日木三分車仔麵 (已結業)

我第一次去呢間車仔麵堂食🧡之前都係食外賣 去到間舖頭發覺呢間外賣超多 但堂食冇乜人 所以職員都冇乜服務可言😂但係！！佢嘅麵係好有heart💙每樣餸都好足料🤩仲有佢啲餐具都好有heart🥣🥢木造同埋印哂店舖名 我好鍾意💜兩餸麵 $34 (沙嗲撈加$4)好驚喜佢有車仔撈 唔駛一定食湯麵🥰揀咗粗麵🍜肥牛、鴨腎沙嗲汁好夠辣同重味 啲餸份量好多 肥牛稍為有少少鞋 鴨腎咬落好爽撈粗真係好正😍😍又大碗抵食 下次再去

一直有識開本鋪嘅上海菜，今次就試吓佢嘅車仔麵啦，嗌左外賣三餸車仔麵兩碗。餸就叫咗豬紅，魷魚，滷水雞翼，魚餅，魚片頭同牛腩。豬紅同魷魚都好食，其他餸就正常一般。湯底叫咗小辣，但我覺得都幾辣下，最後要加水落個湯先食得晒，所以唔食得辣嘅朋友可能要小心啲。整體來講我覺得本鋪嘅上海菜比車仔麵較為出色，但都值得一試嘅！

有次staycation 夜晚要搵外賣食 搵搵下外賣平台見到有呢間未食過嘅車仔麵🍜我冇記錯佢係有超過30種餸俾你揀 亦都有成11種麵類俾你揀 我係未見過車仔麵有咁多款餸同麵揀😂睇嗰陣都睇到我眼花撩亂😂仲要有我喜歡嘅薯粉😍😍✨✨✨✨✨✨✨✨✨🍜三餸麵 $40最後我就揀咗豬紅、通菜、肥牛薯粉(小辣) 佢啲料比得好足 爆哂😍湯底 - 重腩汁 辣味足夠🌶豬紅 - 好滑好入味 同啲湯一齊好正😍通菜 - 唔知點解辣得好誇張😂😂😂不過辣都一樣好食🥰肥牛 - 嫩 唔會過熟薯粉 - 係我鍾意嘅粗薯粉😍唔會過淋 做到煙韌感覺😚呢碗車仔麵我俾滿分💯‼️‼️‼️柚子雞翼(6隻)超！級！好！食❤️🧡💛💚💙💜酸甜嘅柚子汁浸住每一隻雞翼 每一啖都食到好重嘅柚子味😍我唔係誇張 佢個柚子汁真係整得好好😚

遲食lunch嘅好處係可以食到下午茶，呢度2:30後有下午茶，3個餸包嘢飲都只係$38，仲要暫時堂食外賣都有9折，即係$35一餐，好抵食！呢度個湯底可以揀加腩汁同辣度，仲有唔同麵類同配料，都真係好多選擇，有雞翼、丸類、蔬菜類等等，不過因為下午茶只可以揀三款，所以其他下次再食。雞翼尖冬菇生菜米粉湯底好濃味，雞翼尖好多隻又好入味，仲煮到好腍；冬菇雖然有菇味但係太甜，食到用糖煮嘅；生菜正常無特別，不過份量真係好多。食果時記得加埋炸蒜同櫻花蝦一齊食。

家住在北角附近，朋友和我都很喜歡吃車仔麵，第一次去食嗰陣，我覺得個湯底唔夠味，但最近去食，覺得佢個水準都有越嚟越進步！首先我覺得佢嘅份量都好大，一個女仔食其實都好夠飽，我最鍾意食佢嘅冬菇，好入味！佢嘅魚肉春卷都唔錯，同埋蘿蔔都煮得好清甜，不過間中會有渣。湯底方面，佢啲湯底都幾好味，同埋佢好夠辣！不過我上次食咗佢嘅蒜蓉辣醬，我就嫌太過油膩，所以下次都係嗌返小辣好啦！另外，我通常都會叫多一碗菜，佢啲菜嘅份量都好大，兩個人share食都好足夠！

之前叫外賣都常都直接打去餐廳叫，最近先留意到原來OPENRICE都有外賣自取既服務，而且因為新推出，有優惠。按入去外賣自取既餐廳，有啲餐廳會有OPENRICE既特別價，如果岩食既真係好抵（近乎半價）。今日星期日，當然係懶惰一下既時間啦，因為今日唔想煮，所以試吓外賣自取既新服務。呢間車仔麵叫日木三分車仔麵，雖然冇OPENRICE特別價，但佢本身唔係貴，兩餸麵由$36起，而且啲餸又幾好食，特別係豬紅，入味得來又唔腥，我老婆大人唔好豬紅都話好食，值得推介👍👍。而個湯底，大家仔細留意吓，佢係用蝦米仔落去餚（圖三會清晰啲），所以我覺得佢哋都算幾用心，本來唔想飲湯既我都飲咗幾啖，因為真係好夠味👍👍

公司附近開咗間新嘅車仔麵店，成日都大排長龍，今日終於有機會入去試一試。我今次就叫咗個五餸嘅車仔麵，盛惠$49，車仔麵來講都算貴。咁我就揀咗炸腐皮、墨魚頭、豬大腸、咖喱魷魚同埋通菜。碗麵一上嚟嘅時候第一眼就比個炸腐皮吸引到，大大塊舖係車仔麵上面，好震撼！但食落唔算話好脆，仲有少少油味，好睇但唔算好食。值得一讚嘅就係個咖喱魷魚同埋墨魚頭，咖喱魷魚爽脆，墨魚頭亦都有鮮味，非常之好食。大腸同埋通菜就正正常常啦冇乜特別。$49雖然唔算好平，但係都食得好飽。而且餸嘅份量都幾多，算係咁啦。可以值得一試。

一向好中意食車仔麵，但北角近年新開幾間都唔好食。上星期見到丹拿度嗰間日木三分上海嘢竟然隔一條街開左間車仔麵，好奇之下就嚟試下，點知非常有驚喜！首先價錢方面，而家d車仔麵店通常將d餸以價錢分類，菜呀腐皮嗰啲就7蚊8蚊，肉類例如雞翼牛腩同丸嗰啲就9蚊10蚊，名貴啲例如花膠嗰啲就11蚊至15蚊都有。但係呢度就所有餸都係劃一價錢，而兩餸起$34，三四五餸都係每加一款就只係加5蚊，即係五餸只係$49，好抵！咁抵又有選擇困難症嘅我無理由唔揀五餸！最後揀左墨魚頭、韮菜餃、蘿蔔、豬膶、咖哩魷魚，配米粉，中辣。一上枱大大碗已經覺得好豐富，最驚喜係除左一般粉麵檔會有嘅炸蒜同葱花之外，仲有櫻花蝦！成件事即刻高級左！湯底方面由於我叫左中辣所以唔係好知本身咩味，但似係比較濃味嘅紅燒/腩汁湯底。中辣對我嚟講剛剛好，佢嘅辣醬唔係潮州辣椒油嗰隻辣，有少少似係是拉差橙式醬嗰隻辣，好惹味。米粉正常，餸方面全部大大份，唔會因為只係5蚊一款將貨就價，性價比極高！跟住每款餸講少少！墨魚頭：從來未喺車仔麵店見有呢樣餸，本身中意食墨魚丸墨魚餅嘅我一見到就即刻揀左，結果非常驚喜！大大件爽口得嚟有嚼勁，有成5-6舊，值得推介！韮菜餃：