日本料理「和亭」 (已結業)

好耐無去和亭食喇, 剛剛行左沙田成日, 行埋宜家就去和亭開餐~~ 不過太多人同一時間開餐, 好在有ikea sofa坐底慢慢等.依個海鮮麻醬拉麵, 真係好好味!! 好啱我胃口, 食完都要特登去citysuper買拉麵同麻醬自己試下整先.食日本野都會order的雞軟骨, 炸得夠香脆, 正! 炸豬扒, 個粉厚左d, 唔點醬根本唔夠味.四食三文魚, 賣相已經一流, 有susi, 鹽燒, 海苔沙律味 同 腩刺身, 款款都咁正, 必食!! 蝦同鰻魚天婦羅, 都新鮮, 可惜味淡.總括食咁多野都係2百蚊埋單, 好味抵食, 重想點!

牛肉泡菜飯極之難食, 飯係熱嘅, 但啲牛肉係凍嘅~叫了一杯飲品, 話係本月推介, 叫柑桔可樂, 但佢嘅可樂係完全冇氣, 好似飲磄水咁!!! 真係好唔掂!!!I will never go here again!

唔知食乜好, 知道HOME SQUARE開左和亭, 就去食啦~勁多人等位, 拎左飛仔, 仲有十幾張枱先到, 係附近的SOFA坐低, 但原來一D都聽唔到佢叫號碼, 隔左一陣, 原來佢已經叫左3-4個號碼, 唯有密密走去問佢叫到幾多號~ 好在後來無啦啦有個人兄走來話俾張飛仔我地, 下一張就會到, 因為佢地想2人枱轉3人枱, 但職員唔俾轉, 所以佢地要走, 俾左張飛仔我地, 算係出路遇貴人, 但佢地好慘啫~ 多左一個人, 唔通又重新排過隊等過咩~ 在等之際, 拎張外賣紙睇定吃乜東東~坐低左, 環境其實OK, 但餐廳入面超嘈, 在餐廳內反而聽到勁勁大聲門口職員叫號碼, 超奇怪~ 所有有紫菜的SUSHI, 紫菜全部林的 , 其實壽司味道是OK的, 但紫菜唔洗咁林呱~帶子壽司: 味道OK, 但其實覺得唔太新鮮~軟殼蟹壽司: 軟殼蟹超超超林, 而且係凍, 蟹籽又係個卷物面甩出來, 到底係咪想倒米唔做生意?! 個鍋已經叫做最好食, 可能個湯底, 令到成個鍋的食物都好有味, 豆腐滑, 肉唔韌 , 但帶子就好似一個五豪子咁大咋~ 凍的炸物, 我都第一次吃~ 我老公吃先, 我都唔信, 以為係個汁

由於成日都爆棚多人, 排隊都要排幾個字, 所以一直都冇機會食.今日早上做野快手, 所以才有機會一試呢.我叫個鯖魚燒定食, 兩個朋友要石鍋飯定食;鯖魚燒係半條的, 都不少肉, 加上個飯及個沙律, 幾飽.燒得幾好, 唔乾, 又入味.朋友的石鍋飯也很好, 好熱, 也足料.不用加錢可飲柚子蜜梳打, 都一試先;唔太甜, 少少酸甜, 其實都好易入口.服務很好, 也很友善.3人食了200蚊倒. ok 喇.原來係和民集團之一.水準得吧.

是日家人生日, 星期日, 6時許攞位, 不用排隊店面裝修開揚, 上菜, 埋單速度快, 態度也不錯惟4人的白色飯匙上竟黏住飯粒!!! 感覺很不衛生! (但除此之外, 其他餐具, 桌椅也算清潔!以下是我們的晚餐, 用手機影的質素一般, 請見諒

去開沙田, 想睇吓呢個號稱全港最大嘅一站式家居主題商場。兩點去到, 先食咗個晏, 入面只係得幾間餐廳, 唔揀酒家, 最似樣嘅就只有和亭。仲係lunch time, 所以叫咗lunch set同加錢要壽司石鍋鰻魚飯 - 好普通, 只係鰻魚飯放入石鍋度上, 味道一般牛肉烏冬 ($29) - 清湯, 諗唔到都幾彈牙, 好味, 係肥牛太肥三文魚壽司 (+$8) - 飯有啲散腐皮壽司 (+$6) - 飯有啲散個餐有沙律做前菜, 亦有餐飲, 都係$30-40左右, 日本嘢嚟講真係算抵!仲可以夾單攞泊車優惠, 雖然只係免1個鐘, 不過都覺得OK!

呢日..我返工要落場...仲要2個幾鍾頭....原本都唔知去邊...假期度度都人多呀~~想舒服d食個下午茶都唔得呀~~但因為我有張和亭現金卷.....所以就諗住去食啦....點知去到...唔洗等位...冇咩人我叫佐碟[]+coke拉面有咬口....汁好好味.....10分呀^^埋單都係49.5~~計埋加一~~~^^呢日...真係勁hea禁過~~~~唔知係唔係冇咩人黎呢....個度D服務好好....

wowlunch time真係好多人排晒隊架.工作關係來到沙田,食飯時間1小時,還是乖乖留番係商場內開飯喇.商場5樓得大快活和和亭,重有間酒樓和ikea入邊的食物.係無咩選擇的情況下,明知多人等位都要等和亭喇.店內有三張小圓櫈俾等位的食客坐,而店外對出,亦有數張大sofa商場顧客坐.所以都算係等得舒服.等左成15分鐘.重好大膽叫左個"香蒜海鮮食頭飯"定食,waitress話要等"廿分鐘",都等喇.好味的嘢係要時間架嘛.很好彩,10分鐘後熱辣辣石頭飯送到.重幫我即時倒埋豉油,攪左兩吓d飯呢.材料都幾豐富,有蝦,帶子,蟹子等.蒜頭味不太重,都好,唔駛食完成"浸"蒜口味個石頭鍋又夠晒熱,幾好味.餐跟埋個面豉湯(咸道適中),沙律(開胃芝麻醬),飲品(叫左熱柚子蜜),呢三樣都不過不失.熱茶幾好飲,夠晒熱辣辣.我添飲多一杯呢.其他呢間店都好多坐位好大.只是lunch time人手可能緊張d,抹唔切枱先要等吧.兩個人的位,一個人坐,唔等餐懵之奇,但多個位放手袋就食得舒服d囉.門口劃飛個姐姐可能忙喇.做到目無表情.但又不之於可憎.

知道呢開和亭新開張，就同幾個朋友專程去慶祝生日之前都去開九龍區ga分店食，食完呢間就有d失望而回.....係門口等左陣，入到去個侍應比左杯茶，摸落去以為杯茶係暖暖地架啦！點知飲淡先知杯茶熱到嘔，叫人點飲得落口，仲要個店員唔聲唔聲，又目口目面咁，完全影響左開心個種氣氛當我地杯茶飲到無個陣，又要我地叫幾次先會慢慢行黎加茶！講起服務真係比放題個d仲要差！講完服務！講番d食物， 我覺得d野唔太新鮮， 亦唔太吸引， 睇左好耐先諗到想食d乜...............最令我印象深刻ga係豆腐魚餅，薄得黎咬落去仲淋到有d就黎溶咁，唔太好味~~其次仲叫左牛肉沙律，點知d菜食落去個陣勁多水咁，同其他分店又有d唔同咁之後叫左個泡菜，又係有少少水咁,,食落去苦苦地，唉！差~~見d刺身個樣咁好就叫左個三文魚刺身試下！反而刺身厚得黎有d水準，最好食ga竟然係刺身最後食左2個石鍋飯，不過都係失望......石鍋只係暖暖的，整到d飯唔太熱食完呢間，希望下次再去食個時會有所改善啦！如果真係想食好野同埋想質素好d就盡量唔好去呢間食不過呢間ga好處就等位快同埋坐得比較舒服...係一個傾計ga好地方比我ga話，下次都係食