影片
食家推介
招牌菜
朋友极力推介这家于油麻地的西餐, 尤其是这里的法式焗乳鸽. 既然价格不贵便即管一试. 凉快的天气, 挑了最近店外的桌子. 虽然近著马路, 但这条路晚上近乎没有车辆进入. 亦方便朋友看著爱车. 店子里的气氛不错, 楼底颇高, 坐著的感觉舒适. 朋友介绍的这个法式焗乳鸽是大家今天来的主要目标. 这个价格在中式茶楼连半只乳鸽也买不到. 比起炸薯条我更爱吃炸洋葱圈, 难得这里的炸洋葱圈并不会吃得满口粉. 配汤用的烘法包烤得非常松脆, 诚意十足. 蟹子沙律的蔬菜爽口脆身, 显示用上的蔬菜鲜度充足. 大啡菇是烧烤时我常吃的菇类. 这里的大啡菇比我买过的更大只. 即烧出来里头会有更多的水份. 另一方面, 带有明太子, 蟹柳的芝士饀配合大啡菇更提升了浓厚感觉. 之前从未吃过法式乳鸽, 所以这个是不是法式无从肯定. 但乳鸽做得皮脆肉嫩, 而且是真正的嫩滑的"乳"鸽肉质. 乳鸽已有少许调味, 所以不用沾酱已十分好吃. 绝对超越$28/只的价值2倍以上. 主菜是这块比手掌更大的烧美国黑毛安格斯斧头扒. 幸好怕吃生的朋友这次不反对, 点了的是Medium, 控制火候的功夫做得不错. 这块黑毛安格斯的肉味非常浓厚, 切出来难免有些许部份超过Medium. 但里头的肉汁仍然丰富. 近脂肪的部位则油香馥郁.附上的烧汁, 明显味道有调较过, 配合起牛肉时更见Juicy, 后来另外问了侍应另上一碟海盐, 更对我胃口. 埋单算起来每人不用$400, 而且问了店家是不收开瓶费的, 下次可以找机会带红酒来配合一试.
继续阅读
油麻地，好多人会谂起庙街、玉器市场同埋电影中心等，算系文化之地。可惜周围筑起高楼大厦，起左屏风效应，原本已经系闹市，夏天更加热。众坊街，除左已经驻守多年嘅中华书局，有名醒狮团之一夏国璋办公室亦在此。15年开始，呢度多咗条花楼梯，多咗好多人黎呢头，感受下文化，众花嘅色彩，确实令人愉悦。花楼梯旁有一间满浪漫气氛嘅餐厅，可以一尝。点餐后，店员捧上生果同沙律，生津兼开胃。今次点海鲜为主，想鲜味一下。口淡淡，先饮海鲜龙虾汤，78元，非常足料，鲜香十足嘅汤头，香而不太浓，海鲜亦多而且入味。西京烧银鳕鱼扒，198元，好滑好嫩，鱼油不会太腻，味道刚刚好。黄金烧原只大虎虾，188元，好似食波斯龙虾嘅口感，啲汁刚好，唔会好干身，而且啲肉已经起哂，啱哂我呢个懒人。今次豪气一次，叫咗黑松露鹅肝多士，鹅肝本身粉红嫩滑，入口即溶，下面多士吸咗其精华，再加上黑松露本身嘅香，78元绝对值得一试。一个慵懒嘅下午，听到有啲雀仔吱吱喳喳，都几叹。店内夹杂英伦风，播嘅系多个年代英文情歌，都几有feel。店员有礼，而且亦好细心睇下我地个碟，会主动换碟同加暖水，赞👍🏻。
继续阅读
星期二收工约咗朋友食饭，约咗去油麻地，行行下见到呢间有LIVE MUSIC SHOW，地点又静，入到去环境我地都好钟意，好靓！感觉好舒服就去试下佢位置唔多但坐得好舒服，又可以听下歌！唔错唔错！坐低叫咗份牛排SET, 再加埋七味鸡翼﹑明太子焗大啡菇仲有乳鸽牛排SET有埋汤+跟薯菜/饭/意粉同埋有埋甜品，$188蚊价钱好合理！又好大份汤叫咗白汤，好足料！又唔会好淡无味，忌廉都几重，加埋蒜蓉包黎食好match!牛排系肉眼排黎，肉汁好多，好嫩，切落去有小小既肉，岩我地钟意牛排唔会太熟既人！薯菜好多好大份，唔会好淋，其实一个SET share黎食再加埋其他小食真系好饱！七味鸡翼系我最钟意果种味道，鸡翼SIZE都几大只，带小小辣好滋味！明太子焗大啡菇好足料，明太子极多！超好食，切落去大量既明太子出黎，菇又好有咬口！乳鸽同中式乳鸽唔同，同埋佢比既酱汁好特别，有小小甜。皮好脆好好食，一流！见到佢地写住星期二同埋星期四会有LIVE MUSIC SHOW! 下次都约埋朋友系呢个时间再食住D咁好食既野又听下歌仔先!
继续阅读
迷信嘅小妹去完庙街睇完相之后，就同朋友去睇下附近有啲咩食行下行下去到对面中华书局旁边有间餐厅，见到佢地个餐牌又唔贵，个格局又好靓咁，所以今次就试咗呢间餐厅！估唔到油麻地呢个旺中带小小静嘅地方有间隐世﹑食物水准一流嘅餐厅！入到去先讲个环境好正，系配上我最爱嘅蓝色衬紫色，再加埋星星吊系天花板到，好梦幻，感觉好舒服！食物方面有好多好多选择，无论系套餐或者单叫价钱都好合理！加上我同我朋友睇完相都太肚饿啦，系到食个扒都唔贵同埋一间西餐厅有乳鸽真系未试过～所以我地叫咗烧美国黑毛安格斯肉眼扒﹑乳鸽同埋大啡菇试一试佢～服务员态度好好有好礼貌，落单又快！呢一点非常赞！无黎耐啲食物就上菜啦～1. 烧美国黑毛安格斯肉眼扒$188等咗无几耐个汤就黎到啦！其实个餐$188真系好抵食！我同朋友叫咗一红一白汤２个汤都好足料！先讲白汤，白汤唔系一般餐厅好淡嘅忌廉栗米汤，味道非常浓，加上小小嘅黑胡椒味道更香更重！而红汤入面有好多料，蕃茄味好强，将蒜蓉包点汤都好好味，令人一试难忘！而呢个餐我地都系跟薯菜～呢个好值得一提！薯菜份量好惊人，好大碟！！就咁睇相都已经睇到有几大碟～～ 真系好有份量！同埋佢好好食！我地实在太睇小佢嘅份量啦！同其他餐厅比嘅份量多好多好多！至于主角牛扒当然都无得输！好大块牛排，肉质好嫩好ｊｕｉｃｙ！半成熟真系好得，重点系一啲都唔韧，又唔会有好大旧骨！大大块真系食到你饱！佢仲有蕃薯仔做配菜，真系我嘅最爱配搭2. 法式焗乳鸽西式嘅乳鸽我地真系第一次食～果然无令我失望！乳鸽SIZE都唔细，比我想像中大！皮好脆，好嫩又有肉食！同埋佢个酱汁唔会好咸，点落去会带出肉嘅香嫩，好好食！3. 明太子焗大啡菇$78呢个系我非常满意嘅一道菜，因为我系好中意系明太子嘅！外层明太子嘅份量非常非常足，好有咬口，菇唔会太硬太淋，一口真系咬唔晒好大旧！我地２个每个分开４份咁食，呢个大啡菇好好食，78蚊２大个真系唔贵！准备比钱嘅时候先发现原来仲有甜品！真系无得输，呢餐劲饱劲满足！另外值得一提嘅系，呢间餐厅而家逢星期二同埋星期四晚上时段都会有个LIVE MUSIC SHOW！呢个环境再加埋有埋LIVE SHOW完全系无得输！下次一定要同埋朋友再黎食！实在太好食了！每人加埋先200几蚊，好味份量又多又唔贵，非常推荐呢间餐厅啊！
继续阅读
这个悠闲的星期日，我和他来到花楼梯旁的日与夜餐厅。环境颇舒服，天气好，坐室外都不错。这里挂了星星，夜晚应该情调非常好(￣▽￣)。先吃了沙律，够新鲜叫了一碗菇汤，很好饮，菇味出，忌廉汤底，很开胃。还有厚厚嘅大薯条，薯仔和蕃茄本来就不合，但当成了薯条和茄汁，互相配合到，这点有点似我和他，我和他本来不同，却可以成为一对（＾◇＾）。大啡菇（$78）是我最爱，用了明太子芝士，入面料亦十足，好味但不「溜」。烧安格斯牛肉（$128），要了5成熟，还有烧薯仔，牛肉上面煎了一层，肉汁仍然有。再来一客长脚蟹长通粉（$128），蟹肉都几乎整好，已经很容易起到，肉亦好满。长通粉煮得刚刚好，汁亦刚刚好，咸浓适中。叫了杯热玫瑰咖啡和榛子咖啡，饮一呷心情大好。要不是赶住和他一同做义工，定必可以在这里过一个真正的悠闲下午。
继续阅读