅旦王酸辣粉，每次去旺角都會吃。加兩個餸人均$50左右，隔離有6-8個企位食，仲有冷氣。薯粉夠彈牙又霖。湯底好香，調料配得很合適，小辣啱啱好，賣相好睇。

旦王既酸辣粉係好出名，我都食過好多次😋特登去買外賣再搭車返屋企慢慢嘆💕酸辣粉+肥腸+魚肉外賣：$55🌕🌕🌕🌕/5 酸辣粉會配肉碎、芫荽、炸菜、花生🥳每次都會叫小辣，對唔算好食得辣既我來講係好足夠👌酸辣粉煙靭好有咬口，配埋佢自家調製嘅湯底，酸酸辣辣係非常惹味🤤肥腸有少量肥膏，自家魚肉其實就冇咩特別，不過配個湯汁係好夾😂酸辣粉呢個價錢嚟講價錢唔係特別平，不過真係好好食😋另外，每次買都要重覆講自己要啲乜3-4次，佢唔係用機落單，客人食乜係靠店員記喺腦入邊，每次排隊既人都唔少，所以要向店員重覆幾次🫣希望可以改善下😂

本來從來沒有想過要試嘅旦王係咁高人氣長期人龍再酸辣粉關注組第一名推介下我決定去買碗外賣try try佢個酸辣粉，另一半唔食酸所以叫左碗麻辣燙比佢😑大約15分鐘就開餐點知碗麻辣燙係清湯咁嘅樣，麻辣燙要3餸再加粉，所以我叫左份蘿蔔試圖一係酸辣粉走芫茜，但有花生🥜榨菜同雜醬$29 酸醋味比較出色之外，成碗野個辣唔得，紅薯粉難食，係最粗最咬唔開果種薯粉，花生🥜反而仲算脆，蘿蔔之前睇Mago介紹話世一～我食第一啖直頭想掉落垃圾桶，冇味又有渣，唔好話世一，佢連正常都唔係，華記都有渣但人哋真係索哂味，呢間嘢世一？🫨每個人口味都唔一樣，我就唔會再幫襯喇👋🏻👋🏻

一個月總有幾日想食重口味d, 今次睇完openrice 就選擇咗呢間酸辣粉。外賣一碗中辣雙份肥腸加牛栢業，共3餸。呢度嘅肥腸同外面嘅有所不同，用小腸部分，內裡充滿油膏，十分肥美，味道不太咸，一咬落去油香充滿口腔，又唔難咬開，要雙份真的十分滿足！ 牛栢業味道正常，份量合理。至於主角酸辣粉，質感不錯，有些店會煮太淋，呢度剛剛好。中辣的酸辣湯口味剛好，會有一層辣油蓋面，酸味亦足夠。如果想要多花生或多榨菜都可以同姐姐講，佢哋會配合。由於店舖只得立吃，環境亦較逼較熱。店舖使用即棄發泡膠盒，較難清洗，不過都要為愛地球出一分力，盡量洗乾淨先回收。如果轉用塗層紙碗就更好了！❤️🌍

呢間街頭美食相信好多人有所耳聞最鍾意既當屬肥腸＋酸辣粉，簡直就係心目當中的top 1必食肥腸：肥腸軟軟糯糯，酸辣粉除佐粉質Q彈，味道都係超正的作為酸辣粉重度愛好者，關於酸辣粉 battle之後，這家仍是心目中的top 1除佐肥腸，酸辣粉，呢到既惹味都超好食.魚蛋係果種陳皮魚蛋，不過我唔係好鍾意啲陳皮既味道，所以我就唔係好推薦啦腸粉燒賣既話我就覺得一般般,大家可以唔洗試不過魚肉碗仔翅大家都係可以試一下既呢到買好佐要係舖頭立食總之，呢個就係我最鍾意既肥腸＋酸辣粉啦

香港地 周街都有酸辣但好味既真係唔多依間旦王 次次都見有人排隊，今日要等時間過，終於有機會試下見到好多食評都推肥腸我叫左酸辣粉多酸小辣轉米線加肥腸(排我前面個男士叫酸辣炒走酸，真係好味咩？）我就地即食，而家可以周街食返野真係好爽既好啦，配料都算充足，唔洗多青都算多炸菜都幾多條而且肥腸有6-7舊一餸做輕晚餐真係唔錯味道方面呢， 佢個種麻辣再夾隻酸真係好開胃既。食多碗都可以一定會再食。推薦比各位鐘意食酸辣粉既大家$29 淨粉以佢既配料份量都唔錯既。

推薦： 🍉🍉🍉🍉 (4/5)    味道： 🍉🍉🍉 (3/5)    價錢： 🍉🍉🍉🍉 (4/5)    打卡： 🍉 (1/5)    位置： 🍉🍉🍉🍉 (4/5)    回訪： 🍉🍉🍉🍉 (4/5)   正宗重慶酸辣粉+肥腸+牛柏葉 (多麻) $27+$20呢間又係俾米線關注組燒到我去試嘅🤣 行到差唔多到個陣，見到排哂隊個間就係啦! 試完終於明點解會俾人吹捧成全香港最好食嘅酸辣粉🤤薯粉好Q彈，咬到中間都完全唔會覺得韌，掛湯汁能力一流，肥腸無染成橙色，非常彈牙，腸中間嘅肥膏唔算多，亦無怪味，牛柏葉好爽口，呢2樣餸吸哂啲渺汁，非常惹味! 😍雖然係叫小辣，但係愈食愈覺得辣，食到出哂汗💦 鹹酸菜份量都幾多，酸味都幾突出，唔會淨係一味覺得辣，微微感受到少少麻感，覺得下次再食可以叫多麻! 😍後記💟 只有立食區+冷氣完全唔夠，如果天氣熱去食要有心理準備會爆汗📍 旦王酸辣粉地址：旺角弼街72號地舖

🐥 旦王 🐥 <酸辣粉>可能我中意呷醋，個人覺得唔夠酸🥲辣都幾辣 但唔係令人上癮 好好食果種辣麻都有啲啲有少少到喉唔到肺不過佢既薯粉係好煙韌果種，唔錯既 <燒賣>無乜特別 少貴唔係特別煙韌但佢辣汁係溝左甜豉油 (我估)，所以我都幾中意佢個汁☺️ .__. .__. .__.🐥🐥🐥.__. .__. .__. 總結：又係比人吹大左 環境：🐥🐥🐥🐣/5服務態度：🐥🐥🐥🐥/5食物質素：🐥🐥🐥🐣/5 性價比：🐥🐥🐥🐣/5 回頭率：🐥🐥🐥🐣/5

終於食到旦王啦～～～真係幾唔錯👍🏻👍🏻👍🏻夠辣😋😋😋叫左小辣，都食到流鼻水😂😂不過如果可以酸啲就更好舖頭細細，無得坐，企位都唔多，人多就要外賣拎走。不過，千祈唔好浸太耐🙅🏻‍♀️淨酸辣粉都有幾多配料，由$25已經加到$29。加左魚旦同豬皮，魚蛋係陳皮魚蛋，都幾入味👍🏻豬皮夠爽口同多,要索多啲汁先食，否則無味薯粉可以稔啲會更好，但整體叫唔錯啦✅👍🏻最後埋單$48，抵唔抵就見仁見智。

終於有機會一試旦王既酸辣粉啦！湯底真係一流，酸辣到融合得剛剛好，中辣都可以接受✌🏻酸菜夠爽口，肉碎同花生都好食😍酸辣粉夠彈牙，不過好似我鍾意米線嘅話，都會選擇食米線🤓魚肉，豬腸，白蘿蔔，牛柏葉都好食喎！不過要留意番，小店旁邊得企位，好彩入邊有冷氣😌▪️豬腸，白蘿蔔，牛柏葉 酸辣粉 $59▪️魚肉，白蘿蔔，牛柏葉 米線 $62▪️魚蛋 $10魚蛋夠辣，係陳皮魚蛋♡好味指數 🌕🌕🌕🌕🌗✔︎性價比🌕🌕🌕🌗🌑✔︎環境服務🌕🌕🌑🌑🌑✔︎推介指數🌕🌕🌕🌕🌗✔︎回頭指數 🌕🌕🌕🌕