方糖燕窩甜品

营业中

休息中

甜品雖然整得靚，但食落唔係果回事。唔好以為食客食唔出偷工減料，建議店主學下每款甜品正常做法。雜果楊枝甘露$53：楊枝甘露只有芒果汁+西米+西柚+雜果，雜果多款又新鮮👍🏻，問題係楊枝甘露唔淨只芒果汁😐💢，味道唔應該咁單調。椰皇奶凍$38：面頭加左小丸子係好靚，但椰皇奶凍冇椰皇味，只算是奶凍。

本來對甜品無太大興趣，不過朋友介紹話小食好出色，經過元朗去試下先😝環境好多花花，好似入咗花園咁，同埋好少見餐廳仲會用地氈😆見到餐牌圖片都好足料，好吸引👍🏻👍🏻一於叫2個試下芝麻糊湯圓：好大碗，芝麻味好濃，唔會太水流流，甜度適中👍🏻湯圓皮夠薄，軟綿綿👍🏻芒果西米露：正正常常，芒果夠甜，姨姨比好多芒果😝❤️檸檬豬手同檸檬雞腳都幾好食👍🏻 同姨姨講如果可以酸D就正喇，點知姨姨比咗一碟檸檬+半個檸檬自己落落去😆 即刻勁夠酸！正 ！ 食完再買多一包豬手返屋企食🤭🤭

新年期間，本打算去元朗有名的甜品店，可惜沒有開，隨意逛下，發現方糖燕窩甜品照常營業，懷着試吓的心態光顧，竟然幾好👍🏻，真係估佢唔到🤣🤣🤣當日我哋沒有叫燕窩系列的甜品，只叫了一個椰青水牛奶燉桃膠雪耳（$38)，既滋潤又養顏，最喜歡佢上枱熱辣辣，有誠意，甜度又啱啱好🫶🏻🫶🏻另外，又叫了一個雪山白雪黑珍珠加Dreyers 芒果雪糕（$48），滿滿的水果鋪上面，睇到都開心，色彩繽紛，水果新鮮又好味😋，用料十足，沒有欺埸👍🏻👍🏻店舖環境舒適，店員又親切有禮❤️❤️❤️以後去元朗又多一間選擇😆😆😆😆

住元朗多數都係食開乜記乜記個啲夜晚食飽飯睇外賣平台見到呢間上OpenRice睇又冇乜食評抱住試伏心態叫嚟試下啦收到後有驚喜 水果種類都算豐富而且成盒拎上手都好聚手 份量十足楊支甘露同仙草就正常發揮啦 不太甜就啱我口味值得一讚係呢個份量對得住價錢 性價比高 唔會得西瓜密瓜芒果1盒份量等於平時其他鋪頭1.5盒 鍾意食水果嘅可以一試

叫咗鮮果弁楊枝甘露，生菓新鮮夠甜，楊枝甘露好食桃膠夠熱正常ok人手不足要稍等一會，但可接受，有效率有禮貌地方好坐空間夠價錢畧高，仍可接受今次未試食招牌燕窩，下回再報告

一心諗住同朋友食糖水，無意中發現原來呢個位置係有一間糖水舖，就一於入去試吓，點知都俾我哋想像中出色👍～～～~陳皮紅豆沙仙草芋圓～$38~~~我諗比較少地方芋圓或者仙草會用紅豆沙做底，本人呢幾樣嘢都鍾意食，所以一於試吓佢，估唔到出奇地夾，個陳皮味都幾出👍～～～相同埋製成品都有80%相似，唔錯～～～下次都會再幫襯～～～

點了芒果雪花冰，用料足，份量夠，粒粒都是真芒果，芒果醬都是真芒果，加了一點紅豆🫘和花生🥜，真的很驚喜！如果花生多一點就更好！我個人認為比連鎖店更好吃！價錢$72，一點都不貴，性價比高！座位闊落，而且服務態度很好，冷氣很夠，很值得跟親友去食下午茶！

星期六夜晚諗住試吓呢間糖水，價錢唔算貴，都係40蚊咁上下。但外賣就要加大拿拿兩蚊嘅 。。好啦買完返去，個外賣碗好鬼淺，得好少，啲西米又唔滑，仲硬咗啲。。認真冇下次呀

有一晚唔知食乜好，見好似開咗好耐都冇幫襯過，就買兩碗返去同屋企人share，原來相當唔錯喎！有驚喜！嗰日咁啱撞正囡囡最鍾意嘅楊枝甘露做特價，屋企人話相當足料，我自己就揀咗個熱紅豆沙，紅豆大大粒👍👍👍下次再試其他！

鋪頭位於元朗西菁街，環境闊落，同朋友黎食糖水傾下偈都唔錯，甜品有中西式選擇，其中燕窩類既糖水係鋪頭主打之選。————————————♥———————————- - - - - - - - - - - - - - - - - - - - - - - - - - - - -♥️ 紅糖薑湯圓 $38熱辣辣紅糖薑湯底，味道比較甜，食得出用老薑煲，有種薑既辣味，湯圓係芝麻口味，餡料份量適中，食完成個人暖笠笠。♥️ 熱芋頭西米露 $32芋頭香氣好足，椰奶味唔會太重，綿密芋頭粒加上qq既西米，口感好豐富，成個西米露靠芋頭甜度支撐，健康之選。- - - - - - - - - - - - - - - - - - - - - - - - - - - - -————————————♥———————————

環境頗為闊落，唔會坐得好逼，裝修幾靚，同朋友食完飯搵地方食糖水，坐下傾下計嘅好地方。甜品款式選擇多，有中西式甜品，試咗圖中兩款。生果幾新鮮，西瓜咬落嗦嗦聲。整體來講，味道不過不失。

甜品不限於晚飯後，下午炎熱的天氣都係一個好選擇，路經一間新開的甜品店門口，不起眼但眼見內裏竟然鋪地氈，心想一定要好乾淨先可以咁夠膽，就入去試一試順便涼一涼冷氣，果然內裏好舒適好休閒的感覺首先招呼相當熱誠，因為我當初只叫咗兩個平價（$16）的糖水，但是待應相當熱誠不停問夠唔夠熱夠唔夠凍會唔會太甜？真係令我好想再試多個主打燕窩的湯水，果然沒有令我失望，不論賣相精緻味道處理都很滿意，重點不會太甜同做法有啲持別。一定會再去試其他，值得推介