新錦園大排檔

营业中

休息中

上兩週分別和不同的食友去了這裡，一間舖號，就幾乎佔了全層的面績，其晚市的生意也旺，而這兩餐的價錢，也只是維持在八十元上下，大杯啤酒加上碟數不少，理應不亦樂乎，不過平心而論，這裡的食物水準，倒有點改進的空間。碟頭份量固然較少，一碟灼蝦只得幾隻，炒班塊也只得數件，不過價錢算平，算情有可原，最大問題始終在烹調和選料上，一條細麟，火侯蒸得過了火，肉質有點粗鞋，至於羊腩煲看似沒問題，可惜其醬汁始終蓋不住那雪味，用蕃茄來滾豬潤湯，味道也有點怪，最後是土魷蒸肉餅，提起蒸肉餅，永遠都會提出一個問題：怎樣才是一碟好吃的肉餅?! 是彈牙? 是鬆軟還是淋滑? 怎樣都好，總不會是帶點粉的出品吧 !好少去得咁盡，平心而論，也未至於十分難吃，其炒蜆、豉油王炒麵、大大個的炸墨魚咀、和火腩大鱔煲，還是吃得過的；個白粥還算幾好吃的...........自己未必主動再去了，如再有食友相約，平平地喝一頓啤酒，可能會再奉陪。

在大角咀吃鑊氣小炒,很多人也會鑽去市政大廈的"新錦園",一來價錢相宜,二來有電視看,尤其是周六,日晚上,有英超轉播看,每人幾十銀有酒有菜,平過上酒吧.我們在周日夜來,沒有球賽看,換來兩個本地電視台的飲食節目,一邊看電視上的美食,吃飯也吃得特別開胃的.這夜一行六人,點些小炒也不是什麼有特色的味道,炒蜆用來送酒,豉油王炒麵炒得乾身有鑊氣,比很多地方做得好.西蘭花班塊,炒鮮魷就中規中矩.番茄滾大眼雞湯就喝得多,用來搭豬潤就少見.這個番茄豬潤湯,甜就幾甜,不過不是原味的甜,懷疑下了不少茄膏在內.侍者奉上炒通菜,說:{這碟是全場最大碟架.}事實上,真的很大碟.仗著人多,蒸條魚吧,是夜的蒸魚是細鱗,吃落魚肉有點鞋,蒸得過老之故.天氣未涼,有人已急不及待要個羊腩煲,$150一煲,夠六個人分.份量十足,羊肉煲到稔熟,但沒有羊肉的騷味.話須如此,點些腐乳,又吃完一件又一件,講一套做一套.吃羊腩煲之最佳時間地點,當然是在天寒地凍的晚上,與自己的心儀對像或者情人,坐在街邊.一同分享熱呼呼的羊腩煲.吃罷大家暖笠笠,有沒有下文?就要看自己的做化了.

星期日晚八點幾重人頭湧湧，唔容易先揾到張三人枱，即刻叫餸，有四樣嘢:梅菜扣肉 :係煲仔菜，梅菜都幾甜，扣肉肥廋適中，又炆得幾入味，送飯一流鹵水掌翼　：主要係叫嚟餸啤酒，比較咸咗少少，但掌翼都幾大隻，幾好菜膽雞 : 叫咗個例牌，有四份一隻左右，不過不失蝦醬通菜 : 鑊氣夠，炒得香，蝦醬好惹味食物水準中上，但勝在份量十足(三個人當然食唔哂d餸)，而且價錢好抵，人均消費同快餐店差唔多。環境方面算企理，但好嘈，講嘢都要大大聲。

星期三晚七個人去食晚飯, 第一個感覺係『好嘈』, 大家要張大喉嚨說話才聽到。坐下後, 我們七人點了十個餸, 諗住十全十美 我們點了的餸包括: 炒蜆 (夠味,good)、砂鍋魚頭(食唔到肉,得d魚骨)、豆腐煲(豆腐好入味,唔錯)、雞肉炒菜心(味道一般,好油)、半隻雞(肉好實,唔滑)、炸生蠔(大大隻,夠香口)、椒鹽九肚魚(好好味)、三色水蛋(好大碟,一般住家餸)、粟米班塊(魚肉好滑, 讚!)、蒜蓉油麥菜(真係好好好香蒜蓉味,未食過咁好食的油麥菜,但就好油膩, 如果可以少點油就更好了)。再加六碗白飯,兩支Jolly Shandy和一支beer, 埋單都係$511元, 真係幾抵食喎!如果想同朋友食飯傾心事, 這裡一定唔係好選擇, 但如果一家大細為了開餐, 這裡一定係唔錯的地方。

19/3(三) 8pm 跟同學們道別後,乘小巴到大角咀會合男友吃正餐.首次到訪此市政大樓的熟食中心.中心內之暢旺人流跟寂靜的街道成了強烈對比.遵守男友意旨,欽點了"新錦園"為晚飯落腳地.此區從前位處同區的大排檔,不難推測客路大多以街坊熟客為主.好不容易覓得小圓桌;甫坐下;再翻閱餐牌,街坊生意街坊價錢,菜式定價低廉.晚餐如下:蜆芥西洋菜$25,咕嚕雞球$42,砂鍋魚頭煲$48蜆芥西洋菜--西洋菜份量十足,唯味道較澀口,蜆芥入口粉粉的,食味不太對勁!或許這是一道錯配菜式.咕嚕雞球--雞球脆漿夠薄帶微脆;肉厚質感彈牙,而咕嚕汁甜酸度剛好,富水準的一味!砂鍋魚頭煲--魚頭談不上極惹味,亦帶點腥.反之布包豆腐頗入口嫩嫩滑滑的,墊底的白菜仔徹底索盡芡汁,唯個人避之則吉.街坊生意,服務還不錯.遺憾地,價廉物不美的大排檔!對我來說,這張感情牌,打不響!

老豆是他們的超級粉絲，基乎每個星期日晚都是他的指定飯堂，他總是說味道好價錢又公度。從山仔搬到市政大廈，除著物價高漲，價錢當然有所改變，不過老闆都算有良心，沒有大幅度增加，味道雖不是頂級貨色，但是有鑊氣，味道都幾可口，而且環境衛生。之前約埋班老死，7個人五個菜一個湯，都只是食了$300大元，佢哋食過都話比屯門的好得多多聲。不過原來中午飯還要便宜，$20元一碟飯/麵連凍飲都只是$22，相比其他茶餐廳動不動都成$35一個set，實在太抵，而且份量十足。難怪一到中午要等位，就連係匯豐的職員行幾條街都嚟幫襯。

釣完魚去加工,加工費30元,合理.先來一隻霸皇雞,爽滑有雞味,百份百新鮮野.140元,貴多少但有價值.再來蝦仁炒旦,看似簡單但不易做.值80分以上.48元小炒王.香口.水準之作.45元其實本人巳不是第一次作食客,上述都是本人心水之選.條魚蒸得剛好.海紅班兩條(自來釣口).味道當然......Yummy再加一些小菜和很多啤酒

時間：　８月１２日食晚飯人數：　３大１Ｂ消費：　１５０元簡介：　位於大角咀市政大廈，交通就唔係咁方便，不過整座大廈都好新淨。(1) 以大排檔計，環境真係就算好正，夠晒冷氣。(2) 炒蜆、通菜炒牛肉、梅菜扣肉、莞茜魚片湯。(3) 服務一般，態度OK但係人手不足。(4) 以大排檔計都算乾淨。(5) 非常抵食，仲有英超睇。

室內大排檔,真好,有冷氣!4個女仔去,叫左4碟餸~腐乳通菜($22):好大碟..但d菜有d老~京都骨($30):件件都好大舊,下次要叫佢整細舊d..但好入味..正!鼓椒炒蜆($40):都算大碟..唔錯啦~魚香茄子煲($35):好香好足料..送飯一流!每人一碗白飯,飽到肚痛啦!下次要食大排檔..都會再黎黎度..好味!

夜晚9時左右同我3 位老朋友在市政大廈4樓游完水沖乾淨身, 像自己家一樣, 沖完涼行落2層食晚飯到了新錦園, 看到餐牌有一個4人套餐$ 160:鹽水雞腳:西芹炒蝦仁:菜心炒牛肉:鎗魚另外加多個$ 35 炒蜆最抵讚食個炒蜆同埋條魚真的非常美味!食過返尋味

早前想再到車品品食，但竟然忘記了星期一休息，忽然想起這熟食中心，唔知d食物好唔好味呢？便決定來一試，上到去才知，只得兩間食店，而這間又比較大間。看完餐牌後，感覺價錢唔貴，便除便叫了三個小菜，包括:京都骨、蒜茸蒸勝瓜和蜆介鯪魚球。京都骨- 一來到才知真係好大碟，兩個人食都真係唔少，肉質偏韌，唔算太入味，醬汁味道偏淡，一般吧了。蒜茸蒸勝瓜- 蒜茸炒得唔夠香，令全碟菜都偏淡，勝瓜切得太薄，口感唔夠，也是好一般。蜆介鯪魚球- 鯪魚球幾香鯪魚味，新鮮熱辣大大粒，未食前還以為幾好，一口咬下去，點解這麼死實實的，相信係得唔夠吧，食多幾舊真係牙都軟。難怪食飯時間都沒有什麼客人啦，如只想食飽肚的，一定能夠滿足你，如有其它要求，還是算了吧！