日の苑西日式外賣專門店

营业中

休息中

鋪頭系大街旁，又有大招牌，容易搵。周圍大多系街市同港式餐廳，所以賣日式便當既鋪頭算突出。午餐時段要預等５至１０分鐘。見倒廚房好忙，又切又煮又包，除左自取仲好似有不少外賣要送。今次點左油甘魚刺身飯，＄７０一盒，無包括麵鼓湯。５大塊油甘魚+不吝嗇既蟹子+酸薑+芥末，不錯！仲有少量擺盤，睇得出有花心思。飯都帶有少量醋，不會太滯。

西營盤抵食日式外賣店 — 日之苑 ▫️呢間日之苑係一間日式外賣專門店，見到有好多唔同款式嘅刺身、壽司🍣重有其他熱食便當🍱串燒等，選擇都幾多～岩曬係嗰面返工嘅上班族👨‍💼～▫️今次就咁買咗佢哋嘅三文魚刺身($60)每舊都好肥美😍下次都可以外賣試吓買佢哋嘅便當try try~▫️地址：日の苑西日式外賣專門店 (西環)西環西營盤皇后大道西270-280號得利大廈地下6號舖。#日之苑 #NINOEN #goeat西環#goeat西營盤#西環美食#西營盤美食#goeat日本菜#goeat日式

呢間外賣店位置就腳，經常都會黎買午餐，最鍾意雞扒蛋飯，份量多、味道好、價錢適中。其他飯嘅價錢偏貴，未試過壽司手卷，見質素應該都唔錯，可能之後搵日試下。我見有時都幾多人等餐

仲有兩個鐘先dinner但又肚餓，唔想食太飽，就去左日之苑買個燒三文魚飯糰。🍣燒三文魚飯糰 $13同大部分其他餐廳嘅外賣飯糰一樣，飯同紫菜都係隔開左，到食嘅時候先自己搣開個袋去痴返塊紫菜上飯糰到，防止紫菜變淋。所以，食嗰陣紫菜都仲係脆嘅。個飯糰真係幾好食。佢唔係白飯包圍住一塊燒三文魚，而係啲飯撈埋蟹子同啲燒三文魚一齊，成個combination幾好食。所以我好多時肚餓想食少少野嘅時候都係買呢個飯糰食。$13呢個價錢同便利店嗰啲差唔多，但呢個好食好多。

呢間專門店有好多唔同嘅便當外賣，今次揀咗個蕎麥麵便當試吓，而家怕食三文魚怕有太多寄生蟲，所以揀咗八爪魚刺身。便當好大份，一個人食會食到好飽。蕎麥麵沙拉便當 $48- 蕎麥面質感爽口彈牙，配上冷麵汁，味道一流。帶子裙邊同埋泡菜提升左口感層次，八爪魚刺身亦都好新鮮，唔使點上豉油都已經有足夠嘅鹹味。最開心嘅係便當裏面有好多生菜，仲有加上芝麻沙律醬，令到沙律味道好好，而且提供均衡營養。總括嚟講，便當都係一個唔錯嘅選擇！

今日成3x度，真係坐係office都覺得唔夠冷氣Lunch又要諗食咩好，一諗起熱辣辣既野就無胃口好想食d涼浸浸既野食公司附近有間日之苑，專做外賣既日式料理，唔錯架我選左一客加州卷同埋一個燒三文魚飯團🍙，個加州卷一客有4件，件件都大大個個餡有青瓜🥒絲、牛油果🥑、蟹柳同埋蛋🥚，真係大件夾抵食今日仲做緊回饋優惠$26咋（原價$30）；另外個燒三文魚飯團仲，用左勁多燒過既三文魚做餡，大人細路仔都啱食，仲要只係$13個。日之苑我地其實都食左無數咁多次，真係樣樣都價廉物美，呢個炎夏睇黎我地都會係常客😂

-刺身款式繁多，三文魚幾新鮮，油脂適中，甘蝦也幾新鮮，肉質爽口！雜錦粒粒刺身飯，啱晒我，咩都有，唔使諗！📍日の苑西日式外賣專門店NINOEN Japanese Take-Away Shop地址: 上環皇后大道中346-348號金煌行地下C舖Add.: Shop C, G/F, Gold Shine Tower, 346-348 Queen's Road Central, Sheung Wan

又到月尾，小妹好想好想食日本野，但係日本野好貴唯有揀間好平嘅日本野過下口癮先入到去間餐廳，其實坐位好少不過大部份嘅食客其實都係買外賣，所以基本上唔駛等就有位<照燒鰻魚飯$115>+$20 帶子刺身揀咗個全條嘅照燒鰻魚飯，比半條鰻魚飯貴$20不過小妹推介一定要嗌全條，因為鰻魚嘅份量係一倍咁多鰻魚非常之肥厚勁多肉，有成兩塊咁多，每塊都大過我隻手掌🖐️米飯就係普通白飯叫一個鰻魚飯，仲可以揀兩種配料，小妹加咗$20就可以加個帶子刺身，味道OK啦<滑蛋雞扒飯$46>滑蛋雞扒飯同平時日式餐廳食嘅味道都冇乜分別，不過小妹不嬲都幾鍾意食滑蛋雞扒飯呢個組合而且價錢方面真係幾抵食同場每人再送多一碗海帶湯真係幾抵食

位於大街的一間壽司外賣店，雖然比起一般嘅壽司外賣店貴少少，但壽司大舊得黎質素非常好，物超所值，三文魚好新鮮，帆立貝好大片好抵食。一盒5舊都係$30。玉子仲平啲$20一盒，但都係好好味。之前係返工時間去買黎食，有時就算唔順路都會專登去買，因為實在太抵食同有水準

約左朋友去石塘咀閒逛，到左晚飯時間就去左日之苑食，睇完個menu 簡左好耐都係決定要食刺身飯，因為睇落超多料同抵食，個刺身飯十分足料又新鮮，好正，d海膽係完全唔會覺得腥，好好食。三文魚同其他既刺身都好新鮮，全部都好正啊！朋友都叫左刺身飯，大家都覺得幾好食，我地仲叫左燒牛粒、多春魚同埋一個焗菇，樣樣都各有特色，不錯食。日之苑既地理位置都幾好搵，好方便，佢有兩個位置食野所以都唔洗排隊就食到了，即叫即食，好正!

今晚又去石塘咀搵食, 原本諗住去上次去過間西餐食, 不過行經一間日本食店, 見到餐廳內都有8成滿, 一於同老婆入去試試。其實間店都開左起碼一年幾兩年, 店舖正門又細, 見佢門口寫住外賣專門店, 以為係賣外賣為主, 一直無幫襯過。 今次經過側面才知入面都幾深同大, 連對面舖位都租埋, 睇來生意應該唔錯。一入去坐低就見個餐牌D 野唔貴, 便當包括麵豉湯, 飯, 主菜外, 更可自選兩樣小食。又可加錢揀更多小食, 真係唔錯。見到隔離檯食天婦羅, 就叫一個來食, 太太就食鯖魚便當。真係幾好味, 都算抵食, 可以一試．

之前午餐係度食過吉列炸蝦飯，覺得抵食又大份，於是今次就試下晚餐，今次聽友人推介食蛋包飯，78蚊有味噌湯,4隻大大粒既帆立貝同少許配菜，蛋包飯可配咖哩汁/茄汁等等，食完仲會送一粒雪米糍😋

lunchtime經過依間舖頭，見系賣日本野就入去睇下。發現原來有賣一set set 冷麵餐，只系$45，見幾特別，所以就買左個黎試下。個set 望落去幾豐富，包括一大堆冷麵，連鼓油同芝麻醬，三四大就三文魚，好多條裝青瓜，蟹柳，多蟹子，螺肉同韓式酸瓜，認真豐富!! 味道全部都有水準，特別系三文魚大舊而好味，加上份量多，食落真系好滿足!!!自己一個食既話夠飽既，因為今次經驗positive ，所以考慮第時再encore

今日路過來買外賣先知，套餐飯已經cut咗汽水。。要就自己加$3，$3選擇有礶裝汽水或麵鼓湯。上手d牛肉同蛋感覺上多d，而家成盒都係飯，算啦，牛肉本身已經要好多功夫準備，43蚊有牛肉食都算抵既，但唔想食牛肉果陣我應該會轉去大頭蝦買。。

以前每個禮拜都買兩至三次刺身食，而家d刺身無之前甘好食，上星期食左一次三文魚刺身，見無左整條既喜靈魚刺身所以無買，味道已經無之前甘鮮。好彩飯餐唔係差好遠，最近都食左個咖哩雞排飯，都叫做抵食，但同個老細有講有笑果d情況應該唔會再出現了。