影片
招牌菜
8月29日, 今日过开奥海城睇戏, 求求其揾咗间荞麦面食~ 记忆中呢间荞麦面专门店都开咗几耐架喇, 断估都应该稳稳阵阵卦…::: 花之恋饭配冷荞麦面定食 + 胡麻豆腐 ::: $58几款自选饭前小食之中我拣咗胡麻豆腐, 其实咪就系即开一盒即食豆腐切片再淋上芝麻酱汁了事, 味道都唔会难食得去边~所谓嘅花之恋饭其实就系将d花之恋有嘅材料放落个碗度, 当然唔少得大幅增加饭嘅份量! 可惜作为花之恋精粹嘅三文鱼刺身同蟹籽嘅份量就维持原状… 三小块三文鱼刺身无鲜味都算, 个饭仲要唔系有味寿司饭, 只系普通微暖嘅白饭, 而呢个微暖嘅状态同d冰冻嘅三文鱼一齐食系有d核突嘅…作为呢度嘅招牌冷荞麦面基本上系唔错~ 够冰冻, 食落有种清香嘅麦味~ 美中不足嘅系d面淋身咗d, 唔够爽口弹牙.::: 咖哩猪扒饭配冷荞麦面定食 + 炸饺子 ::: $58炸饺子个卖相都熟口熟面, 平时d café或者k房叫𠮶d都系同呢个一样~ 味道浓浓嘅, 唔算新鲜嘅肉, 个皮都几脆下, 算系咁.咖哩猪扒饭个咖哩好似包装咖哩咁, 个味道甜甜地, 有d萝卜粒, 薯仔粒, 应该都系包装咖哩附送嘅配料. 吉列猪扒个炸皮同猪扒分开, 浸咗d咖哩汁又好淋pat pat, 麻麻地…::: 串烧牛舌 ::: $22另外叫咗一客串烧牛舌试试, 系细细块嘅薄烧牛舌, 烧得颇干, 牛味一般~ 普普通通咁啦~其实呢度d野食唔算特别好, 不过主打食荞麦面嘅专门店毕竟有佢嘅招徕. 但竟然我地食完无耐佢就执咗! 唔知系咪都系敌不过地产霸权而被卷走呢? 希望如果新开嘅仍然系食肆的话都只会越开越好味啦~
继续阅读
周围都大减价, 今晚就约埋朋友一齐去扫货!!!Shopping咗一阵, 就去咗填吓个五脏庙... 朋友路过呢间「日田」就比佢吸咗入去... 我都未赶得切同佢讲我几年之前食过麻麻地...见到特选定食几抵咁, 就Order咗2个...加州卷--冇味...炸饺子--OK...烧鸡芥末紫菜饭 配 冷荞麦面定食--烧鸡味道都OK, 不过唔知D芥末去咗边... 冷面酱冇咩味... 面质还可以...鳗鱼饭 配 热赞岐手打乌冬定食--个2片鳗鱼嘅卖相好唔吸引... 朋友话我个烧鸡饭好食D... 唔系呀嘛, 我已经觉得食完冇咩干劲嘅啦㖞... 咁呢碗鳗鱼饭我真系不敢恭维...食物已经唔算好味, 仲要隔离枱人嘈到拆天, 由头嘈到落尾, 虽然佢地似系讲国语, 但系都听唔明佢地讲咩, 坐佢地隔离真系想插聋自己对耳!!!服务都系一般, 环境唔算挤迫, 虽然价钱唔算贵, 不过应该唔会食第3次...
继续阅读
2个人系奥海城揾野食, 睇左好耐就试下乔麦面, 天气禁热食冷面就最适合了~我叫左个SET $50 有花之恋饭+乔麦面+小食小食:加洲卷, 冻豆腐我个人觉得个面真系几冻几好口感, 唔错. 个花之恋饭, 太多饭, 3文鱼好薄..得3片..朋友叫左天妇罗乌冬, 评价系无咩特别我们认同都系乔麦面系呢间店最好选择总括都系一间几经济的日本野呀~好食过自家乌冬
继续阅读
在34度高温之夏，揾野想食都几难！样样野都热辣辣，见到都无咩胃口。星期六走入商场凉下冷气都不错丫！行完三期我同老公本想去食日本野，点知见到一系好多人排队，一系贵到无影！ 所以我地又行返出二期揾食！路过门面有好多Soba既模型样板，看来都好味，又见价钱都OK就选佢啦。见到都是有坐满，我地等了几分钟就有位安排（木人行）见到餐牌当然是叫Soba啦！4字头既价钱，都OK啦，仲有咁大只虾（相片）冷大虾温泉蛋荞麦面来到的竟然 （真系只供参考）D面比想像中淋，唔系好冻～及个汁好淡，好似加了水，可能面未停干水老公叫了(什锦天妇罗)结果真系什绵？都叫有2只虾各1片地瓜及青椒，可怜的是天妇罗软身唔脆（份量超细）细个吉野家D牛肉饭！个天妇罗汁连萝卜茸都无。食完两样都一D都唔满足！幸好仲有个小食 烧无骨牛肋排真是上碟都咁是但？有D似烧汁炆，甜甜地味道，都几淋几好食！我想我最感觉良好的就是～冲绳桶柑梳打酸酸地，几香柑味，当然我没有发现有果肉啦！
继续阅读
本来是约了三位好朋友食饭,但因为有两个临时不来,所以就单独跟剩余的一位朋友共聚晚餐...逛了一会儿后,我们决定试一试这间餐厅先来一个炭烧芝士年糕...口感很好,有浓烈的芝士味,值得一试...烧多春鱼有点焦,但肉质甜美,你也可以一试吧我觉得这个鸡软骨串是整个晚餐的焦点!!!!!!!!!!真的很好吃, 点了一些柠檬汁,更加带出肉质的鲜味.下次来一定再会再试试这个.这个三文鱼饭不过不失, 饭的质量很多, 但三文鱼不太新鲜炸猪排荞麦面值得推荐给大家...猪排炸得很香,面条也弄得不错蟹柳小卷很普通, 可以试一试更精美的寿司小吃
继续阅读