新鹿鳴居

营业中

休息中

昨晚醉爆飲天光，險些兒想放飛機，最終我都醉住咁到場喇，雖然遲左成個鐘，sorry sorry！依然 Super hangover！今晚慶祝鹿鳴昌就任，點都要出席賀賀去既。今晚係 9 男女晚宴係鹿鳴昌舉行，出席既當然有鹿鳴昌同伉儷啦，仲有詠春史提夫、老師菲臘史密夫、老師皮雲域夫、羽球車厘、排球瑪雅、熱舞積奇連、拳皇熾天使雷，唔知幾多年無一齊出街食飯喇。順理成章由主人家發版，名菜佳餚都已經一早 order 好喇，依家只需放空腦袋等開飯。我完全飲唔到酒囉，飲住熱茶先啦。滷水雜錦，都係肥豬肉紅腸墨魚大豆芽，一般啦，無意見。最愛大豆芽捲住肉塊一齊食，又爽又多汁混上滷水肉，味道好夾剛剛好。我以前完全唔食芽菜、大豆芽，都係早幾年先開始食到，因為受唔到草腥味。炸蠔餅，出色喎！新鮮炸起乾爽鬆化，淺黃色既外衣好吸引，蛋漿麵粉少雞蛋多，無偷工減料。蠔仔份量滿意，肥美可口，蠔汁豐富係舌頭上翻滾，配豆瓣醬或魚露同樣美味。蒜蓉開邊蝦，時間拿捏不錯，如果早十多秒出爐就更爽滑。蒜香飄飄，濃而不濁不過火，仍然食得到游水蝦鮮甜。炸乳鴿，招牌菜都會有失手既機會，鴿肉乾而瘦，肥美不足，醃味強烈，豉油味過重而略咸。滷水鵝半隻，

>>藥膳醉雞煲一上枱個煲就超濃藥材味，但當然唔係令人抗拒嗰種中藥味，而係種女仔會似層相悉ge 感覺，當歸，黨參，紅棗同杞子，全部都係女仔滋保養顏ge 藥膳，mix 埋一鍋，再加上隻醉雞，完全係滋保到極點！至於隻雞，皮薄肉嫩，不過就咸咗少少，，令到個煲都有啲過咸，不過加水沖淡都ok, 唔算太big deal~>> 豆豉鲮魚炒油麥菜Good! 基本上都唔駛點樣調味， 豆豉鲮魚同油麥菜呢個黃組合，加上炒成翠綠色 ge 油麥菜，喺等個鍋滾時已經令人食唔停口，飽咗3分1!不過要挑剔ge 就係有d 偷工減料，一碟得4,5塊鲮魚，仲要係碎塊，雖然個價唔算貴，但都多少令人有種被呃ge感覺~~

海皇豆腐羹走蔥，史朋友推介好好味，就試您一試啦，次次都粟米魚肚羹好悶呢。菜粒、蝦仔、魚塊、魷魚粒、蛋白、滑豆腐。魷魚粒勁脆口彈牙、蝦仔都好鮮爽。料唔錯、味唔差，厚薄滿意，稀左少少，中規中矩。小炒皇，心血來潮想試一試師傅既功架同手藝。韮菜花切到咁細第一次見，整體外觀似炒粒粒喎，要用羹直接畢入口呢。韮菜花、蝦仁、鮮魷粒、蝦乾、腰果，材料咁熟口面既？咪剛才個海皇豆腐羹，有咁啱得咁喬？定係順手是鬼旦呢？硬係覺得小炒皇同海皇羹啲料一模一樣，師傅偷懶？都係鮮魷同蝦仔囉。雖然我唔多喜歡腰果，但個小炒皇味道真係唔錯。韮菜花第一次見切到咁短，係咪方便用羹畢入口呢？整體味道唔係差喎，賣相係就係有點離奇。鮮魷有保證，一向都非常嫩脆，蝦仁爽口，蝦乾鮮味香甜，韮菜花爽甜多汁又完全無渣喎，腰果又香脆。比想象中好食，色香味都有，好食既。食完飽暖笠笠，滿足滿足！

食埋依餐美味外賣後，聽朝晨早飛美國捱苦，三星期後先返港喇。白灼東風螺，質數穩定，鮮甜味美，只有 encore 無甩拖。灼一灼、熱騰騰送到，好 juicy 呢！八珍豆腐煲，從未叫過今次專登試一試。有豆腐乾、蝦球、魷魚、肉片、白菜仔、冬菇、草菇、豬潤。不過不失大什會，咩都有啲咁啦。魚香茄子加辣，唓！都無加過辣既，同平時一樣。味道質數依舊，好好味呀！茄子軟棉滑溜熱辣辣，咸魚肉鬆夠惹味，多多汁香濃味美撈飯首選！曉廚最低限度要追到鹿鳴居魚香茄子既 level 先得呢。福建炒飯，都係第一次試，抵食夾大件！炒飯底勁又香又有鑊氣，炒得粒粒乾爽飽滿，配上大量美味醬汁正到痺！菜粒、魷魚粒、蝦仔、元貝、肉絲混於厚薄得宜醬汁之中，加埋炒飯點停得口呢。新食法！魚香茄子撈福建炒飯 cocktail，多汁撈多汁味道都唔差架喎，好得意喎！剛才想 order 土魷蒸肉餅撈飯架，但唔記得左添。再見喇，羊年先見。