影片
更多
2022-09-27
193 浏览
最近愛上咗食牛，特別係靚牛，同埋要係燒🔥牛，所以要求越來越高，每次一定要食高質素牛🥩馬鞍山呢間啱啱新開嘅燒肉店，門面裝修好吸引，佢哋以日本江戶時代的鬧市為主題，坐得舒服空間又濶落，而且服務招呼十分到位👍🏻120分鐘嘅放題，有四個價錢，今日我就先試吓個$469日本產黑毛和牛燒肉放題，有68個item任食，全部電子落單，方便準確快捷🤗第一Round 特上牛肋肉（鹽）或（燒汁），淨睇賣相已經無得輸，可以話我食過最靚嘅質素（以相同價錢比較），無論大小、厚薄，可以話接近完美🥰切燒肉嘅厚薄其實係非常之重要，太薄又唔夠口感，太厚又好容易俾人有韌嘅感覺，所以一間餐廳對食物水準嘅供應要求，都已經睇得出佢對客人嘅嚴謹態度，你睇吓佢嘅顏色，全部呈現粉紅色，雪花分布均勻，聽住佢比啲火燒到吱吱聲，真係未食都已經口水流😋😋😋壺漬果味牛肋肉，柔軟又香濃的牛肋肉，鮮果燒汁醃製，燒後陣陣果味，回味無窮🤗帶子、青口、鮑魚，清洗乾淨又新鮮，入口爽甜鮮，估唔到海鮮類都咁有水準😋其他不同肉類選擇都好多，梗有十款八款啱你心水，而且全部都好味，又高質素，未食完，我已經諗住下次幾時再嚟😂之後仲嘆埋佢哋嘅自助沙律吧，雪糕，爭啲唔記得佢
馬鞍山呢間啱啱新開嘅燒肉店，門面裝修好吸引，佢哋以日本江戶時代的鬧市為主題，坐得舒服空間又濶落，而且服務招呼十分到位👍🏻
120分鐘嘅放題，有四個價錢，今日我就先試吓個$469日本產黑毛和牛燒肉放題，有68個item任食，全部電子落單，方便準確快捷🤗
第一Round 特上牛肋肉（鹽）或（燒汁），淨睇賣相已經無得輸，可以話我食過最靚嘅質素（以相同價錢比較），無論大小、厚薄，可以話接近完美🥰
切燒肉嘅厚薄其實係非常之重要，太薄又唔夠口感，太厚又好容易俾人有韌嘅感覺，所以一間餐廳對食物水準嘅供應要求，都已經睇得出佢對客人嘅嚴謹態度，你睇吓佢嘅顏色，全部呈現粉紅色，雪花分布均勻，聽住佢比啲火燒到吱吱聲，真係未食都已經口水流😋😋😋
壺漬果味牛肋肉，柔軟又香濃的牛肋肉，鮮果燒汁醃製，燒後陣陣果味，回味無窮🤗
帶子、青口、鮑魚，清洗乾淨又新鮮，入口爽甜鮮，估唔到海鮮類都咁有水準😋
其他不同肉類選擇都好多，梗有十款八款啱你心水，而且全部都好味，又高質素，未食完，我已經諗住下次幾時再嚟😂
之後仲嘆埋佢哋嘅自助沙律吧，雪糕，爭啲唔記得佢哋仲有好多唔同嘅飲品汽水無限量供應，而且由頭到尾招呼好，服務細心，有禮貌，今次真係全五星🌟
张贴
