日和屋 (已結業)

两年前左右啱啱开业就开始帮衬𠮶阵嘅鸡软骨同丼饭都好抵食仲要有水准 睇得出系有心机做隔左一年无帮衬过，早两日买左个三文鱼丼饭做宵夜，买完就知道中伏 两个店员都冇带手套不特止 明明成间舖得我一个客等紧 两个都可以坐喺度玩手机 完全见唔到边个人整紧我个饭，隔咗10分钟左右我个饭就出现咗(成个情形我喺企咗系佢店前望住)返到屋企打开，第一啖就试三文鱼沙律 点知硬到好似石仔咁 我再食啖饭 啲饭系完全黐埋晒一旧嘢咁 仲要硬嘅 ，我再睇佢啲三文鱼腩 几块都仲系连住皮 咁就收咗我$75 最后我爬哂啲饭就掉左😅虽然唔知有几多人会睇咗OpenRice食评先去试 但如果想帮衬真系要三思…查看更多

之前成日买呢间小店既刺身饭做宵夜最近加左价贵左唔少就少食左今日下午突然想食下 点知买到返去发现d鱼生切得薄左好多🥲一夹就散果只 呢价呢个水准好唔抵食估唔到加价后水准反而仲差左 好失望…查看更多

寿司整体系低于水平。叫左一个海胆手卷、一个软壳蟹手卷同埋一个”酱烧三文鱼卷”。寿司饭太湿、感觉似食紧烂饭，仲要冇寿司醋味同咸味😵‍💫三文鱼都烂蓉蓉，无囗感无咩鲜味⋯(食个卷时好似食紧三文鱼粥咁)软壳蟹手卷炸得太油、无晒口感。。。其实买完等紧时已经觉得出出地事，因为厨房环境非常唔整洁，不至于话污糟，系有啲杂乱无章咁。拎到返屋企打开就知，真系麻麻地🤢🤢🤢希望贵店用心改善 ( 坦白讲如果我系做寿司，煲完煲嘅饭系真系会重新煲，唔可能咁样拎出街卖….)…查看更多

😷疫情关系，买/叫外卖既次数相对都多左🐟三文鱼炙烧丼有8片厚切三文鱼同三文鱼沙律，一半刺身一半炙烧，炙过既三文鱼有少少烟味，我自己另外加左飞鱼籽，带子同赤虾😋😋 飞子籽好卜卜脆，带子都赤虾都好新鲜好甜，刺身下面舖左青瓜丝，增加左个口感🌟好欣赏小店既Wasabi系新鲜即磨，豉油唔系普通寿司豉油，系昆布寿司酱油，唔会好咸，做到提鲜既作用，只设外卖，可以提前WhatsApp落单🫶🏻想睇更多食评，记得留意IG __imfoodieb…查看更多

除咗碗仔翅之外，隔离见到一间买手卷嘅铺头所以就过咗去买一两旧手卷嚟食，见到𠮶间舖头其实都有唔少人排队，证明应该有一定嘅口碑。今次就叫咗个免治吞拿鱼手卷。 等咗大概十分钟就有得食，见有人其实都会直接拎完就即刻食，不过始终防疫问题，我都系买返屋企自己食。佢外卖手卷嘅紫菜系另外独立包装，所以唔担心会变软。见入面馅同埋饭嘅份量都好多，不过略嫌包饭嘅紫菜比较油，但系都唔影响我嘅食欲，wasabi同豉油都配得好足，下次可以encore。 …查看更多