日日香鵝肉飯店 (和富中心) (已結業)

上次吃过红磡店,今次经过和富中心见到又心痒痒就走入去食,由于铺头喺地库,人唔算多,坐得非常宽松舒适。我哋二人叫咗一个狮头鹅皇饭同狮头鹅肉饭,仲加多两杯饮品。狮头鹅皇饭好丰富,有鹅片、鹅肝、鹅肠、卤豆卜、卤水蛋…希望冇数漏,用一个大碗载晒咁多材料,睇见就流晒口水。我叫嘅狮头鹅肉饭,分别就系冇咗鹅肝同鹅肠,真系觉得有啲遗憾。首先冇得食好爽口嘅鹅肠!又冇得食潮式鹅肝! 虽然鹅肝size唔大,但系做得唔错。可惜我心里面仍然念念不忘想当年喺潮州食嘅鹅肝,入口溶化不油不腻嘅鹅肝,同西式煎鹅肝嘅方法不能相提并论,好神奇嘅口感,真系食到有飘飘然嘅感觉!好似太夸张㖭,总之暂时香港都未揾得到。一边食饭一边见到旁边嘅电视不停loop谢霆锋同杨千桦,讲佢地去食呢间卤水鹅嘅节目片段,仲有大大嘅poster,写住"澄海卤",系国家非物质文化遗产㖞!我谂呢间铺头喺国内真系唔惹少,香港仲有好几间分店。呢间舖头谂到用碟头饭嘅形式卖卤水鹅,经济实惠,啱晒我呢啲有时想食卤水鹅,又唔想买半只咁多嘅人。整体食物水准真系唔错,如果唔系我都唔会番食其他分店啦。…查看更多

食开呢间餐厅嘅鹅片饭，味道唔错鹅肉鲜味。今日心血来潮转左鹅肉饭，碗饭嚟到发现啲骨仲多过肉。最大问题系啲骨斩到碎晒，食鹅肉每一啖有骨碎不在话下，啲骨碎仲要跌晒落碗饭入边，每食一啖饭都要拎返啲骨碎出嚟，实在同佢餐牌入边𠮶幅相差好远。最后同待应反映嘅时候，我都忍唔住问佢：「请问我呢碗系鹅肉饭定系鹅骨饭？」佢话鹅肉饭就系咁嘅，唔想要骨就叫鹅片饭。当个侍应咁样解释，就知道依间餐厅冇谂住改。平时食开都满意，但今日实在唔太好彩，最后赶时间连饭都食唔饱就继续做嘢。建议叫鹅肉饭套餐前要谂清楚:(…查看更多

5月7日中午去到和富中心地库商场找东西吃，看见日日香这名字很有趣，之前见到这店的时候想帮衬，只是因为去购物没有时间。今天点了午餐无骨猪手饭，鹅片饭 。份量适中食了味道很好，最有惊喜的就是配菜有炸鱼条，半只蛋，青菜及咸酸菜，觉得很用心机去做。人客不多，但招呼很好，我会再来的。…查看更多

同屋企人撑枱脚，于是就去咗屋企附近嘅呢一间餐厅食饭，有一个好抵食嘅二人套餐都只系$288！呢一度嘅卤水拼盘真系好好食，烧鹅髀啖啖肉，而且呢度嘅卤水汁非常之香，唔会系好咸𠮶只！卤味拼盘仲有猪肠，豆腐，卤蛋，红肠，真系非常之丰富，用嚟送饭真系一流…查看更多

跟朋友黎到北角揾食，佢好烧味，所以黎咗呢间专食鹅嘅。感觉都几新鲜。由于唔想谂嘢，所以随便拣咗两个有鹅嘅套餐就等食了。先上卤水鹅脾濑粉，卖相相当唔错，上碟时亦有阵阵烧味味，令人食旨大动。为方便食，师傅已切件，易夹。食落无想像咁韧，皮有啲脆，颇有惊喜。旁边仲有豆腐豆卜同埋蛋呢啲卤水嘢解下腻，几好。再上特级卤水鹅皇米粉，有鹅片鹅肾鹅肝鹅肠鹅蛋，真系俾你试齐哂。自己麻麻地肝肾呢啲食落好粉嘅，但一场黎到都试下，佢比想像中实啲，啱我呢啲惊粉嘅人。鹅片相当腍，有惊喜。最惊喜系鹅肠，劲爽又弹牙，忍唔住一条接一条咁食。呢间份量颇多，所以唔好俾价钱吓亲，佢坚足料！…查看更多