新香園 (堅記)

营业中

休息中

上次嚟食咗紅豆冰同蛋牛治.........不過無帶相機..........mar 30, 11晚再試埋其他名物,叫咗 : 1) 南乳豬手麵 (hk$15)-唔大碗,不過只喺收$15,咁個份量就差唔多啦-睇番上次record,友人都喺叫呢個-豬手炆得腍,不過唔多食到南乳味-麵都爽彈,不過鹼水味都明顯2) 西多士 (hk$13)-嗰晚都幾好胃口,所以叫埋個西多士先~~~~-新鮮熱辣到出晒氣泡仔-將牛油推開,很快就泛成油海-索過蛋汁嘅麵包經煎過後,外小脆,裡面好軟熟* 裡裡(堂食)外外(外賣)都是客人 * 順帶講番佢嘅蛋牛治同紅豆冰,前者個麵包烘得熱鬆脆,蛋邊亦煎得脆香,只是食唔到有牛味,而紅豆冰真喺好有豆味,起晒沙,好有水準

許久沒來新香園了,近日竟然在openrice十大好評升幅中,「再」次出現。那麼巧合,老公也正想念那蛋牛治。我們差不多兩點多鐘來到,也是滿九成人。幸好茶記是快上快落。又那麼巧合,再被安排坐在廁所對出的搭枱位,不好了吧......便等了隔離樓梯底的枱子「自成一角」。預先重溫食評,所以點了公司三文治$22(因為公司冶內也有必吃的蛋牛)。很快,食物來到。你看那烘多士……金黃色澤那麼均勻!脆脆的多士,夾著不韌的鮮碎牛蛋、火腿、餐肉。好吃到暈!連餐肉都覺得特別嫩滑。凍奶茶$11(少冰),碎冰粒,聊聊可數,少得可憐。好像飲放涼了的熱奶茶。不過飲得出,本身杯奶茶都唔錯。沙嗲牛肉通,驚喜地,用了豬潤湯底!沙嗲不濃味,能與豬潤湯並存。通粉腍得來,質感滑du du。在這逗留了十零廿分鐘,與油煙味為伴。不過食物那麼出色,是值得的。

呢排成日見咁多好食評, 我都忍唔住等埋老公收工去試試~ 以為會人山人海, 原來都唔係, 門面只係普通茶餐廳, 有D似"維記"~粥底綿滑, 但偏稀, 牛肉有少少韌, 豬潤不韌, 不太稔~ 但唔知點解食到最後一舊豬潤有苦味~ 豬潤都係維記好食D~ 老公話麵太多鹼水味, 牛肉比粥的冇咁韌, 菜都好爽甜~ 主角來喇~ 從未見過咁多肉的公司治, 其實係餐腿+蛋牛治烘底, 但原來呢度公司治, 唔洗講出聲, 都已經幫你烘底~ 正~ 蛋牛部份, 碎牛不是平時的咸牛肉, 係似滑牛切成一粒粒牛肉碎~ 一啖咬落去公司治, 面脆, 入面啖啖肉~ 老公話係呢度食, 樣樣都係食肉獸~ 落單其實有少少亂, 有好幾枱叫油菜, 阿姐係唔認得, 邊枱話要就放低, 有D叔叔嘈起來, 場面好好笑~ 我見到好多叔叔嬸嬸都來吃豬手麵, 而且係馳名, 我下次都要來吃~仲有呢度係24小時開門, 真係啱哂夜鬼人仕~

Amazing refreshing and tasting boba!!!What makes their boba drinks different? High-grade ingredients and freshly made bubble or tapioca pearls every two hours!!!Yum! Fresh Boba is the best. It makes a huge difference in the taste.Excellent service too!

張大俠強烈推介呢道既旦牛治烘底，上個星期就同大王黎睇吓大俠有冇老點我!坐低叫咗旦牛治烘底，紅豆冰，豬手面同西多士。旦牛治烘底果然好味，我同大王都搶住食，旦夠滑，牛又夠味，正!!!!!紅豆冰就唔識分好唔好味，不過張大俠都有推介。豬手麵就普通，唔夠味，麵就太林同皂水味太重。西多士就有驚喜，炸完都好乾身，外脆內軟，大王都食到lam lam 脷。今次同房做到野，正!!!!!!!

工作關係, 當日外展到了SSP一帶食lunch事前已經上定openrice, 選了3間心水餐廳去試此乃第一樣: 蛋牛治!平時,蛋牛治的意思係用咸牛肉/碎牛, 但呢到係用滑牛肉片炒蛋的...正!等左2,3分鐘就有得食, 非常熱, 蛋同牛都幾滑, 仲要d料夠哂厚身....$13 蚊真係好抵我響到堂食, 食左10分鐘, 好多人不斷咁叫外賣鈴走的...樓面都算乾淨架, d職員都ok有禮貌結論: round 1, openrice 無介紹錯!!!

是日做跑腿，到深水埗，友人話帶我食好野，原來就係新香園，哈，終於可以試下傳說中既蛋牛治。一落單唔洗一分鐘就有得食，流量快，一路煎，咁做都無可厚非。這裡的蛋牛係奄列式，夠哂香口，蛋煎得剛好，煎到個邊金黃微脆，很不錯，牛肉味好濃郁，是不錯。奶茶就麻麻地，好淡無咩茶味。$24蚊，一杯奶茶一份蛋牛治。

豬手麵一送上枱，只有有兩只很大塊的豬手，豬手做得很淋，可以本人不喜歡南乳味，味道還可以。蛋牛治可以免費烘底，個人建議一定要烘底，味道會好吃很多。蛋很滑，配上新鮮的牛肉簡直就是人間極品

都真係幾正嘅蛋牛治, 唔係一般嘅咸牛肉, 真係食過至知有幾唔錯 !豬手麵又好味wor, 好淋,又唔覺肥.. 值得再試.豬潤米, 豬潤還可以的, 但燙底就太清淡, 失色了...除食品, 再以價錢論, 係可以再試的一間食店下次會試鮮油多, 但蛋牛治係會再食嘅

難得與兒子結伴前來吃麵，平時他要上學，而假期我們全家會去些能坐得久的餐廳吃飯，並不是這種甫坐下就要點餐一吃完立即走人的地方。今天因為仔仔學校放假一天，才可以和他面對面吃碗‘麵’！ 每回來“新香園”我都是吃豬手麵，這次兒子又點了豬手麵拼牛腩，我得換換口味了，來個新花樣——生灼豬雜麵，這樣倆人既可以相互分享又可比較下兩款麵哪個更好吃！ 登、登、登：豬手牛腩麵對生灼豬雜麵正式較量： 麵條：是一模一樣的（廢話，都是廣東麵餅嗎），爽爽的，有彈性，鹼水味較輕微，上一次吃因過重的鹼味，結果我要把麵放進湯裡洗刷才吃得下，不過兒子的麵份量比我多一些（為什麼會這樣，奇怪？），還有我的豬雜麵上澆了一大片的蠔油，又咸又甜的，我一點也不喜歡，向店員反應，她說可以在點餐時說蠔油邊上（放一邊的意思），這個回合兒子暫勝！ 配料：我

緣起與網友 為食lydia 交流飲食心得，發現彼此均嗜吃豬內臟。我推薦佐敦的彌敦粥麪家 (見本人食評〈豬潤最強〉)，她則指新香園堅記之出品價廉物美，不輸前者。往日到該店所點的千篇一律──蛋牛治和奶茶 (基本上十個人起碼五六個跟我一樣 )，既有我忽略之美食，無需贅言，馬上出發！店小，容易滿座。水吧出單快 (麪食則久一點)，街坊們也識相地吃得飛快。是次專程來吃粥，怎料下午五時才開始供應，只怪我往日沒詳看餐牌 ，唯有改點生灼豬雜麪 ($21)。上桌後迫不及待查看──豬潤、豬腰、豬肚和豬粉腸各兩件，另加兩塊生菜，份量令人滿意 ！所有豬雜均新鮮無異味：大片豬潤粉嫩脆爽，無筋，師傅拿捏熟度精準，不輸彌敦；鮮度則兩店差不多。腰肚味較淡，富嚼勁，稍嫌粉腸不夠肥美。麪爽滑，無可避免有淡淡梘水味。大體來說，這麪不特別出色，但也便宜可口，嗜豬雜者不妨一試。出門太急忘了帶手機，拍不了照，再來時遂點了豬潤米粉 ($19) 作「補償」 。便宜兩元，份量卻少得多，豬潤才四片而已。湯底清如開水，淡而無味 (忍不住加了點豉油和辣椒油添味 )，無法與同區維記同日而語；豬潤則依舊優勝。維記量雖多，每片太小太薄，欠缺口感 (

原以為星期六會很多人誰知熱青的伙記姐姐馬上就幫我們找到位置了厲害!!雖然是第一次來, 可是事前己做好準備功夫點了蛋牛治烘底&豬手麵真的很足料, 不用我多說, 你也知道好吃了吧~一碗有兩件豬手, 夠稔又入味, 而整碗又不會很油, 讚母親大人還再來多一碗, 可想而知了吧!

深水埗新香園嘅蛋牛治聞名已久，但一直遲遲未有機會朝拜一下，今日中午終於有機會，親身享受一下呢份美食 !公司治即叫即做夠晒熱辣辣，不單止麵飽烘得脆口鬆軟，中間嘅餡料更加係精彩無比。醃過味嘅鮮牛碎，加埋煎得半熟嘅雞蛋，咸香味及蛋汁共冶一爐，Yummy！加埋我最愛嘅煎午餐肉，口感當然滿分！凍奶茶一樣唔馬虎，奶味茶味剛剛好，入口感覺細膩，甜度亦適中，正！而且凍飲只係$10，今時今日都算幾抵！不過下次到來就要試埋人氣紅豆冰先～哈哈~~新香園名物眾多，除左蛋牛治，西多士呢類茶記常見食品之餘，仲有豬手麵，無奈一人胃納有限，今次試住咁多先，下次再來食豬手麵，睇下佢好味Ｄ定係麥文記剎食Ｄ！

抱住希望入去, 面掛微笑咁走!三個人, 3杯熱奶茶, 2份旦牛治(烘底), 1份西多士.好迫既位兼同人搭枱. (6.30pm)"請問食d乜", "多謝灑, byebye" - 啊姐禮貌對待.食完唔夠喉, 叫多份旦牛治,啊姐心諗你食左咁多, 所以問"攞走呀?"我話"唔係,係度食,好好食呀!"

好馬不須是良好血統之高價貨,精英大師周歲身價,不過三十萬,結果成為一代馬王,連非馬迷也聽過其大名.好球員不須用天價收購回來.如熱刺的雲達華治,八百萬鎊的荀價,足以成為今季英超最佳收購.好吃的食物,同樣不須大耍金錢,不一定要米芝蓮,粒星的意義,旨在名氣上加多幾分.有些星根本是流星,不值一提.很多人說吃早餐吃到悶,來來去去都是什麼ABC餐,如果肯花一下時間去找,就算吃早餐,一樣可以很精彩,今天,就由新香園說起.新香園堅記外表其貌不揚,與平常你我都去的茶餐廳沒有兩樣,但是其蛋牛治,絕對是一大亮點.身邊很多朋友,經常來此店,目的都是吃一個蛋牛治.在早年初來時,對此蛋牛治的感覺,如一名其貌不揚,不施脂粉的女生,完全不懂欣賞,後來再吃多幾次,才發現其可愛之處.看似簡單得你同我都做得到,講就易,一落手就另一回事.還是乖乖付上十多塊假手於人吧.蛋身煎得剛好不老,還有蛋汁流出,碎牛肉是鮮牛,味道濃郁,與香甜的蛋汁渾然天成,連同烘過的方包,三合一便是美食之方程式.加一杯比上次拉得更好,茶同奶味合一,帶有回甘的熱奶茶,這個早上,不須花費太多,換來一個滿足的早上.明知老土到甩牙也要講句:幸福,其實可以好簡單.