新香城餐廳 (已結業)

由於唔想食連所店關係，冇選擇之下簡在D間新香城，叫左個班腩炒河，買相尬PK啦，班腩得4塊，唔夠食😂😂😂個河粉底有炒過，D汁都夠多，不過味道略為清淡左D，唔係太夠味，檸茶就正正常常

好耐未試過一間咁差服務態度嘅餐廳侍應三番四次見到嗌落單扮睇唔到行緊過嚟落單轉頭又走去第二度明明間餐廳得幾枱客送嘢食過嚟將碟野一野飛落枱嗌個煲 啲油仲多過餸攞完個煲過嚟 飯又唔俾叫佢幫手攞 聽完之後又扮聽唔到自己攞又俾人喝另外一碟炒嘢啲餸又燶哂貼錢買難受一樣價錢我去隔離太興燉奶佬都無咁激氣

麗城茶餐廳新香成坐落位置非常顯眼處於麗城人來人往正中位置吸引區內客經常幫襯每刻都一定見有客人在內進食鋪內坐位亦算寬躺環境尚算乾淨企理經常有呀姐清潔食物方面：下午茶叉燒粒炒飯叉燒粒份量不算孤寒飯身炒到粒粒金黃分明蛋炒飯有蛋香味道不算太咸 有鍋氣下午茶粒粒西多士份量偏小 較孤寒並非傳統兩片多士炸完夾埋就咁上而係似新派切到一件件咁疊上有小小整色整水之言實情減料 如件數多返啲 冇咁孤寒會更好落單等了很久才送到問落伙記話係即叫即整食落都似嘅

呢間舖係麗城花園開咗二三十年，係街坊都應該冇人未食過！不過佢哋嘅環境衛生就每放況越下。佢哋啲嘢食普普通通，熱奶茶嚟到係暖嘅，叫佢換過杯都係唔熱嘅，仲要有啲濕濕地飯係隻碟上面。。。環境污污糟糟，地方濕濕笠笠，叫杯熱水都叫客人自己過去熱水爐度斟水，知唔乜嘢叫做危險？間舖仲有勁多烏蠅🪰，點搞呀！食物質素，衛生環境唔理想，仲要價錢貴過隔離太興同左左右右，仲有全香港嘅茶餐廳有邊間叫餐食出前一丁要加6蚊？乜嘢茶餐廳？

叫咗一個快餐京都金沙骨飯加凍奶茶，一個散叫黑椒牛柳粒紅飯。原來星期日散叫冇得加錢要嘢飲，叫嘢飲要正價。京都金沙骨一般，好多飯，對於大食嘅人嚟講係抵食嘅。凍奶茶一般，偏淡。到個黑椒牛柳粒紅飯嚟到，變左牛柳絲炒飯...即刻問個阿姐係咪比錯左？佢拎返入廚房問，問完答我：廚房話係咁。下...真係呆左...牛柳粒變牛柳”絲”...紅飯又變左炒飯，冇紅飯既味道...真係好失望！建議佢改返餐牌叫”黑椒牛柳絲炒飯”...

繼續在荃灣探店， 今次到位於荃灣青山公路荃灣段530-590號麗城薈第一期地下2B號舖的新香城餐廳吃午飯， 當日大約下午兩點， 可以試下這裏的下午茶餐， 有四款可供選擇， 我就揀星洲炒米＋凍奶茶$44， 配菜有叉燒、紅椒、蝦粒和火腿，整體炒得偏乾， 炒米口感有點粗糙， 賣相有金黃色，但味道不夠入味。 凍奶茶味道一般， 都是偏淡的。整體而言質素一般， 中位價錢， 對我而言回頭率不高。 新香城餐廳地址: 荃灣青山公路荃灣段530-590號麗城薈第一期地下2B號舖

新香城是我家附近的一間茶餐廳，如不是這區的人，應該都不會來光顧對比之下，這區的價格較荃灣市中心更貴,且味道一般都更差因此我跟太太絕少在家附近食晚餐，只會選擇在荃灣市中心更帶機尋覓然而當天出差後很早回到家附近便來試試下午茶牛肉炒公仔麵～～～～～～炒得非常油卻沒多少鑊氣，而且牛肉很老除了份量較大外，根本沒有什麼優勢跟餐送例湯及飲品，例湯算是不過不失，最少不是味精湯而凍奶茶有點偏苦，茶味較濃總括而言，我不會再主動來光顧了

麗城花園附近的餐廳廖廖可數，想尋找到好食的食物都很困難，但有時盲目去不同餐廳試食都會有意外的驚喜。在此餐廳我點了蔥爆牛柳絲飯，軟綿綿的牛肉絲再加上香蔥椒絲加上入味的醬汁，很配合十分可口，一啖飯一啖蔥一啖牛肉，很惹味😝

以前成日會同同事黎新香城餐廳食lunch☺️因爲就腳，啲野食又大份！味道又唔差，價錢又合理！不過今日黎到，水準差唔多，價錢都係加左$2，不過份量就明顯少咗🙈不過正常既，人工、租金、食材都成本上升，加得少少，唯有份量落手😂😂😂叫咗個羅宋湯底雞肉絲螺絲粉，配奄列同多士個多士已經變咗係兩塊簿簿麵包，不過味到都係OK嘅！朋友叫咗個豬扒撈公仔麵，豬扒煎到啱啱好, 幾香口，配一餅公仔麵，味道唔錯👍🏻但份量就真係少咗少少🙈如果男仔就未必夠食啦🤣餐飲我就叫咗茶酒，奶茶加煉奶，略嫌有少少甜

新香城 給我的感覺 是一間家庭式 經營 的街坊茶餐廳， 住在麗城附近的人 應該沒有人沒進去食飯過吧，超出名的（在麗城）， 是我食早餐的好選擇， 其中最喜歡的一定是沙爹牛肉公仔麵， 牛肉非常之軟身，入味，好味道， 配上一杯熱飲， 一件牛油多士， 就是一天的好開始了。

Lunch time唔想食飯，食雲吞麵都係一個唔錯既選擇。新香城有雲吞麵餐，跟餐送油菜同飲品，性價比都OK。雲吞紮實，大大粒，有完整蝦粒，豬肉餡份量頗多，夠彈牙有咬勁，飽滿足料，啖啖肉，皮薄不會過厚，有金魚散尾，好滑溜。而且一碗有成五大粒，女生絕對夠飽！麵條幼身，夠爽口，不算彈牙，但亦不會過腍。惟獨湯底過鹹欠層次，食左半碗麵已極為口渴！！絕對係一大敗筆…跟餐揀了芥蘭，芥蘭最緊要係夠爽口，食落爽脆，唔會過熟，都唔錯。

2018.9.13 Breakfast 荃灣麗城 新香城跑步中途下起雨，唯有找個地方避雨，好，吃個早餐！未來過麗城附近的食店，看見一連三間：太興、新香城、燉奶佬，前後兩間四圍也有分店，見新香城有卡位，就選她吧。一進去，自己選位，太好，我很怕伙計指定位置。一坐下，茶就上，快手，樓面都是上年紀的姐姐，做事快，下單、上食物都爽手，價錢中中間間，早餐也算多選擇。我吃了牛扒煎蛋多士餐，配啡走，蛋黃熟了，多士牛油足夠，牛扒似乎翻煎過，一般般，啡走是一般茶餐廳偏奶的味道。整體一般，合符這個價錢。

今日下午見餓餓地，附近又有間茶餐廳叫新香城。可以叫外賣的，當然叫咗個雞脾薯條下午茶餐，在加杯冷奶茶。等咗約半小時，食物终於來到，還是暖暖地的，雞脾份量不算大，细细隻，但勝在似刚刚炸出來的。還是幾新鮮，幾好食，薯條份量都不算多，又係暖暖的，不過有D炸耐咗的感覺，至於奶茶味道一般，淡淡地，還是可以接受，價錢约39元，一般般抵食。下次如果不想出街，又不是太高要求食材，可以試试光顧這間茶餐廳外賣。還是可以接受的。

下午去咗依間係荃灣麗城花園第一期地下，叫做新香城餐廳。店鋪約有60多個座位。環境也可以接受。和朋友一人叫咗一款小菜套餐，每款53元，套餐奉送明火例湯及絲苗白飯。兩款套餐分別係金菇肥牛粉絲煲和生根炒白菜。肥牛唔多入味，個煲味道一般，好失望。生根味道也是很麻麻地，而且份量很少，好彩的是餸菜還是熱熱地，價錢還算是可以的，但依個價錢亦可以有其它食店選擇，結果兩款小菜都沒有全吃光，就當係減肥吧，我個人應該不會再來食。因為對這間食店失咗信心了。

常餐幾好食，間中就放lunch過來食，特別係個奄列，入面有叉燒碎，煎得唔錯👍🏻但就唔多乾淨..........有兩次食常餐都...衛生方面就麻麻🙁發生問題後同收銀講，態度都幾差😤