影片
以上资料只供参考，请与餐厅确认详情
系旧式屋邨里面竟然潜藏住一间食物性价比高，环境好既餐厅。呢日同朋友一齐黎呢度食lunch兼庆生，可能系正屋邨楼下又较偏，所以午市时段唔多人。一行十几人就去左呢度开餐。午餐价钱合理，白汁海鲜意粉都系收$78，有焗饭、All day breakfast、面，选择都唔少包饮品，有啲仲会包埋汤/沙律，餐饮转特饮如Mocha之类都只系$8就饮到，加$22仲有埋甜品，食物份量好食足饮品又大杯，唯一唔好就系不收现金，只收电子支付。呢间餐厅有几个贴心位，朋友同餐厅讲我生日，佢地就系碟上写埋字、点埋蜡烛仲主动帮手影相，当日实在太多人，所以职员都好好咁帮手调动啲座位，提出射灯晒住对眼，又主动即时帮手调整，服务真系好好。呢度除左系一个食饭既好地方，原来仲有得唱K，朋友预先订左，虽然地方唔大，但房间设计不俗，早一日仲update啲新歌俾我地唱，真系好贴心。一小时$300，但只要book K房之余又同时用餐，可以即时在餐费扣减$100，几个人除返开，计落都唔算贵。呢度仲无限时任你坐，好适合倾计食饭。目测假日中午都唔多人，希望呢啲咁高质既餐厅仍然有生存空间。下次再去要试All day breakfast，真心好大份。
继续阅读
见个环境同装修好似唔错，就入去试下，本身好钟意食同酸菜鱼有关嘅嘢，见menu上有云南酸菜鱼汤米线，隔离仲有个推荐嘅手势，心谂一定唔会伏，点知真喺好伏卖相：颜色卖相都唔吸引，望落去好似清汤咁 ⭐️味道：得啲汤有酸味，啲鱼冇味，肉质好梅，又冇腌过，仲有啲腥，虽然价钱上都唔会expect d鱼有几好食⭐️环境：环境都几舒服嘅 ⭐️⭐️⭐️⭐️服务：其实都冇乜服务可言，个waiter拎野饮同野食来，一句声都冇出，平时啲餐厅都会讲句，冻柠茶，杯冻柠茶好淡，冇乜茶味，我已经叫左少冰
继续阅读
您可能会有兴趣的...