日の苑西日式外賣專門店 (已結業)

呢排盡量都買外賣返屋企食就算，免得過都唔堂食，係北角春秧街有一間日式外賣店，都幾多人等緊外賣，入店後右邊有個雪櫃可以揀沙律、卷物、壽司、冷麵等，或者可以向店員直接order刺身飯，價錢$55-$95，因為8週年優惠有d仲可以減$8，都幾抵食👍🏻.豚肉生薑燒飯 $40份量十分足料，男仔食都絕對夠飽既份量，豚肉片偏薄身很入味，仲有洋蔥、紅蘿蔔、菜，醬汁唔太濃稠，不過甜甜好易送飯🤤如果加埋芝麻就更香更好味，飯仲跟送一碗味噌湯，味道正常

放工約左朋友行北角，等左好耐朋友都未到，所以去食少少野先。呢間日本野有好多外賣手卷，好方便想食少少野留肚既我。由於朋友要遲多成個鐘，於是我點左個牛油果天蝦卷醫肚。個天蝦即叫即炸，味道唔錯。牛油果🥑味令壽司卷口感豐富左。

啱啱試咗父親節套餐，份量好多；我屋企成10個人都食唔曬。，除咗有壽司刺身，仲有熱食例如串燒，天婦羅。 而且仲可以送到屋企，非常方便。，今期套餐仲送一版北海道海膽， 好超值。

終於開展四日連假啦～今日我去咗個朋友屋企Party玩吓board games、食吓嘢😋 食物方面，叫咗脆意雞同呢間壽司：日之苑 🍣火灸蟹柳壽司5件 （$24）✨唔好睇佢係蟹柳好似好cheap呀，我同朋友大比數都認為呢個係最好食嘅壽司，比佢驚艷到！灸燒嘅蟹柳好正，加埋啲醬，我哋比5/5分😙灸燒鰻魚壽司 （$21）✨鰻魚好大塊，冚過曬成舊飯，好吸晴！不過鰻魚汁就略為少咗啲，都有4/5分，因為21蚊四件真係超抵食😋三文魚牛油果卷 （$32）✨三文魚係生嘅，需要份量好少，但唔食生嘢嘅朋友要注意一下哦。呢個壽司卷入面有好多唔同食材，口感非常豐富，外層嘅魚籽咬落去仲會卜一聲，好正！不過個人就覺得三文魚嘅味道可以更加突出xd 4.5/5分😛雙色卷 （$32）✨雙色卷嘅橙色嗰隻係有吞拿魚嘅，應該叫「吞拿魚牛油果細卷」，個人鍾意呢個多過三文魚嗰隻，因為味道比較突出，層次又更加豐富了！另外嗰隻係「芝士饅魚細卷」，都係比頭先個鰻魚壽司更加好食，鰻魚汁份量控制得更好，而且有咩芝士，5.5/5分😆

-香港人嘅防疫工作一定要繼續努力，大家要盡量減少出街，不過成日留喺屋企日日食杯麵都唔係辦法！今日為住係北角嘅朋友仔介紹一間抵食日式外賣店，叫做「日の苑」。大家可以收工經過買外賣自取，支持下啲小店！💪🏿-今日瘦編有野做要出一出港島，就去左支持下，因為太忙所以好快手咁買左一個火灸蟹柳拼三文魚壽司($30)醫肚。壽司都好大件，唔會縮水。店員好有禮貌，雖然係外賣店，但店內都有少量位置俾人快食。-最近佢地仲有啲外賣到會Package，大家可以支持下！【日之苑 到會速遞】~ 4-6人餐，10-12人餐，18-22餐都有～-味道評分▶️🌕🌕🌕🌕🌑 (4) 抵食評分▶️🌕🌕🌕🌕🌑 (4) 回購評分▶️🌕🌕🌕🌕🌑 (4) -➡️ 日の苑西日式外賣專門店 (北角)📍 北角春秧街55-71號宜安大廈地舖-

日之苑 係上環食開平時午餐時間都好人排隊 買日式便當 同 刺身飯原來係北角都開左分店今日黎朋友屋企開Party 叫我黎拎 壽司外賣咁岩撞正 展示櫃內壽司做85折Promotions 見抵就再買多盒壽司加料壽司質素同其他分店一樣高質魚生新鮮 而且大大件兼厚身 食落特別有口感仲有熟食小食都好好味特別推介：蒜片炒和牛 同 日本燒蕃薯仔🍠和牛蒜味濃 肉汁豐富 勁好食仲有$30蟹籽沙律 🥗 勁足料 抵食 本身想買埋和風薯仔沙律 好彩控制住份量岩岩好 食到勁飽

明明有師傅入面即做壽司，但係個店員畀啲外面擺喺度凍曬嗰啲我，跟住後尾食完之後個師傅整咗份畀我，跟住佢哋收返，個店員同師傅喺度話諗住拿拿聲畀我地食完走。。。係唔係完全冇諗過我哋呢啲客人會聽到，嗰個係一個阿姨嚟認真俾個暑期工嘅學生做，都可能會好過佢，冇諗過點解我哋唔叫外賣而係喺堂食？我係一個好鍾意食日本料理嘅人，呢間舖頭離我屋企最近，但係我都唔會再光顧呢間嘢，認真味道唔差，外賣都ok 但係正常堂食畀啲咁嘅外賣壽司連個外賣盒都冇拎走，啲飯完全係凍冰冰嘅 呢個舖位之前嘅魚先生仲好食好多 乜嘢服務態度...

今日成班同事喺公司叫外賣一行20人叫咗$2300有熟食：燒豬頸肉，燒雞凱撒沙律，三文魚炒飯一盤刺身，另加三盤壽司刺身質素唔錯，新鮮，完全冇怪味。三文魚腩超級肥美。壽司食咗，吞拿魚腩，芥末魷魚，燒蟹棒，帶子全部都OK.l豬頸肉份量好多，沙律同炒飯都好足料！同事係咁話好抵食😊😊☺️本身以為食唔晒但係大家好落力最後清晒20個人有多都好夠食呢間絕對有下次！相對元氣抵d 好味d , 仲送到上公司。支持用心嘅小店👍🏻👍🏻

呢排天氣比較熱，比較想食凍嘢，就去咗附近的這家日式餐廳想食碗魚生飯。呢度其實主要做外賣生意為主，因此店內都比較細，只有大概10個座位左右。叫咗個三文魚甘蝦刺身飯，餐廳會附送一碗味增湯的。三文魚刺生有5片，甘蝦有4隻，食落都算有鮮味，雪藏味不會太強，份量亦頗多，唔係特別大食的朋友，一碗都已經夠飽。味增湯飲落似即沖的，沒有甚麼特別，不過整體來說性價比頗高另外，之前睇過食評啲外賣壽司好似好大件同新鮮，有機會都想試下

心血來潮想食壽司，前幾日路經新店拎左份外賣單，一於試下Order由電話接單到送貨上門前後只用了20分鐘左右，以外賣速度黎講相當快速！我地order左一盤壽司拼盤24pc+三文魚牛油果卷+芝士鰻魚細卷壽司品質非常好！非常之有驚喜！大大件好抵食，由其忛立貝壽司，非常新鮮juicy飯食握得實，唔會一點醬就散哂三文魚切得相當厚身，甜蝦壽司係雙頭的！店內重有多款牛油果卷物鐘意食牛油果的人有福了醬料餐具都俾得好足，下次一定會再Encore