新香園

营业中

休息中

呢間餐廳以前落深水埗都成日去食，出名麻辣牛治。今次好耐再去。有新體驗落單時叫左個麵同菜，佢問我飲咩。我問跟嘅咩？ 佢話跟我先叫嘢飲。之後先打單來先知嘢飲要收錢。我問佢點解收錢佢仲話頭先同做生意做到咁唔誠實，嘢食又差左。真係唔會再去。

經過深水埗來試試港式口味下午茶食物 : 夾醬西多士 $30 - 入口好香, 多士上面的小白免形牛油好得意, 加咗$2 夾花生醬, 多士一定要有花生醬才是港式 烘底蛋牛治 $25 - 蛋牛治有點牛望, 太乾無汁, 麵包加咗$1 烘底, 但都唔係好脆, 感覺麻麻地 飲品 : 熱檸茶 $16 / 凍檸茶 $18 - 味道正正常常, 唔錯 環境 : 茶餐廳格局, 有很多遊客幫襯, 坐得比較迫 服務 : 姐姐有禮貌 價錢 : HK$89 (無加一服務費)

又貴又細，叫左個鮮牛治，D牛肉又少到碎，以前食都唔係咁，得3份1牛肉，仲要碎，以前鮮牛肉又一塊塊，唔怪得人地返大陸食野。餐牌仲要叫我幫手放返好，我都未睇完，真係做愈差。

今日我去深水埗行街買電話，行到攰又肚餓諗住食啲嘢，見到非常出名嘅新香園餐廳，原來佢係舊名叫做南香園，喺黃金商場舊舖搬去新舖改名，馳名麻辣蛋牛治，用新鮮牛肉煎蛋加呢個麻辣，將三文治烘底，香脆麻辣口感豐富。

新香園，深水埗名店十年都唔入深水埗一次，今日我去深水埗搵食⋯⋯門面好乾淨，入面都好多人，我就入左去坐，環境都幾好，唔錯架！1) 豬膶鮮牛河，湯底清甜，適合鐘意食湯野嘅你2) 牛脷撈丁，今次係咖哩味，微辣，好岩想食辣野但又唔食得太辣嘅人

話說晏晝去深水埗搵食、首站試一試被譽為世一沙嗲牛三文治嘅新香園、叫咗沙嗲牛烘底及 沙嗲麻辣牛烘底兩款鎮店之寶、見到蛋汁慢慢「咇出嚟、視覺效果被強姦、可惜犯了一個毛病、麵包底相對濕度可以唱首林峯「Let‘s Get Wet」 ，雖然我相機食先會影響第一生效果、但30秒時間亦不至於令到整塊包皮全濕、牛肉介乎碎牛同鮮牛之間不三不四，唔知想點，另外麻辣蛋牛亦沒有什麼特別，如果他是世1 蛋牛治的話， 那現有經營的 科記、昌記、誠記應該是宇一, 以前中環裕興大排檔的五香肉丁芝士炒蛋椰菜花生醬雙拼治烘底更是銀1，「銀河第一」 ， 可惜冇得食，唯有屋企自己整一解相思之苦

行過新香園嘅門口，肚仔就已經喺度叫喇，豐盛嘅早晨，點少得嚟場味蕾嘅享受？🤤🌟🍽️ 麻辣蛋牛治一試就令人鍾意，蛋滑得黎又保持到啲脆邊，味噌噌香氣夾帶著小小辣，融合得刁鑽。牛肉絲嫩滑，微微嚼勁，就連個麵包都做到外脆內軟，唔單止夾萬，連食癖都提起嚟！話說，試過新香園嘅奶茶啦？滑潤嘅口感🥛，微微嘅茶香味，當真係解渴又消膩，與蛋牛治一拍即合。席間嘅服務，又快又親切，好有家嘅感覺。彷彿每一啖嘅滋味背後，都藏住佢哋對呢碟經典早餐嘅心思同埋堅持。哩間新香園，將平民小食端到你眼前，又攞咗啲新意思黎匠心打造，食客你喺度猶豫咩？總之我食得開心，滿足得好過癮，係你都要嚟一試嘅嘢！下次再嚟，我都要再嗌滿滿一桌，嘆到飽咁！😋👍🔥

依家我就同大家講返啲真材實料嘅體會——深水埗嘅這家食店，牛筋腩撈粗麵，真係好得嚟過癮！啱啱嘅牛筋，嚼勁十足，正到彈牙，同牛腩就慢煮到腍滑得黎保持咗那份肉感，香而不膩，好夠晒口感。啲麵條Q彈得嚟唔會太硬，同埋撈起嚟嗰陣，麵汁啲香味直撲鼻，正喇！唔只係飽肚嘅事，而家係滿足味蕾架！至於凍檸茶，啱晒大熱天嘅消暑選擇，酸酸甜甜，飲落去真係清新解渴。場地方面，格離板間隔到位，安全感加分，而家呢個時候食飯，呢啲細節真係好重要😊。一句嘢，呢度真係食物同服務都係靚仔！如果你想搵間地道撈麵店嘅話，我絕對推介你嚟試吓，保證唔會蝕底！😋🍜👍

真心推介呢度嘅麻辣蛋牛治!食落唔會得死辣味,反而係有啲麻香,再加埋煎好嘅蛋牛餅,烘底烘到金黃色脆脆地超好食!食完仲要唔覺得油膩👍🏻👍🏻叫多個南乳豬手都唔錯,豬手炆到好腍亦都幾多肉,南乳味好香,唔錯

新香園在深水埗已經開業多年，位於汝州街186號地舖，是一間提供平民美食的茶餐廳， 店內有卡位， 裝修比較懷舊。晚餐🥢 ～ 葡汁牛脷飯$56、 豬手麵$32、 蛋牛治$24、 香芒凍檸茶$28、 紅豆冰$14。 ▪️葡汁牛脷飯 ～ 葡汁味比較淡， 牛脷厚切但口感硬。 ▪️豬手麵 ～ 有兩舊豬手， 口感軟腍， 幼麵檔口。 ▪️蛋牛治 ～ 烘底蛋牛治，即叫即整， 味道可以。 ▪️香芒凍檸茶 ～ 有芒果蓉的凍檸茶，味道幾特別。 ▪️紅豆冰 ～ 我點少冰的，真是很少冰👍🏻， 因為好多時茶餐廳都做唔到。 味道方面紅豆唔夠腍。 我比較喜歡豬手麵， 個人感覺其他味道普通啦！ 🏷️溫馨提示～ 整個用餐體驗均屬個人分享意見， 只作參考😊。

8月14日大約夜晚10點8左右有個帶眼鏡染頭髮嘅員工同我落單，我叫餐蛋一丁加腸加柸凍檸茶最後我話要太陽蛋，個員工竟然同我講：你一次過講丫麻。我即刻著咗。我係一次過講阿只係將要太陽蛋講係最後。咁都要比人話。可能大家覺得冇問題，但我聽落真係好唔舒服。

深水埗簡直係平價美食嘅天堂，我同個friend幾十蚊食到飽晒最後仲要打包埋。呢間屹立不倒嘅老字號果然係名不虛傳，西多士炸得香脆可口，配搭外邊一層薄薄哋嘅牛油食落口感非常豐富，配煉奶簡直係一絕。蛋牛治一定要烘底，燶燶哋先正，趁熱一啖咬落去，太滿足啦。沙爹牛肉面醬汁濃郁，牛肉唔會太老，嫩得嚟啱啱好

近期真的迷上了蛋牛治至不能自拔。難得來到深水埗， 即使不餓， 也不得不一嘗當區名物之一新香園： 麻辣蛋牛治$25+$1 烘底看起來烘得不夠， 應該不夠香脆果然麵包部分也是令人有點失望不外層不香脆， 內𥚃不軟熟但炒蛋牛肉這部分加了不少分首先她們使用了鮮牛肉而且份量絕對不手軟有牛味， 也不會太多筋或太肥沒有把肉醃製得溶溶爛爛而多付$2 的麻辣味， 也負起應有責任有麻也有辣， 但又不會搶過肉味和蛋味最後的蛋，份量也不少足夠包裹住牛肉有蛋香蛋味不會炒得太老整個麻辣牛肉炒蛋很不錯只是麵包部分令她有點失色這個份量， 這個質素， 這個價錢我覺得物有所值而且店也清潔衛生企理店員也有禮勤快都值得有高的讚揚只是因麵包真的有改善空間， 所以👌

點咗一杯熱鴛鴦，招牌蛋牛治，小食瑞士汁雞翼 同埋西多士。 整體上不過不失，招牌蛋牛治不算有驚喜，只係屬於好普通好普通級別。瑞士雞翼係即叫即做，所以呢個原因瑞士汁只係停留在表面，裏面只係有種白烚雞嘅感覺。而西多士就十分難食到無法接受！！入口已經有種重新再炸嘅口感，麵包中間完全冇醬料，而大家見到黃色嘅，係蛋漿未經過完全煮熟嘅狀態， 麵包睇起嚟好薄嘅原因，係由過多嘅油份做成，估計烹調過程出現問題。其實我都有向職員小姐反應，但遺憾未有做出任何反應，只係事後道歉幾句，講會作出改善，呢啲咁嘅敷衍答案，真係令到一間老牌茶餐廳失色，冇哂人情味。 最後總結呢間只係得個名嘅茶餐廳

深水埗新香園麻辣蛋牛治每次經過都忍唔住想食最喜歡這三文治牛肉和雞蛋煎得熱辣辣好香有麻的感覺但又吾太辣對於我吾受得太麻辣記得烘底加$1簡直完美豬手麵（豬手夠淋又爽口/麵質爽口）