影片
以上资料只供参考，请与餐厅确认详情
一直都好怀念90年代嘅「蕉叶咖喱屋」，因为当年屋企人聚餐、朋友聚餐，都好多时会选择「蕉叶咖喱屋」！可惜千禧年代唔知点解越莅越差，就冇再去！之前发现始创中心开咗间「新·蕉叶」，话系以前嘅老板同厨师，从新出发再做返！咁啱今日有事去咗太子，就去试下！首先佢得一个角仔嘅地方，绝对唔起眼。第二因为地方细，所以唔款，似快餐形式。今次只系试咗青咖喱鸡+黄油饭+柠檬梳打$60！香味、辣味唔错，但少咗同蔬菜一齐煮又差咗啲嘢咁；鸡件入味，虽然唔算「鞋」，但唔滑啰(应该系因为快餐煮定，汁长时间浸住啲鸡，唔同以前即煮)；黄油饭就太淋！快餐莅讲算OK嘅！听讲话老板喺荃湾揾紧铺，开返间大啲嘅，希望到时真系可以食得返90年代嘅「蕉叶咖喱屋」啦！
继续阅读