影片
以上资料只供参考，请与餐厅确认详情
冇谂过今时今日出来食嘢仲有啲咁嘅服务态度。 第一次来食，问下佢野好似阻住佢倾偈玩手机咁，仲扔部手机落张台度。我又唔系喺度做紧系冇你咁熟个餐牌噶啦。。。。。。只可以话呢间系唔忧做/唔想捞日本餐厅。
继续阅读
埋位落Order个女收银面色好差，可能老板出唔够粮俾佢所以黑面到～ 嗌左个三文鱼蟹籽丼套餐（$65蚊附2件迷你泡芙）外卖返去开个丼好惊喜，4块三文鱼片纸咁薄，就黎可以透光。附上照片，隔离有盒鱼尚三文鱼刺身$38作对比，人地鱼尚仲大方过佢😂 真系估佢唔到～ 希望店家见到可以改善下，无生意唔系无原因，遇到问题要变通。通关后一车车香港人蜂拥去大陆帮衬d餐厅，系香港顶住嘅餐厅更加要争气d做好本份。依然有港人坚持留港消费嘅💪🏼，唔好令依d人失望。
继续阅读
$64 劲少！！！！！！！！！如果$64少但好食其实可以接受，但系好难食呀！争鲜都好过佢个薄切三文鱼纸饭！三文鱼薄过纸，啲饭又硬又冇醋味。做一个鱼生饭如果饭咁难食不如唔好做餐饮业，去街市卖鱼算啦！鱼仲要入口即化呀，劲抽过拖罹，好似冇食过咁。唔好以为啲鱼子冇事㖞，硬到食塑胶粒咁。不过又唔系所有嘢都咁差嘅。老实讲句啲紫菜系唔错嘅，又够紫又好有紫菜味。系呀因为唔系间嘢整㗎嘛！啫系间嘢做一个唔使煮嘅鱼生饭都可以整到咁难食！
继续阅读
今日去旺角周围都系人就求其去food ciurt 食,点知食左间伏铺,叫左猪软骨拉面,d面好似糊仔甘,仲衰过即食面,个猪骨汤系味精水, 个玉子好少少,不过都系冇蛋味,永不再食
继续阅读
.#foodie #hk #hkfoodie #HTB美食推介【旺角难食鳗鱼饭｜Food Court都等咗20分钟🕓】🐨蚬肉乌冬配迷你鳗鱼饭 $62推荐度：⭐️见佢系人气之选想试吓，本身对food court嘅嘢食都冇乜好大追求，但等咗20分钟，令我以为佢系一啲好高质素嘅食物😵💫😵💫最后...就更加失望....蚬肉乌冬鲣鱼汤底冇鲣鱼味感觉似清汤多啲，蚬肉大约有五粒左右，每粒都系细细粒，仲要有沙。谂住鳗鱼饭会好少少，但系饭系普通白饭，有啲硬...鳗鱼得三片比起争鲜嘅鳗鱼寿司更加薄，而且鳗鱼汁偏少，成个鳗鱼饭都冇味🫨🫨完全唔知食紧乜... ——☼——☼——☼——☼——☼——日渔📍地址：旺角弥敦道700号T.O.P This is Our Place地库S4号舖🐨推荐度：😋/5 💰人均价格：$50-100🪸环境：👾🗣️服务：👍🏻📸食物打卡度：💡🛠️分类：#HTB旺角 #HTB日本菜.#旺角美食 #旺角 #日本菜 #日式 #乌冬 #鳗鱼饭 #迷你 #foodcourt #美食推介
继续阅读