日日涮 (已結業)

今日放工約朋友晚餐， 去到旺角創興， 食開嗰幾間都大排長龍， 見呢間新開張又有優惠， 一於去試試。新開張優惠係兩個人頭第二位半價， 我揀咗最平嘅package， 178蚊一位， 不過埋單加埋一都唔使400蚊。呢個package包左最低級嘅美國肥牛， 黑豚肉同埋雞肉， 仲有刺身任叫。 佢個美國肥牛都唔算太差， 你當係吉野家肥牛差唔多啦， 豬同雞都係正常嘢。 大堂仲有好多唔同丸類，菜供應， 飲品又係有好多類型， 除咗正常嘅凍飲汽水， 就連熱飲機都有一部。 醬料就同一般嘅shabu-shabu差唔多。今次我就叫咗個壽喜燒湯底， 例牌都送咗一隻生雞蛋， 壽喜燒湯底好甜， 點肥牛一流。 不過我坐嘅位係冇電子爐， 所以我係明火煮食， 唯一麻煩就係成日燃料耗盡， 兩小時任食其間， 都斷火兩次。 是因為侍應太忙， 兩次都等咗好耐先有人幫我點火。

旺角創興新開夜日日涮，以為佢得火鍋點知而家加咗午巿定食😳😳😳仲要今個星期特價，全部都係$48蚊咋，原價$88架🙈🙈🙈有多款選擇壽司/小食/丼飯可以選擇🍲🍛🍱🍣我同朋友揀咗一個壽司set同埋一個刺身飯， 刺身好新鮮，都算幾厚同肥美， 包埋麵豉湯，$48黎講cp值極高!!!👍👍👍

天氣凍凍，早上11:30同事已經叫肚餓話要早d去食lunch，12:30pm 郵差叔叔派左張傳單黎，見到係午市火鍋又新開張，咪同個同事去試一試！可能係新開張，客人比較少，但地方都寬闊又乾淨又光猛，坐得好舒服下！同個同事各自叫左唔同既湯底，一人一鍋，我要麻辣，佢要清湯。個火鍋係用gas ，但d gas 唔夠一小時用。我地叫左$78 一位既火鍋，牛肉，豚肉，鷄肉就係定食，其他嘢就任食任飲一小時！唔知係咪新開張既原因，所有食物都好新鮮，醬料又多選擇，而佢地既芥末龍蝦丸有驚喜，值得推介！最後食到好飽，仲食左兩杯乳酪先離開！今日同個同事食左一餐好豐富又好味既午餐！