日常茶室 (MONTEREY Place)

营业中

休息中

話説鵝大大放完幾日假之後發覺好似肥左幾Kg, 就拿拿淋約班朋友仔去將軍澳Monterey 會所打羽毛球啦「鍛煉」下啦。🏸🏸💦激戰左2個鐘之後鵝大大正準備返屋企時，經過門口間冰室時朋友仔問要唔要試下可能係全區最抵既下午茶，呢一個moment鵝大大當然好肚餓啦又。🌝🌝仲洗講，9秒9衝入去坐低就大嗌：生炸雞髀配紅豆冰丫唔該!! 🍗🫘🧊🐧可能侍應哥哥見到鵝大大就知距好肚餓，6分鐘後熱辣辣既雞髀同紅豆冰就安全送達啦。雖然選擇紅豆冰就無其他配菜，但黎到有沙律菜同蕃茄仔伴碟🥗，都好有誠意丫。😋😋雞髀外表睇落似乾左D，但一咬落去係竟然無好硬同好Dry既感覺；反而皮夠哂脆亦唔油膩，可以放心唔怕肥肥連皮都食埋。生炸雞髀既雞肉先係精髓，咬落又多汁又夠味道，唔會太鹹同零雪味！正呀喂！😍😍📣📣美中不足既係杯紅豆冰就一般左啲，紅豆唔太甜不過份量有啲少，牛奶煉奶假如再多DD就啱啱夠滑啦。🥲🥲重點係埋單以為自己睇錯，呢區竟然$39咋，無錯係$39咋！Unbelievable~~ 😱😱😱朋友仔果然好介紹😈😈味道：🐧🐧🐧🐧價錢：🐧🐧🐧🐧🐧滿足：🐧🐧🐧🐧日常茶室 地址：將軍澳唐俊街23號MONTEREY Place 地下G

今日朝早去左將軍澳探朋友新出世既小朋友，咁啱係附近搵下早餐食，誤打誤撞入咗呢間叫日常茶室既茶餐廳 茶餐廳黎講，空間都算係比較足夠，座位唔會有好迫嘅感覺 店員態度亦都非常友善早餐黎講，呢一間都算合格，煎蛋同埋午餐肉都係熱辣辣，唔係事前煮好嘅，再加一個餐包 一開始淨係食頭呢三樣都有少少飽 我嘅套餐，仲有一個豬扒米粉，豬扒都幾大件，調味都做得唔錯，識落唔會有太鹹嘅感覺，豬扒亦都唔會咬唔開，米粉嘅份量都足夠，整體上用餐過程愉快

小編居住的商場只有金記、太興、茶魚飯后這幾間茶餐廳，味道一般、菜式沒有驚喜……今晚踩單車去將軍澳南的「日常茶室」試下！ 餐廳裝潢格局一茶餐廳格局。單車可以放在餐廳店內夠安全，方便我們這些單車友。晚上食客不算太多，反而留了不少位置去準備外賣。菜式款式有炒粉麵飯、焗飯、中式小炒……等。價格定位相對南澳餐廳叫做街坊價錢。乾炒豬扒公仔麵$72 包中湯或飲品。豬扒鬆化肉質不嚡口，公仔麵炒得夠乾身，調味不太咸，整體味道不錯。土魷蒸肉餅$69 即蒸製作時間需時，差不多食完才上枱，建議早些下單。肉餅質素佳，值得等待。肉餅不乾身、鬆化好味。土魷用半乾濕，口感及香味佳。椒鹽牛仔骨$99，加$16 有白飯、中湯或飲品。椒鹽味道香好惹味，辣度恰到好處夠開胃。只可惜牛仔骨肉質硬身、不夠鬆軟。份量多、價格比小編屋企附近茶餐餐廳略高。是日中湯 ~ 味道偏淡，至少不是味精湯。「日常茶室」食物味道不錯款式又多，只是茶餐廳晚市竟然冇水吧，冇基本的咖啡、奶茶……只有汽水就有少少奇怪。

我住附近，所以有時都會去食早餐。其實堂食係冇問題嘅質素有水準。不過早餐外賣自取感覺就非常差，每次都要等超過30分鐘以上，週末多人都明白。最差係等咗一段時間之後拎到返屋企，啲湯係完全唔夠。係完全冇倒瀉嘅情況下最多得四啖湯。呢個情況已經唔係第一次發生。非常失望

個餐全部濕立立撈埋一齊，超核突真係好唔開胃，魚柳又比d蛋同汁浸到濕晒啲醬又唔知點解會撈埋一齊，又同啲雞蛋黐埋一齊，明明張相所有濕嘅嘢都係分開最後淨係食咗半塊魚柳同埋多士

咁啱去一去朋友屋企，又見肚餓喎！即刻去食返個下午茶先！見到附近有間日常茶室！見到幾乾淨餐牌又幾吸引！就一於去試吓！下午茶茶餐都選擇好多！見到有款寫住"懶矜貴黑松露炒蛋多士"就比個名吸引咗，因為本身我係黑松露控！ 有黑松露嘅嘢就好好食！所以就叫咗呢個，試一試先！首先個多士幾厚！夠晒鬆軟！炒蛋夠晒滑！好香！雖然黑松露好似好多！但係味道唔算突出！唔夠融入喺個炒蛋入面！雖然有啲扣咗分，但係整體都不錯！係會再食嘅！始終39蚊實在太平喇！仲要包野飲！外賣自取仲有折添！ 唔記得讚一讚佢哋嘅服務員工相當有禮貌！唔係一般茶餐廳嘅粗聲粗氣！下次一定會再來幫襯！試埋其他款！

今天去將軍澳海傍散一散步，見這間茶餐廳有下午茶款式甚多，既有奶油脆豬、大熱狗、鹹牛芝士潛艇、亦有日式雞扒炒烏冬、鹹魚雞粒炒飯、雪菜肉絲炆米等等，三四十有交易，便入去試一試！以茶餐廳來說，這間餐廳算寬闊，冷氣夠，一入去侍應熱情招呼。燒牛肉炒意粉炒得很香有鑊氣，黑椒味濃，意粉炒得非常香，牛肉嫩滑彈牙，醬汁調校得好，雖然只是$46元，但沒有將貨就價鹹魚鷄粒炒飯即炒，熱辣辣，賣相討香，真的有鹹魚香，生菜絲爽，飯粒乾爽即磨咖啡香濃，檸檬茶不錯，茶膽好

澳南異國菜比較多，中式貼地粵菜暫時只有”日常“，星期日約8點🕗晚餐，人流唔算多，但見到外賣不斷！有相片嘅餐牌,圖文並茂, 我鍾意, 將食物分類，日常食肉獸，日常食多啲菜，日常一煲，日常小炒，日常一蒸，好有心思，非常好！點了魚香茄子煲🍆$79, 另加$16有白飯🍚，例湯🥣，飲品🥤是日例湯： 老黃瓜排骨花生眉豆個湯足料到不得了，唔太肥，有媽媽嘅味道魚香茄子煲🍆，熱辣辣滾住上菜，十分野味，好餸飯🍚，小小魚香味唔太鹹，最緊要係唔算太油膩！ 芝麻西寧🍋雞🐓$79，另加$16有白飯🍚，例湯🥣，飲品🥤賣相可口，炸漿薄，雞肉🐔嫩滑，檸檬味🍋突出！ 總結💝： 下之會試其他菜式，因為叫過人叫，賣相吸引

朋友介紹，平時好多人，有日咁岩經過冇人就去試吓。。。結果伏到一個點🥲叫左個焗豬同炸脾，先講個焗豬，豬扒太實冇揼鬆，五香粉應該落太多，比一般更差🥲中伏主角炸脾黎料，酸既😮‍💨個蛋就係咁二加d蛋汁上面當滑蛋。。。

早上10點係apps叫左外賣，選擇左兩個餐之後，完成比錢後，個app一路顯示餐廳正準備你既早餐，外賣人員已經到達餐廳。等咗成個鐘到11點都冇update， 我忍唔住打電話去間餐廳問，餐廳覆，你其中一個餐要早上11:30餐廳先會提供，所以一路係度等。。。。大佬，咩玩法？11:30先提傾你又唔寫，又比人order?! 同一個沙嗲牛面炒蛋凍奶茶唯一分別係少左個餐飽你同我講11:30先提供？荒謬到極點。。之後cancel order

初頭開張都唔錯 今日去食個早餐豬扒蛋麵 嘩難食到呢豬扒硬既 碗麵個唔個咩湯傑撻撻既半碗都食唔到走人$46 晚市小菜都還可以早餐就真係唔好搞啦 好Q難食仲要甘既價錢 希望佢比D心機做啦

澳南有好多靚餐廳，但係唔可能日日食，好在有間“日常茶屋” ，幫忙平日/放假打氣，今來試下午茶，⏰2：30-6：00pm, 價格實惠，啱晒我地呢啲打工仔💪下午茶餐牌點了： T10脆炸雞髀拼到蛋厚三文治（半份）$42 ，凍飮+$3感想💝： 賣相十分吸引, 似西餐廳下午茶，蛋治軟熟，雞髀有少少香草味，有別於一般茶餐廳，份量剛好，好夠飽點了： T17 乾炒五香肉丁公仔麵 $46感想💝： 公仔麵好難炒得唔油膩，佢炒得好出色，有鑊氣, 唔太油，讚，五香肉丁本身就係好油既食物，能夠做到呢個效果，師傅功力深厚先做得到！ 👍👍👍己計劃下次試晚餐，佢啲晚餐食評都好高分

🥚⚪📍將軍澳 #EggBall到將軍澳飲飲食食 🍽 日常茶室 Daily Tea House ~~~~~~~~~~~~~~~~~~~~~~~~~~~~~~ 放假喺將軍澳海濱散下步，肚餓諗住平平地食返個下午茶坐下，最後就決定試下呢間港式茶餐廳🥢 🟠杰撻撻芝士撈丁 配凍杏仁霜（$46）👉🧀芝士味頗濃郁，質感亦算杰，唔會溝左太多水變稀 ，同個名真係一樣嘅👉🍜麵質尚算彈牙，但欠缺調味，味道比較單一只有芝士味👉🐔雞扒煎得香脆，肉質保持嫩滑，可算是外脆內軟，但亦有同樣問題，味道比較單調，唔夠豐富👉🥛🌰凍杏霜既杏霜味唔夠濃，感覺有啲似係飲緊水咁😔 附近嘅餐廳都偏貴，而呢間嘅下午茶黎講份量都算幾大份，都幾抵食😁唔錯嘅平價之選🤩 ~~~~~~~~~~~~~~~~~~~~~~~~~~~~~~ 🍽 餐廳：日常茶室 Daily Tea House 📌 地址：將軍澳唐俊街23號MONTEREY Place 地下G09號舖☎️ 電話：23234522📍 位置：將軍澳🌟 質素：⭐⭐⭐ (5⭐滿分）💰 人均：$51 - $100⏰ 營業時間：08:00 ~ 21:00 （星期一至日）  

將軍澳友又嚟搵嘢食，海旁唔一定係食西餐嘅，今次就食呢間新開嘅家常小菜先🤣小菜+$16就有齊白飯、無味精老火湯、飲品·✨芝麻西檸雞🐔 $79賣相唔錯，個西檸雞係雞扒切條上，食落脆口，唔會太多炸粉，有幾多檸檬但味道唔會好酸，啱啱好😎·✨魚香茄子煲🍆 $79用砂煲上夠哂熱，茄子夠腍同夠入味，唔會太鹹太辣😀個汁好啱送飯👍🏻魚香茄子係油少少但係咁邪惡架啦😆·✨土魷蒸肉餅 $69生蒸需時較長，肉餅最緊要係唔散👍🏻爸爸最愛食呢個，食落好腍，家常菜嚟講相對健康啲✌🏻·✨西蘭花炒紐西蘭青衣魚柳🥦 $79最後緊係講下菜啦🥦西蘭花不算油，有落薑ok，個魚柳好腍🤙🏻整體正常發揮·🌟後生靚仔老闆好有heart去做好佢，味道唔差架😀，附近街坊可以幫襯下，加油呀💪🏻🤟🏻

第一次要寫食評，竟然因為呢間無機會試嘅餐廳。我們一行3人到達餐廳，要等位，明白，但其後4人進入立即有位。原以為他們分開兩張枱，但竟然不是！跟職員說是我們先到，但無人理會，唯有離開了。。。。。。。。。。。。。。。。。。。。。。。。。。。。。。。